Vi fann 3615 artiklar i dette arkivet.
Med sol frå skyfri himmel og lufttemperatur på 8-9 varme i sola er laurdagen ein praktfull dag i Todalen. Rett nok er det skarp luft etter nattempeeratur på 6-7 kuldegrader, men det er ein flott dag for uteaktivitetar. Vi tok ein rundtur for å sjekke forholda, og kan rapportere om fint skiføre både på Kårvatn, ved Innerdalsmerket og ikkje minst rundt omkring i bygda.
Då er det klart for å stemme fram vinnaren av månadens bilete for februar. Vi takkar alle bidragsytarar til dagens bilete! Hugs årsmøte for Todalen.no 8. mars, kor vinnaren av årets bilete for 2015 også blir avslørt.
Alle er nok spente på korleis påskevêret blir, og no ser vi kanskje konturane av påskevêret på yr.no. I langtidsvarselet ligg det nokre regdråpar og lurer over helga, men utover veka ser til å bli forholdsvis mildt med temperaturar opp mot 7-8 varmegrader. – Men altså ubetydeleg med nedbør og kanskje litt solgløtt utover veka.
Todalen.no hadde årsmøte tysdag kveld og i tillegg til vanlege årsmøtesaker stod kåring av «Årets bilete 2015» på agendaen. Det er lesarane som stemmer fram «Årets bildete» frå dei 12 månadsvinnarane og i knivskarp konkurranse med dei 11 andre månadsvinnarar gikk altså Tor Hansen heilt til topps ikonkurransen med biletet «Ung fisker». Motivet er ein flott solnedgang frå Nordmarka og premien er eit flott innrama eksemplar av vinnarbiletet.
Todalen sanitetsforening inviterte dei vaksne todalingane på middag i Sanitetshuset sist tysdag, der skanksuppe, saltkjøtt, pølser og kålrabistappe stod på menyen. Det var ein snev av forsinka feittysdag over menyen, og det sette gjestane tydeleg vis pris på, for det var over tretti til bords på 2 finpynta langbord i Sanitetens klubbhus på Kvennset.
Årsmøte i Todalen Idrettslag blir halde i Todalen ungdomshus torsdag 21. april 2016 kl. 19.00, melder styret. På agendaen står vanlege årsmøtesaker, og fullstendig sakliste blir tilgjengeleg frå seinast 14. april.
Rett før helga fekk vi beskjed om at siste ladning med handdukar for todalen.no var ferdige med påsydde logoar. Det er Ildri Tørset ved Quiltebua som før jul tok oppdraget med leveransen. Dette var medan ho enno dreiv bedrifta si heimanfrå frå Bellebu på Skei. På nyåret har ho «utvida» med meir egna lokaler på Syltbakken.
–Eg må innrømme at eg ikkje var særleg sterk i trua. Men det vart rett og slett ein kjempekonsert! Mannen som seier dette er Frank sPoon Botten, kjent som lydteknikar frå Dreamfarm-studioet i Surnadal. Og konserten han snakkar om er «Ingen mjuke fiolina» med Bjarne Brøndbo.
4 flotte svaner har hatt tilhald ved Todaløra og Halsetøran i vinter. I føremiddag låg deg og duppa i sjøen og berre slappa av, men når vi stoppa for å ta bilde vart dei ivrige og kom inn møt fjøra.
Laurdag var det ein liten tjuvstart på sommarsesongen i svinviks arboret. Arboretet skal i sommar jobbe med restaurering av den gamle frukthagen, og i samband med dette prosjektet var det «podar-dag» med kurs i poding av frukttrær. Her var det fritt fram for alle for å delta og lære om poding, og læremeister var Per Arne Myraunet på Hellberg Gard på Frosta.
Denne veka er det Veteran-VM i hopp i Knyken skiarena i Orkdal. Et lite tips om oppslag i avisa Sør-Trøndelag gjorde oss nysgjerrige, og i avisas utgåve frå onsdag er det eit stort oppslag om Jo Kåre Torvik (55) som er deltakar, og som kan notere seg både for bronsemedalje i 30-metersbakken og 5. plass i 50-metersbakken.
Vår «eigen» krimforfattar Guro Redalen er under Noregs Ungdomslag sin sommarleir ein av mange kurshaldarar som skal lokke og inspirere ungdommen til årets happening i ungdomslaga. Guro arbeider som Informasjonsrådgjevar for Noregs Ungdomslag. Dei som har fjorårets påskekrim friskt i minne kan nok sjå for seg at dette kan bli eit inspirerande kurs, med og utan linjeinnrykk.