Todalen Sokneråd Arkiv

Med fellesgudsteneste i Stangvik vil kyrkjelydane i Surnadal søndag markere 200-årsminnet for grunnlova.Etter gudstenesta, med både liturgisk og musikalsk innhald som mange vil kjenne seg att i, er det kyrkjekaffe og tilbakeblikk på grunnlovsåret 1814. Råg Ranes vil ta for seg dei historiske hendingane frå den gongen.

Søndag kveld 23. februar er det gudsteneste i Todalen kyrkje, med sokneprest Bernt Venås. Gudstenesta startar kl 19.30.  Prekenteksta er denne kvelden frå Matt. 17, 1-9.  

Laurdag ettermiddag tok vi turen til Todalen kyrkje for å få med oss adventskonserten som felleskoret til Åsskard kyrkjekor og Todalskoret arrangerte. Dei var denne gongen forsterka med organist/pianist Tor Strand og Torgrim Tunes som las og fortalte om sine adventstankar.

Adventskonserten i Todalen kyrkje laurdag ettermiddag (7.12. kl 16) byr på Dagsviks kantate «I denne søte juletid», solosong, korperler og allsong. Tittelen «Ved juletid» siktar mot klingande forsmak på den komande høgtida.

Bispevisitasen i Surnadal kommune starta søndag, med gudsteneste i Stangvik kyrkje som første punkt på programmet. Etterpå var det kyrkjekaffe i prestegarden, før sokneprest Bernt Venås inviterte biskopen til middag i prestegarden. Etterpå bar det til Todalen, der omvisning på Talgø utstillingssenter var første del av todalsprogrammet.

Neste veke er det bispevisitas i Stangvik og Surnadal. Programmet for visitasen ommfattar heile veka frå søndag til torsdag, og blir avslutta med visitasgudsteneste i Øye kyrkje neste søndag. Bispevisitasen startar med viitasgudsteneste i Stangvik kyrkje før turen går til Todalen

9. september var det som tidlegare nemt også soknerådsvalg. Her skulle det gjerast  litt utskiftningar, då Terje Nordvik, Signe Grønmyr Wenke Kvendset takka for seg etter henhaldsvis 4 og 8 år i sine verv. Listene var på førehand delt ut og velgjarane hadde muleghet til både å stryke og kummulere. Resultatet vart som følgjer: Gunn […]

1963-årgangen konfirmantar ved Todalen kyrkje var laurdag kveld invitert til jubileumsfest i Todalen kyrkje. 10 av dei 11 jubileumskonfirmantane deltok på jubileumsfesten, saman med neste års konfirmantar og godt med frammøtte bygdefolk. Tilsaman nærare 60 deltakarar som vart traktert med velsmakande biffgryte og undehaldning frå lokale krefter.

Komande helg er det markering av 50-årsjubileum for konfirmantane i 1963. Det året var det 11 konfirmantar i Todalen kyrkje, og laurdag 7.9. om kvelden er dei invitert til jubileumsmarkering i Todalen ungdomshus, saman med årets konfirmantar og andre som har lyst til å delta. Søndag 8.9. er jubilantane spesielt invitert til å ta del i gudstenesta i Todalen kyrkje.

Det blir soknerådsval i “Skulstuå” måndag 09. september 2013, kl. 12.00 – 20.00 og det skjer samtidig med Stortingsvalet. Det er i år 2 medlemar, samt 3 varamedlemar som skal velgast; Knut Halset og Ildri Sjøland Øyen (frå det “gamle” soknerådet ) fortsetter i 2 år til, sammen med dei som bli valt inn i soknerådet under valet den 9.september. Valg for “berre” 2 år denne gong; – i 2015 blir det valg for 4 år i soknerådet.

Henning Quintetten har våre på ein seinsommarleg miniturne, med førestilling i Tingvoll kyrkje laurdag og todalen kyrkje søndag ettermiddag. Mellom førti og femti let seg lokke på konsert i Todalen kyrkje for å høre «Henning-tonar». Nokre var kanskje førebudd på at dei fekk høre tradisjonelle Vårsøg-tonar på denne konserten, men dei fikk i tilfelle ei heilt anna musikalsk oppleving enn dei forventa.

Seks musikkglade damer besøkjer Todalen med tonar av Henning Sommerro førstkomande søndag ettermiddag. Sigrid Vetleseter Bøe er songsolist med blåseensemblet Henning Qvintetten. Namnet Qvintetten har kanskje dobbel botn: Det er utelukkande «quinder» som trakterer dei fem instrumenta i blåse-kvintetten: Marthe Belsvik Stavrum (fløyte), Ebba Ringmar (obo), Berglind Haldorsdottir (klarinett), Magnhild Tafjord (horn) og Ingunn Fjellang Sæther (fagott). Dei kom saman som som Møre-musikarar.