Vi fann 3613 artiklar i dette arkivet.
Ulike yrkesgrupper er no heilt eller delvis utestengt frå arbeidsplassen og jobbane sine grunna koronaviruset. Ei av desse er Nina Ryan Braaten som til dagleg er massør ved Atleta AS på Skei. Ho har derfor tenkt utradisjonelt, og sendt alle med dyr i bygda eit tilbud om å massere desse, i alle kategoriar, store som små.
Vi har no fått inn nokre fleire bidrag i serien vår om ulike heimekontor. Som de ser er det ulik grad av arbeidd som blir gjort, men alle bidrar til å forhindre spreiing av koronaviruset på sitt vis. Messi Batman som er hytteflyktning frå Grytåfeltet tek livet på Kvilbu med stor ro, men er nok likevel ein viktig brikke til at dei isolerte kosar seg.
Pga koronaviruset er nesten all aktivitet utsett eller avlyst, og det blir mindre å skrive om for todalen.no. I det høve vart skannarpatrulja spurt om vi kunne leggje ut bilete på nettsida ei stund framover. Vi har sett saman bilete av setrene/hyttene og folk i ulike motiv frå kvart leigmål
Det er ei uverkeleg tid, der alt er snudd opp ned. Eg forstår at mange kan vere både usikre og redde, men det har vore ei utruleg mobilisering for at vi «skal stå han av», skriv ordførar Margrete Svinvik i eit leserinnlegg i dag.
I dag hadde vi lyst til å gi ei ekstra heimelekse til alle elevane som må tilbringe skuledagane heime i lag med søsken, mor eller far. Vi har derfor fått Marit Lediard til å legge inn dette som ein av oppgavene for dagen for elevane i 5. til 7. klasse i Todalen. Vi ønsker nemleg å få tilsendt eit bilde frå der elevane no sitt og arbeider, slik at vi kan laga ei sak på det her hos oss.
I dag fekk eit «samla» pressekorps møte Surnadal kommuen sin nytilsette kommuneoverlege. Bjørn Buan starta i 50% stillinga på måndag, men har bistått administrasjonen litt i kulissene før den formelle arbeidsavtala kom i havn. -Han kjem fra samhandlingsenheita i Orkdalsregionen, og vi er veldig glad for at vi no har fått på plass ein så kompetent person i denne stillinga. Ei stilling som vi har mangla lenge, og som vi no fekk beskjed frå Fylkesmannen om å få på plass snarast, fortel ordførar Margrete Svinvik.
Fra og med i går 16.mars vart det i ALTI Surnadal nye midlertidige åpningstider i kjøpesenteret. No er senteret åpent mellom 10-16 mandag-fredag og mellom 10-15 på laurdagar, med nokre få avvik hos somme av butikkane.
Det er oppfordringa til Gudmund Kårvatn ved Kårvatn Fjellutstyr AS no gir til dei som vurderer å handle seg nytt skiutstyr til påske. -Vi er no førebudd på enda sterkare restriksjonar for å redusere smittefaren i forbindelse med COVID-19, og ser ikkje bort i fra at også fleire innan detaljhandelen må stenge butikkane over ein periode for å få has på dette viruset.
Fra å med i morgon held Cafe Dan stengt, fortel dagleg Ingrid Pedersen til Todalen.no. -Vi vel å stenge før vi får pålegg om det da det er minimalt med folk ute no og ser ikkje vits å halde ope framover.
Den nytilsette kommuneoverlegen Bjørn Buan i Surnadal kommune har i dag fatta sitt første vedtak som naturleg nok dreier seg om koronaviruset. På heimesida til Surnadal kommunen er dette vedtaket no i kveldinga lagt ut ny og gir oss oppdatert info om blant anna innreiserestriksjonar frå fylka Oslo, Agder, Rogaland, Viken, Vestfold og Telemark, Innlandet og Vestlandet.
Det tillyste song-/revymøtet med Henning Sommerro, Styrkår Brørs, Eivind Holte og Holger Skei på Surnadal kulturhus, onsdag 18.03.20, er avlyst.
Det er oppfordringa frå dei som har behov for vegen i det dagleg frå Brusetbrua og innover Ramsøydalane. Svenn Rune Kjølstad som bur ved Heggøya fortel at vegen i forrige veke var i elendig stand. -Har du ikke behov for å ta deg ein biltur så let vere, er dermed oppfordringa.