Vi fann 2322 artiklar i dette arkivet.
På nettsidene til Surnadal kommune kan vi i dag lese at det blir ei forsiktig gjenopning av Surnadal svømmehall på tysdag- og torsdagskveldar, så da blir det mogleg å ta seg eit varmt bad i vinterkulda. Opningstida er 17:00 – 18:30 og 19:00 – 20:00 båe dagane. På grunn av smitteverntiltaka i samband med koronasituasjonen må ein bestille tid på førehand.
Surnadal kino kan skilte med ein norgespremiere og ein oppfølgar. Premierefilmen er «The Marksman», som er ein film om ein ung meksikansk mann som er på flukt frå kartellmordarar. Filmen har norgespremiere 12.februar. Oppfølgarfilmen er filmen «Lassie kommer hjem». Her blir Collien Lassie og eigaren Fredrik på 12 år, foreina att, etter at dei ufrivillig har vore fråkvarandre ei stund.
Tysdag ettermiddag var det konfirmantundervisning med filmopptak i Todalen kyrkje. Til vanleg har konfirmantane i Todalen og Stangvik sokn konfirmantundervisning kvar for seg, men denne gongen hadde dei felles undervisning. Bakgrunnen for dette var at det skulle gjerast filmopptak av ei «mini» gudsteneste der konfirmantane skulle delta. Gudstenesta kan du sjå frå klokka 11:00 søndag 21.februar. Vi vil her på Todalen.no legge ut link til gudstenesta klokka 10:45 søndag den 21.februar.
Om du høyrer kyrkjeklokkene i ettermiddag, så har dette si naturlege forklaring. Det skal i ettermiddag vere konfirmantundervisning for konfirmantane i Todalen og Stangvik. Samstundes skal det gjennomførast ei lukka gudsteneste som blir filma i si heilheit.
Surnadal kommune informerer om at fristen for å søke om barnehageplass for barnehageåret 2021/22 er 15.februar. Dette gjeld berre born som ikkje har barnehageplass i ein kommunal barnehage i dag. Har bornet allereie barnehageplass treng du ikkje søkje. Det nye barnehageåret tek til 15.august.
Driftsstyret vinteranlegg i Todalen Idrettslag har køyrt opp skispor og turveg i traseen til Toåa tursti. På den eine sida er det skispor, medan det på den andre sida er trase for gåing, med eller utan truger. Så akkurat no kjempefine for alle typar turaktivitet i turstien. Da vi tok turen i dag, var det kjempefine forhold med sol, som faktisk varma litt, sjølv om gradestokken viste -12.
I dag feira Todalen oppvekstsenter at sola har kome att, samstundes som dei feira «samefolkets dag», sjølv om den først er i morgon, 6.februar. Mellom den 6.november og 5.februar er sola borte ved oppvekstsenteret, så i dag var det stor glede da sola viste seg for første gong på knappe tre månader.
Surnadal kunstforening avviklar sitt årsmøte på Surnadal kulturhus torsdag 25.februar klokka 18:00. På grunn av smitteverttiltaka vil det bli påmelding til årsmøtet for den som vil delta.
urnadal kommune melder at mange ringer Vaksinetelefonen for å bli sett opp på koronavaksinasjon utan at dei har fått innkalling. Brevet som vart sendt ut til alle over 65 år ved juletider, er ikkje å forstå som ei innkalling, men eit informasjonsskriv om at ein vil få tilbod om koronavaksinasjon.
Jugenstilsenteret & KUBE-museum i Ålesund har kjøpt seks keramikk skulpturar av kunstnaren Brit Dyrnes. Brit har sine røter frå Stangvik, og er i dag eigar av Rønnan i Stangvik. Kunstverka som Jugenstilsenteret har kjøpt inn har tema TILSTAND, og vart utstilt på Kunsthall Trondheim i 2019. Det er ei stor ære å bli kjøpt inn med heile 6 verk til dette flotte museet, seier Brit til Todalen.no.
Smittesituasjonen gjer at Surnadal kino går tilbabake til meir normal drift – men ikkje heilt! Sjølv om Surnadal kino framover vil vise fleire filmar, enn dei har gjort sidan nedstenginga 4.januar, er det under føresetnad av at ein følgjer smittevernkravet om å unngå aktivitetar som stimulerer til auka reiseverksemd mellom kommunane. Difor er kinotilbodet ved Surnadal kino berre tilgjengeleg for personar som er busett i Surnadal kommune.
2020 var eit bra år for daglegvarebransjen i Norge, med ein omsetningsauke på rundt 10%. Matkroken Todalen var ikkje noko unntak i så måte og kan vise til ein omsetningsauke på 10,6%. Matkroken Todalen auka omsetninga på daglegvarer frå 9 millionar i 2019 til 9,9 millionar i 2020.