Ukategorisert Arkiv

Torsdag 15. desember inviterer Trollheimen Fjellsportklubb sine medlemmer til handlekveld på Kårvatn Fjellutstyr mellom klokka 18:00 – 21:00. 

Torsdag 8. desember klokka 11:00 – 12:00, inviterer Surnadal Pensjonistlag til trim i Trudvang. Surnadal Pensjonistlag har fått med seg fysioterapeut Oda til å leie treninga, og å vise fram gode øvingar, som gjer godt for kroppen!

Under mottoet: «glede, lykke, mestring og tilhørighet», inviterer Fellowman Surnadal til julekonsert i lokala til Frivilligsentralen onsdag 7. desember klokka 17:30. Det blir gratis kaffe og kaker. 

Fredag 9. desember, mellom klokka 12:00 – 17:00, inviterer Lia gard til bakeriutsal. Her er det mogleg å få kjøpt både grovbakst og ein godbit til helga. Sidan dette er nest siste utsal før jul, så er det også mogleg å sikre seg ein «godbit» til jul!

I helga har Romsdal Randoneeklubb arrangert Classic Norway Hotels randoneecup på Bjorli. Laurdag var det NM i sprint og i dag var det Norgescup. I juniorklassen U20 var det todalingen og landslagsutøvaren Erik Kårvatn, som representerer Trollheimen fjellsportklubb, som var raskast under båe løpa i juniorklassen, og kan dermed kalle seg Norgesmeister i randonee sprint! 

I ei pressemelding frå Talgø no på tidleg ettermiddag, får vi vite at Talgø lanserer ei ny royalkledning, som dei har kalla MøreRoyal-kledning 2.0.

Søndag 4. desember klokka 11:00 inviterer Todalen sokneråd til lysmesse i Todalen kyrkje.

Surnadal kommune opna for at personar i aldersgruppa 18 – 64 år, utan underliggande sjukdommar, no kan få oppfriskingsdose. Dette gjeld også helsepersonell. FHI presiserer at det ikkje er ei generell anbefaling om at alle i denne aldersgruppa bør ta ny dose, heller ikkje for helsepersonell. Kvar enkelt må ta ei vurdering av behov for ny oppfriskingsdose ut frå eigen situasjon. 

Vinteren er høgsesong for boligbrannar – test difor røykvarslaren torsdag 1. desember! Det er oppmodinga Norsk brannvernforening, Direktoratet for samfunnssikkerhet og beredskap, det lokale el tilsyn, brannvesenet og Gjensidige kjem med før «Røykvarslerdagen» på torsdag. «Røykvarslardagen» er eit mangeårig samarbeid mellom dei ovanfornemnte.

Stangvik Grendalag inviterer til førjulsbasar i Bondehuset første helga i advent, nærare bestemt laurdag 3. desember klokka 16:00. Tradisjon tru blir det gratis mat og stort basarbord.  I tillegg blir det, tombola, luftgeværskyting, ballkast og pilkast.

Torsdag 1. desember klokka 11:00 – 12:00, inviterer Surnadal Pensjonistlag til trim i Trudvang. Surnadal Pensjonistlag har fått med seg fysioterapeut Oda til å leie treninga, og å vise fram gode øvingar, som gjer godt for kroppen!

Surnadal kulturhus rundar tjue år i år, og det vil bli markert  laurdag 3. desember. Kulturskulen startar det heile med sin kaffekonsert klokka 12:00. Konserten kan godt krydrast i for- eller etterkant med eit besøk innom Finstuå. For der har Surnadal kunstforening utstilling «Haustlys», som verkar å treffe mange – og det på ein særleg positiv måte.