Ukategorisert Arkiv

Vi hører rett som det er at det blir gjort framskritt og positive testresultat frå dei som driv og utviklar koronavaksine.  Vi høyrer og at regjeringa har «hengt seg på» og kjøpt vaksinar som dei skal tilbyd det norske folk heilt gratis, slik at den som vil skal få ta ei vaksine.  Det blir no forska og testa for fullt, og det er antyda at dei første dosane med vaksinar kjem ein gong utpå nyåret.  Måndag 30.11.2020 la surnadal kommune ut informasjon om korleis dette omfattande vaksinasjonprogrammet vil bli organisert og gjennomført:

Med bare nokre timar ígjen av november slepp vi laus kåringa av månadens bilete, for årets nest siste månad. Det er mange fine fotografi å velge mellom denne gongen også

Sjølv med strenge reglar for å hindre koronavirusets spreiing, vart det ei flott og stemningsfull julegrantenning.  Eit førtital møtte opp for å delta på julegrantenninga, sjølv om arrangementet var noko amputert og uten gang rundt juletreet.  Likevel trur eg folk trivdes og tykte det var koseleg og treffast for å feire ting i lag. 

Todalen Idrettslag sender i desse dagar ut Medlemsinfo til sine medlemmer. Dette kjem i postkassen i løpet av helga. Her ber idrettslaget alle medlemmer om å sende inn epostadressa si. Dette for å lette arbeidet med å sende ut medlemsinformasjon og medlemskontingent. Så idrettslaget håper på god respons frå sine medlemmer på dette! Medlemmer som bor utanfor bygda blir spesielt oppfordra om å registrere epostadressa si!

8. klasse ved Surnadal ungdomsskule har hatt spanande dagar med leirskule på det gamle fiskeværet Bjørnsund utafor Bud.  Heile det 9. årstrinnet reiste utover sist måndag og hadde tilhald på leirskulen i det gamle fiskeværet til fredag.  Det vart travle dagar frå 8 om morgonen til kl 17 om ettermiddagen – og sjølvsagt ein bratt læringskurve når dei både skulle lære og prøve «livet i fjøra» i løpet av veka. 

Knut Bergli i Barne- og Ungdomsgruppa i Todalen Idrettslag informerer om at det frå klokka 14:00 i ettermiddag blir mogleg å gå på skeiser på Todalen Idrettslag sin skeisebane på  Bordholmen stadion. 

Da er det klart for årets happening, skriv Brusetmarka vel i sin invitasjon til tenning av julegrana i Trudvangkrysset. Det skjer måndag kveld 30. november, kl 18:00 og dei byr på enkel servering. Sjølvsagt er arrangementet tilpassa smittevernreglane i kommunen i samarbeid med kommuneoverlegen – men vi gjer det beste ut av det, seier arrangøren. 

Todalen Grendalag si, etter kvart, tradisjonelle julegate, mellom Talgø og Matkroken, vart tend i ettermiddag. På grunn av Koronasituasjonen så vart det ikkje noko arrangement i samband med tenninga av julegata i år, slik det har vore åra før. Men knapt tretti hadde likevel teke turen for å sjå at julegata vart tend.  Todalen Grendalag […]

Alle årstider har sin sjarm!  Slik er det også i Toåa tursti, som følgjer Toåa frå Trøbakkan og nedover til Halsabrua.  Med mykje fint rim som har punta opp både skog og mark, tok vi turen nedover stien. Håpa sjølvsagt at det dukka opp ein trimmar eller to, slik at vi kunne få eit lite stuntintervju. Som oftast treffer du folk i turstien, for den er mykje bruka – men denne gongen fikk vi ha den for oss sjølv.

Adventstida nærmar seg, og førstkomande søndag er det første søndag i advent. Med tanke på at dette har vore eit spesielt år, på grunn av Koronasituasjonen store delar av året, vil det vere viktigare enn på lenge å lyse litt opp i dagane fram  mot julehøgtida. 

Om det ikkje er mange så er det i allfall fleire som tek omaken med å besøke butikken vår for å kjøpe ski. Det er kanskje ikkje så rart, for Kårvatn Fjellutstyr var nærast pionerar da dei starta med sal av slikt utstyr for lenge sia. Marianne Melhus Gautvik tok fredag turen frå Trondheim, og da vart det komplett pakke med utstyr for Marianne og ettersom dette var Black Friday så var det vel rette dagen for å handle utstyr. 

Når dyr blir påkøyrt er det faktisk vår plikt å ta vare og eventuelt sørge for avliving. Fredag morgon vart ein grevling påkøyrt og vart liggande utover heile føremiddagen – og den såg ut til å ha vore påkøyrt/overkøyrt fleire gong utover føremiddagen.  Sørg i det minste for å fjerne dyra frå vegen og varsle politiet som kan sørge for at dyra blir tekne vare på.