Ukategorisert Arkiv

I år har dei politiske partia som stiller vallister til kommunevalet i Surnadal kommune, gått saman om felles distribusjon av partiprogramma og vallistene sine.

Stavganggruppa i Surnadal Pensjonistlag hadde i dag planlagt stavgangtur til Ranessetra, men dei siste dagane med til dels mykje nedbør gjorde at dei heller tok turen til Kleiva.   

Surnadal Jeger og Fiskerforening (SJFF) inviterer til sjøfiske på Nordvik fredag 11. august klokka 19:00 – 21:00. SJFF stiller med båtar. SJFF oppfordrar alle som skal delta til å kle deg etter vêret.

Laurdag 12. august er det klart for Surnadal open. I samband med dette vil Surnadal kunstforening stå for Popup-utstilling i 1. etasje og «Mine Nordmørsminner» ved Odd Ingar Skrøvseth i 2. etasje på Surnadal Billag.

I dag hadde Fjellgruppa i Surnadal Pensjonistlag ein våt tur Nistusetra Mogstad. – Eg må sei at Hans rønt tolmodet mitt i dag, seier Kristian Ranes i Fjellgruppa.  Forresten var ikkje styggveret så drykt den tia dem ha dråkanamn, – liksom litt gauar alt med seg, legg han til.

Stavganggruppa i Surnadal Pensjonistlag inviterer til stavgang torsdag 10. august klokka 11:00. Da går turen til Ranessetra. – Det blir samkøyring frå bommen i Modalane, så møt opp der 11:00, seier Svein Tjelle i Stavganggruppa. 

Fredag 11. august, mellom klokka 12:00 – 16:00,  inviterer Lia gard til ope bakeriutsal. Så da blir det mogleg å sikre seg både grovbakst og noko til kaffekosen til helga. Har du problem med å rekke innom i opningstida, er det berre å ta kontakt med Lia gard for å avtale henting av varer. 

Tirsdag 8. august inviterer Fjellgruppa i Surnadal Pensjonistlag til ny fjelltur, og denne gongen går turen til Mogstadsetra. – Der kan vi gå inn og sitte tørt med matpakkane våre, seier Kristian Ranes i Fjellgruppa.  

Onsdag 30. august inviterer Nordmøre Forsvarsforening og Nordmøre Brigadeveteranforening sine medlemmer til den tradisjonelle forsvarshistoriske sommarturen, I år går turen til Kvalvik Fort på Frei i Kristiansund. 

Tida går fort, i Svinviks arboret er det i helga siste ordinære opningshelg i Svinviks arboret denne sesongen. Så har du tenkt deg til Svinvika, så er du velkommen til å ta turen innom i helga. Arboretet lovar ei triveleg hagestund, med kaffe kake, wienerbrød og is – og meire til. Opningstida er klokka 11:00 – 16:00 både laurdag og søndag.

Sist laurdag reiste mange lokale fotballspelarar til Norway-Cup i Oslo. Kampane tok til søndag formiddag, og dei siste finalane blir spela i morgon. Totalt var det 20 spelarar frå Søya/Todalen som sette kursen til Oslo og Norway-Cup. Dei fleste av spelarane frå Søya/Todalen spelar no for Surnadal, men 4 spelarar spelar for Surnadal/Søya G 13 og 3 spelar for Kvass/Ulvungen-Søya/Todalen G 14. 3 av dei 20 spelarane frå Søya/Todalen er frå Todalen. Alle dei lokale laga er no ferdigspela og spelarane stort sett komne heim. 

Kvar sommar dukkar problemet med mangelfull informasjon om hytte- og fritidsrenovasjon opp. Dette gjeld både kvar ein kan få levert avfall, men også om kvar ein kan få tømt campingtoaletta på campingvogner og bubilar.