Ukategorisert Arkiv

Fjellgruppa i Surnadal Pensjonistlag sin første fjelltur for sesongen gjekk til Årnes i går. – Bert var det, og god sti, men himmelen viste ikkje fram solsida si, fortel Kristian Ranes i Fjellgruppa.  

Todalsøra 125, kanskje betre kjent som Innerbaugen er lagt ut for sal. Innerbaugen har eit totalt bruksareal på 215 kvadratmeter og vart bygd i 1925. Fram til 1976 var posthuset i Todalen lokalisert i Innerbaugen. På eigedomen er det i tillegg til huset både eit lite fjøs og naust. 

Kvar måndag er det ein gjeng med trimmarar som møtest for å trimme litt saman, før det heile blir avslutta med kaffe og sosial samvær. Frå mai og ut på hausten syklar dei forskjellege ruter i Todalen og på Nordvik, medan dei resten av sesongen trener på Hett & Svett eller går på ski i lysløypa på Tjønnmyra. 

Fredag 26. mai, mellom klokka 12:00 – 17:00,  inviterer Lia gard til pinse-bakeriutsal. Så da blir det mogleg å sikre seg både grovbakst og noko til kaffekosen til pinshelga. For å feire våren har dei denne gongen «maitilbod» på skulebollar, 5 skulebollar til 145,- kroner. 

I går gjekk Stravganggruppa i Surnadal Pensjonistlag sin stavgangtur til bøkeskogen i Stangvik (Grantrøinn). Utsikta utover Stangvikfjorden med snødekte fjell som bakgrunn gjorde dagen ekstra fin for dei 18 turglade stavgangarane som var med.  

Sanitetskvinnene er, i tillegg til myykje anna, ein beredskapsorganisasjon. Dei har
nasjonale samarbeidsavtalar med Helsedirektoratet, Politidirektoratet og Direktoratet for samfunnssikkerhet og beredskap (DSB). Dei har også plass i både fylkesberedskapsråd og kommunale beredskapsråd. I tillegg har dei fleste av lokallaga eigne Omsorgsberedskapsgrupper som har samarbeidsavtalar med sine kommunar om å bistå ved behov. Sanitetskvinnene har over 3500 beredskapsfrivillige, feldelt på 320 lokalforeiningar og er organisert i 145 Omsorgsberedskapsgrupper rundt om i landet.

Svinviks arboret er ein museumshage med ei stor samling av rododendron, frukthage, stauder og bartre. Her finn du også ein sesongkafe og eit lite planteutsal. Både rododendron og frukttre har starta på blomstringa no, og fortset i tida framover.

Tysdag 23. mai startar Fjellgruppa i Surnadal Pensjonistlag opp att fjelltursesongen, der dei i løpet av sesongen vil besøke mange fine turmål. Tysdag går turen til Årnes. Oppmøte på parkeringsplassen nedanfor Øye kyrkje klokka 10:30 for samkøyring til Årnes. 

Også på Nordvik har dei i tradisjon tru feira nasjonaldagen. Rapportane fortel om ei fin feiring også hos våre gode naboar på Nordvik. Etter å ha delteke i 17. mai-toget  i Todalen var det klart for middag og 17. maifeiring i Nordvik forsamlingshus.

Det er mange år sidan det har vore så dårleg vêr under nasjonaldagsfeiringa i Todalen som i år, men da toget gjekk frå Todalen kyrkje til Bordholmen stadion var det i alle fall opphaldsvêr, sjølv om det var både surt og kaldt. 

I går kveld inviterte styret i Todalen bøgdalag til ryddedugnad før 17. maifeiringa. Sju personar møtte opp. Det vart delt opp to ryddegjengar som rydda vegkantane på kvar si side av bygda, samt frå Pilskaret til Øyabrua og frå Bruset og opp til gammelfabrikken. 

Todalen Sokneråd inviterer til grunnlovsgudsteneste i Todalen kyrkje onsdag 17. mai klokka 14:00. Liturg er Torbjørn Brøske, medan Bernt Bøe er organist.