Vi fann 3578 artiklar i dette arkivet.
I sommar skal todalingen Erik Kårvatn delta i junior-VM i Skyrunning. Junior-VM skal gå føre seg i dei italienske alpane, og Erik skal delta i to konkurransar under junior-VM. Den eine konkurransen er Skyrace der Erik og dei andre skal springe 22 kilometer, med ein total høgdemeterforskjell på 2200 meter. Den andre konkurransen er ein såkalla Vertikal. Her spring løparane så raskt som mogleg 1000 høgdemeter.
Tysdag 22.juni tek Fjellgruppa i Surnadal Pensjonistlag turen til Svarrafjellet. Oppmøte på parkeringsplassen nedanfor Øye kyrkje klokka 10:30 for samkøyring opp til bommen til Skeisnebbvegen.
Den siste veka har folk frå Mesta i Surnadal arbeidd med å sette opp informasjonsskilta som er laga i samband med prosjektet «Innfallsport Trollehimen». Det er no sett opp informasjonsskilt på seks stadar, frå Haugen vegkryss og opp til Kårvatn, med tilpassa informasjon på alle skilta. Skilta er sett opp på Haugen vegkryss, i Svinvika, ved rasteplassen i Stranda, ved Matkroken Todalen, på Bønnavollan (der Toåa tursti tek til) og på Kårvatn.
Etter plana skulle Fjellgruppa i Surnadal Pensjonistlag på tur til Fauskåvatnet, men dei hadde ikkje vêrgudane på si side i går, så det vart setervandring i Søyådalen i staden, og det var langt i frå noko dårlegare alternativ, kunne dei 11 deltakarane fortelje etter turen.
Siste oppdatering om koronavaksineringa i Surnadal kommune. Her finn eventuelle tilflyttarar og viktig informasjon.Vi er no i gang med å kalle inn Gruppe 8 (55 – 64 år) med tilbod om koronavaksine. Studentar og tilflyttarar eller personar som jobbar her gjennom sommaren, finn viktig informasjon i denne artikkelen.
Soleklar seier til Todalsfjorden seint ein vårkveld og Ingri Bruset. Med godt over hundre stemmer var nok Todalsfjorden favoritt hos mange.
Tysdag 15.juni kan du bli med Fjellgruppa i Surnadal Pensjonistlag på tur til Fauskåvatnet. Oppmøte på parkeringsplassen framom Øye kyrkje klokka 10:30. Derifrå er det samkøyring inn til bommen i Østbødalen. Dei som bur slik til at det er kortare å køyre direkte til bommen gjer det. Bomavgifta er kr. 30,-.
Da dagleg leiar for Talgø Tradbo, Tor Olav Vatn, var på veg frå Todalen og utover til Haugen vegkryss på føremiddagen no i dag, fekk han fanga nokre fine bilete av ei gaupe som kryssa vegen i Rabban på Nordvik.
For tredje året på rad samarbeider Atleta og Svinviks arboret om å tilby Yogo ute i den vakre botaniske hagen i Svinvika. Dette er eit samarbeid, der Atleta og arboretet vil gje noko til folket, så tilbodet er gratis. Atmosfæren og stemninga er det naturen som skaper. Sola varmer kroppen, fuglane syng sine vakraste songar og blomstrane gjev positiv effekt og stressar ned. I går kveld vart den første av tre Yoga-kveldar i arboretet arrangert.
Rundt 6:40 i dag, fekk politiet sin operasjonssentral melding om at ein bil hadde køyrd av vegen ved Åsbøen på Fv 6145. Bilen hadde hamna i grøfta, godt rundt og vart liggande på taket i grøfta på oversida av vegen mellom Åsbøen og Sjøleet. Det var ein person i bilen, som var på veg innover, da ulykka skjedde. Han vart teken hand om av ambulansepersonell og køyrd til sjukehus.
I går kveld var det loppemarked i redskapshuset på Bordholmen stadion. Det var Trimgruppa i Todalen Idrettslag som stod som arrangør. Loppemarkedet vart arrangert i går kveld i staden for under Todalsdagen, som går av stabelen laurdag 26.juni. Det var bra med folk, og mange lopper skifta eigar i løpet av den store timen loppemarkedet var ope.
I går tok fjellgruppa turen ut av fylket då dei tok turen til Heim kommune der turmålet var Møkkelfjellet. For ei veke sidan var det berre nokre få som hadde høyrt om Møkkelfjellet, så i går var det Møkkelfjellet som gav mål og meining i deira ferd!