Vi fann 2368 artiklar i dette arkivet.
Stavganggruppa i Surnadal Pensjonistlag inviterer til stavgangtur til Roparen torsdag 14. september. – Oppmøte klokka 11:00 på parkeringsplassen ved Surnadal Alpinsenter, fortel Svein Tjelle i Stavganggruppa.
Surnadal Demensforening og Helselag, i samarbeid med Seniorfilmklubben, inviterer onsdag 20. september klokka 12:00 til gratis kino på Surnadal kino, der dei viser filmen «Iris». Filmen «Iris» er valt for å markere den internasjonale alzheimerdagen, rett nok litt på forskudd, men Iris Murdoch (1919-1999) vart råka av denne sjukdommen.
Laurdag 16. september, mellom klokka 11:00 – 16:00, inviterer Nordmøre Forsvarsforening til open dag ved krigsminnesamlinga på Åsen. Krigsminnesamlinga på Åsen inneheld våpen, militærutstyr og uniformer frå andre verdenskrig (1940 – 45), med lokal tilknyting til krigshistoria frå Surnadal kommune.
Surnadal Demensforening og Helselag inviterer onsdag 20. september klokka 19:00 til ope møte i Frivilligsentralen sine lokaler på Skei. Da får dei nemleg besøk av Anna Marie og Karl Laugsand.
Da har vi lagt inn ReMidt sin tømmekalender for glass- og metallavfall, restavfall, papir og papp, plast- og matavfall, for september og oktober 2023 inn i aktivitetskalenderen vår her på Todalen.no. Tømmekalenderen for november og desember, vil bli lagt inn i starten av november månad.
Statkraft har lyst ut ledig stilling som fagarbeidar akvakultur ved Rossåa settefiskanlegg i Todalen. Dei søker etter ein engasjert fagarbeidar i akvakultur til settefiskanlegget sitt i Todalen.
Laurdag 16. september klokka 13:00 inviterer Surnadal bibliotek til festleg avslutting av «Sommarles», for alle som har vore med på årets utgåve. Klokka 14:00 blir alle, også dei som ikkje har vore med på «Sommarles» invitert til eventyrleg barneteater i Svorkasalen på kulturhuset.
Stavganggruppa i Surnadal Pensjonistlag sin tur i går gjekk til Kvenndalen. 26 stavgangarar var med på turen til Kvenndalen, og dei fekk ein skikkeleg fin tur i det fine haustvêret, med lett bris og 20 plussgrader.
Todalen Sokneråd inviterer til gudsteneste søndag 10. september klokka 11:00 i Todalen kyrkje. Liturg er Torbjørn Brøske, medan Bernt Bøe er organist.
Øyabrua har som kjent vore stengt for køyrety over to tonn sidan november 2017. I Hovudutval for Miljø og Teknikk sitt møte i mai 2022, vart det vedteke at administrasjonen skulle utgreie alternativ for kryssing av Toåa til erstatning for dagens bru, som kan bli stengt når som helst.
I går var dei to lokale listekandidatane for Arbeiderpartiet til kommunevalet, Odd Arild Sande og Bjørn Gunnar Ansnes, på Matkroken Todalen, der Terje Nordvik orienterte dei om moglegheita for å kunne bygge leiligheiter oppe på butikktaket. Dei to listekandidatane brenn for å lagt til rette for boligbygging i alle bygdene i kommunen. – Attraktive boligar er, saman med arbeidsplassar, dei viktigaste faktorane for å få folk til å flytte «heimatt» eller flytte til kommunen vår, seier dei to.
Tysdag 12. september inviterer Fjellgruppa i Surnadal Pensjonistlag til ny fjelltur, og denne gongen går turen til Møkkelfjellet i nabokommunen Heim. Oppmøte på parkeringsplassen nedanfor Øye kyrkje klokka 09:30 for samkøyring til Fjærli i Valsøybotn.