Ukategorisert Arkiv

På dagens møte i Surnadal Kommunestyre vart Kommunedelplana for Todalsfjordprosjektet vedteken med 22 mot 5 røyster. MDG fremma forslag om å seie nei til Kommunedelplane, men fekk altså berre 5 røyster for dette forslaget. På same møtet vedtok Kommunestyret å gå inn med 1 million for å utvide aksjekapitalen i Todalsfjordprosjektet. I går vedtok Sunndal Kommunestyre, mot 1 røyst, Kommunedelplana, og å gå inn med 1 million i utvida aksjekapital i Todalsfjordprosjektet. 

I ein epost frå Surnadal kommune kjem kommuneoverlege Bjørn Buan med ei påminning til ansvarleg eigar/utleigar og arrangørar av private samankomstar i leigd lokale. 

Eit nytt næringslivsmagasin for Surnadal er på veg ut i postkassane i desse dagar. Og i denne nye vinterutgåva så er det ingen tvil, Surnadalsbedriftene har god tru på framtida.

Tysdag kveld gjekk vi oss borti eit kokkelag som hadde planlagt å prøve seg fram med produksjon av leverpostei av elglever.  Dei fortalte at ideen var fødd da jaktlaget, Storli jaktlag, var på elgjakt på Terråk i Bindal kommune. Der har dei vore på elgjakt i mange år, og etter kvart har det vorte felt mange elgar og det har vorte mykje både elg- og hjortkjøt som skal foredlast.  Dermed dukka ideen opp om å ta vare på innmaten og nytta denne i matproduksjon.  Og da var heller ikkje ideen om å prøve seg på produksjon av leverpostei langt unna.

Julekonserten «Julefryd» med Nidarosdomens jentekor, TrondheimSolistene og
Astrid Norstad 6.desember klokka 14:00, blir flytta frå Stangvik kyrkje til Surnadal kulturhus. Grunnen til flyttinga er regelen om fastmonterte sete. 

«Mank» er godt mogleg filmen som vil vinne Oscar i år? Filmen handlar om opphavet til det som blir rekna som «verdas beste film», «Citizen Kane» – sjølv om den i si tid berre vann ein Oscar, nemleg for beste manus.

Kriseleiinga i Surnadal kommune, gjorde på sitt siste møte, nokre justeringarav i lokale råd og konkretiseringar av nasjonale tiltak. Dette er justeringar av dei tidlegare råda kriseleiinga gjekk ut med tidlegare i november. 

På Surnadal eldreråd sitt møte i dag, fekk Surnadal Røde Kors si besøkstjeneste overrekt Eldrearbidsprisen for 2020. Det var ordførar Margrethe Svinvik som delte ut prisen, på vegne av eldrerådet. Dette var 10.gongen prisen vart delt ut.

Laurdag 28.november klokka 17:00 tenner Todalen Grendalag den, etter kvart, tradisjonelle julegata si mellom Matkroken og Talgø, og på Talgø. Den planlagde julemarknaden må dessverre avlystast. Dette på grunn av Koronasituasjonen. 

Når vi treffer Arve Evensen, er han i gang med å rive ut kjøkeninnreiinga på Todalshytta.  Den er gammal som arvesynda, og avslørte seg i sommar da det vart skikkeleg trøkk som restaurantkjøkken.  Arve trekker pusten djupt, og fortel om kor tungvint det var å jobbe med matlaging – det ga både lang ventetid for gjestane og stor slitasje på mannskapet. No når roa har senka seg og vi har fått tid til å reflektere over sommarsesongen er det klart at ein ser ting som kunne vore gjort betre og enklare – ein ser både pluss og minus, men det som driv meg vidare er mellom anna alle dei trivelege gjestane og kontaktane som vi har hatt kontakt med. 

Frå klokka 11:30 er det normal drift att på sambandet Kvanne – Rykkjem. Etter å ha vore innstilt i to periodar, i morgontimane og på føremiddagen i dag, er det altså no normal drift att i sambandet. Fjord1 presiserer likevel at sambandet kan bli innstilt att på kort varsel. Så her må ein berre følge med!

Surnadal Kunstforening markerer overgangen mellom haust og vinter med utstillinga «Haustlys» i Finstuå på Surnadal kulturhus. Todalingen Sissel Halset Storslett er ei av dei 14 av medlemmane av kunstforeninga som er med på utstillinga som var opna laurdag 21. november. Med Alex Trio og tonar frå varmare strøk der sola faktisk skin hakket oftare enn på «Schjess» vart utstillinga […]