Vi fann 2363 artiklar i dette arkivet.
Bente Målen (45) fekk torsdag NTNU sin filmpris. Bente har var busett i Todalen frå slutten av åttitalet til utpå nittitalet. Ho har dei siste sju åra hatt filmproduksjon som levebrød, først som produksjonskoordinator og seinare som produksjonsleiar. Ho har mellom anna vore produksjonsleiar for filmane «Den 12.mann» og «Håp», og i TV-serien «Heimebane».
I 10-tida var vegen i Rabban (mellom Nordvik og Åsbø) stengt i ein kortare periode, fordi eit tre hadde blese ned og låg over vegen. Treet vart raskt fjerna av folk som kom til staden, slik at vegen var stengt i berre 15 – 20 minutt.
Regjeringa varsla i går at det ikkje vart nye nasjonale tiltak no. Barnehagar og skular er framleis på gult beredskapsnivå. Det er eit overordna mål å skjerme barn og unge og halde barnehagar og skular opne, men det kan raskt kome endringar, her òg.
Styret i Todalen.no minner om årsmøte torsdag 18.mars klokken 20:00. Alle medlemmer er velkomne, både lag og organisasjonar, bedrifter, og personlege medlemar.
Tysdag kveld var det årsmøte i Nordvik Grendalag. i Nordvik forsamlingshus. På grunn av koronasituasjonen var det påmelding i forkant, spriting av hender når ein kom og dro. Møtedeltakarane var òg plassert med god avstand til kvarandre. Kaffebrøda kom innpakka frå butikk, så ein kan trykt seie alle smittevernreglane var godt ivaretekne under årsmøtet. Odd Arild Sande vart valt til ny leiar etter Oddvar Mikkelsen.
Som ein direkte konsekvens av smittevernreglane i samband med Koronasituasjonen, er Kirkens Nødhjelp sin tradisjonelle Fasteaksjon digital i år ôg, slik som i fjor. Fasteaksjonen er Norges andre største innsamling, og har vore arrangert i meir enn 50 år. Tidlegare år er det konfirmantane som har stått for bøssebæringa. I fjor vart innsamlinga heildigital, slik den òg blir i år.
Pop Up-utstillinga i finstuå på Surnadal kulturhus 8.mars vart ein stor suksess. 15 lokale kvinner og 1 mann hadde meldte seg på med eigenproduserte kunstverk til utstillinga. Responsen frå publikum var òg veldig bra, dei tre timane utstillinga var open.
Ståle Ansnes i Todalen Idrettslag sitt driftsstyre vinteranlegg fortel at det no er nypreparerte løypetrasear i lysløypa på Tjønnmyra. Det er meldt meir snø utover ettermiddagen og kvelden, og driftsstyret vil preparere løypetraseane fortløpande framover.
Laurdag 20.mars mellom klokka 12:00 – 16:00 arrangerer Indre Nordmøre forsvarsforening (INF) Skiskytingas Dag på Gravvold i Bæverfjord. INF vil i samband med arrangementet ha eit introduksjonskurs for nybyrjarar.
Siri Skjerve skal i perioden 25.mars – 25.april ha separatutstilling på Møre og Romsdal kunstsenter i Molde. Utstillinga har ho kalla «As We Evolve». Siri lagar skulpturar av tradisjonsgarva skinn som er bearbeidd til mellom anna feittgarva skinn, råhud og pelsskinn. At skinna er tradisjonsgarva inneber at dei ikkje er industrielt garva. Siri nyttar Jutulskinn i Vågå til garvinga av skinna ho brukar, og saumar skulpturar med voksa lintråd. Skinna i skulpturane til utstillinga i Molde, er stort sett frå lokale jaktlag i Todalen, og Siri vil nytte høvet til å takke jaktlaga for leveransane.
Mykje lokal nedbør og vind fører til auka snøskredfare i Trollheimen, melder NVE på si varslingsteneste Varsom.no. Laurdag er det meldt raudt farenivå for Trollheimen. Vær difor forsiktig i leområder og terrengformasjonar der vinden legg frå seg ustabile nysnøflak.
I dag er det nøyaktig 79 år sia eit engelsk overvakingsfly, på oppdrag for å fotografere krigsskipet Tirpitz i Trondheimsfjorden, vart skote ned over Nordmarka. Flyet, eit Spitfirefly (med kallenamn AA180), krasja ikkje så langt frå Andersvatnet.