Vi fann 3284 artiklar i dette arkivet.
Det er nok ingen grunn til panikk fordi om Mesta setter ut vegstikker langs vegkantane. Vêrmeldinga for dei neste dagane og for heile den komande 10-dagesperioden lovar temperaturar godt på plassida og lite eller ingen nedbør.
Kameraet som vart mista på Bjøråskaret torsdag er no funne. Ein særs glad Svein Brøske takkar finnaren og Todalen.no for hjelpa.
Leiar i Todalen Idrettslag si Trim- og Allidrettsgruppe, Mari B. Redalen, fortel oss at det frå i dag (1.oktober) er utplassert nye bøker på Idrettslaget sine trimpostar. Så då er trimåret 2020/21 offisielt i gang. Idrettslaget har no 11 trimpostar etter at Ja-benken kom inn som den 11 trimposten i august i år. Så dette blir det første heile trimåret den trimposten er med.
2 mann frå Wennstrøm Net har i dag vore i full gang med oppgradering av utstyret for kortbetaling av drivstoff ved HalsOil/Matkroken Todalen. Det er strengare krav til sikre betalingsrutina som krev at kortterminalen blir oppgradert. I dag er det difor skifta utstyr både ute ved pumpa og inne ved kassa på Matkroken.
Sanitetens «Vippsbasar» pågår for fullt, og komande laurdag 3. oktober frå kl. 10.00 til kl. 15.30 treffer du loddselgarar på Matkroken Todalen. – Men du treng slett ikkje møte opp på Matkroken i Todalen for å delta på «Vippsbasaren» – det er berre å gå inn på Vippskontoen din og finn «Basar Todalen Sanitetsforening» eller du kan bruke Vipps nr 534955 for å kjøpe lodd kvar du enn oppheld deg.
I strålande haustvêr innleia Stavgangarane i Surnadal Pensjonistlag oktober med stavganging i Todalen og Toåa tursti. Dei har gjennom sesongen mange forskjellege turmål og ikkje minst varierande lengde på turane sine. Sist veke var dei t.d. i Vindøladalen. Dagens tur er av dei kortare turane til stavgangarane, men det la ingen dempar på stemninga. I tillegg til 32 stavgangarar var og ein klasse med 11 elevar frå 1.året på Helse og Oppvekstlina samt 2 lærarar frå Surnadal Vidaregåande skule med på dagens tur.
Vi har fått ein liten rapport om Søya Knøtt sin sesong frå Martinus Grønnes, der han oppsummerer årets sesong. Søya Knøtt består av dei fotballspelarane som er fødd i åra 2013 og 2014. I 2020 har dei vore totalt 15 spelarar på knøttelaget sine fotballtreningar denne sesongen. .
Onsdag kveld spela Søya/Todalen sitt G9/10 lag sesongens siste fotballkamp. På motsatt banehalvdel var det Grøa G9/10 som hadde teke oppstilling. Kampen vart spela på Søyabanen i bra haustvêr.
Søndag 18.oktober kl. 18:00 inviterer Teatret Vårt til teaterkonserten «Vårsøg 75 år». I år er det 75 år sidan Hans Hyldbakk skreiv diktet Vårsøg våren 1945. Diktet prisar våren og ikkje minst at frigjeringa frå 5 år med tysk okkupasjon var i anmarsj denne våren.
Denne veka har 10.årstrinnet ved Surnadal Barne- og Ungdomsskule utplasseringsveke. Vanlegvis er utplasseringsveka på våren i 9.årstrinn, men på grunn av Koronasituasjonen er ingenting som vanleg i år, så då vart den flytta til i haust. Føremålet med utplasseringsveka er å gje elevane eit lite innblikk i arbeidslivet og ikkje minst for å hjelpe dei litt med valet av framtidig studieretning. Elevane i 10.årstrinn må innan 15.mars 2021 bestemme seg for kva studieretning dei vil søkje seg inn på når dei frå neste haust går over frå grunnskulen til den vidaregåande skulen. Nokon er framleis i tvil om kva dei vil, medan andre allereie har bestemt seg for studieretning. Difor er utplasseringsveka nyttig for mange av dei før dei tek det endeleg valet om studieretning.
Vi har fått fine bilder frå Fjellgruppa som hadde ein fin tur til Telstadfjellet i dag. Disen og litt skodde hindra at vi fekk nyta utsikten i klår haustluft, men det er da bra med litt nærsyn og, med alle haustfargane.
Måndag hiva vi oss med på markdag, med Landbruk Nordvest som arrangør og med Olaug Kvendset og Asgeir Longva som vertskap. Tema for markdagen var jord og jordhelse, og vi fikk ei innføring i korleis vi sjølve kan undersøke jorda vår. Det kan være mange grunnar til at ein bør undersøke jorda si. Ved å grave litt og sjå på resultatet kan ein finne fleire signal på om det er naudsynt med tiltak for å betre jordkulturen. Det har nemleg stor betydning for om plantene vil trivast og kor stor avling ein kan få.