Vi fann 2521 artiklar i dette arkivet.
Laurdag 9.oktober klokka 18:00 inviterer Todalen sokneråd til jubileumsfest i Todalen ungdomshus, saman med årets 50-årsjubilantar. Årets jubilantar vart konfirmert i Todalen kyrkje våren 1971. Det blir festmiddag med påfølgjande kaffe. Det blir ôg litt underhaldning, quiz og loddsal.
Siri Skjerve er ei, av i alt 45, kunstnarar som er plukka ut til å vere med på Årsutstillinga 2021 ved Sørlandets Kunstmuseum i Kristiansand no i haust. Utstillinga opnar laurdag 2. oktober klokka 14:00. Norske Kunsthåndverkeres Årsutstilling er den største årlege mønstringa av norsk samtidskunsthandverk. Årsutstillinga har open innsendingsrett og det er NKs nasjonale jury som plukkar ut verka som får vere med på utstillinga. Det var i år innsendt 898 verk frå 379 søkjarar, og Siri var ei av dei 45 som altså slapp gjennom nålauget, med kunstverket «Jakob Hunter».
Som eit resultat av at restriksjonane i samband med koronasituasjonen som har vore, vart oppheva frå laurdag 25. september, opnar Kristiansund og Nordmøre Turistforening (KNT) alle hyttene sine for normal drift att. Dette melder KNT i ei pressemelding no i dag.
Fjellgruppa i Surnadal Pensjonistlag vil tysdag 5. oktober klokka 13:00 feire at dei har hatt to fine sesongar med fjellturar. Difor inviterer Fjellgruppa alle som har vore med å gått tur, og alle som har tenkt å vere med å gå tur, til treff i gapahuken på Tjønnmyra (skistadion i Todalen ovanfor Gammelfabrikken).
I går sesongavslutta Fjellgruppa i Surnadal Pensjonistlag med tur til Bollen. Det var 24 spreke og opplagte «vandrarar» som var med på turen. Vêrgudane varta opp med strålande haustver og god temperatur, og moralen var sitt høgaste, så det vart ei kjempefin sesongavslutning for Fjellgruppa.
Onsdag 29. september klokka 17:30 inviterer Barne- og ungdomsgruppa i Todalen Idrettslag til sesongens siste friidrettskveld på Bordholmen stadion. Og denne gongen, kan dei skilte med servering av frukt igjen, etter at samfunnet no har gått attende til «normale» tilstandar etter koronarestriksjonane, som har vore dei siste halvanna året.
Fredag 8. oktober klokka 19:00 kjem stand-up komikar Terje Sporsem med sitt nye stand-up-show til Surnadal kulturhus. Denne gongen om verdas aller, aller beste land. Sunnmøringen er klar med sitt fjerde show. Før har han hatt stor suksess med sine utleggingar om «Krig» og «Religion», sjølv om det siste også var litt risikosport da ikkje riktig alle meinte ein skulle gjera for mykje artig av slikt.
Stavgang-gruppa i Surnadal pensjonistlag tek torsdag 30. september klokka 11:00 turen til bøkeskogen i Stangvik. Parkering på Svissholmen. Derifrå går turen opp til bøkeskogen. Etter turen blir det matpause på Svissholmen.
Som vi tidlegare har skreve, så blir Trimgruppa i Todalen Idrettslag sine trimbøker digitale frå fredag 1. oktober. Du lastar ned appen Trimpoeng, enten i Appstore (for iPhone) eller Play Butikk (for Android). Når du har lasta ned appen, går du inn og registrerer deg som brukar. Rettleiing i bruk av appen vil det bli gjeve under Trimgruppa sitt arrangement i Båthølen laurdag 2. oktober klokka 12:00, samstundes som det vil ligge rettleiing på kvar av dei 24 trimpostane.
Fredag 1. oktober, mellom klokka 12:00 – 17:00 er det duka for eit nytt gardsutsal hos Lia gard. Som vanleg kan dei by på forskjellege ferske bakevarer, og nokre fryste. Førehandsbestilling av skulebollar og eller grovbrød innan onsdag 29. september klokka 18:00.
Todalen sanitetsforening inviterer til kløvertur måndag 27. september til Haltbakken. Oppmøte ved Matkroken Todalen klokka 11:00.
Surnadal demensforening og helselag, og Rindal demensforening, inviterer til «Pårørendeskolen 2021». Dette er eit undervisningstilbod for dei som har eit familiemedlem eller ein ven som har demenssjukdom eller for dei som ønskjer å lære meir om sjukdomen.