Vi fann 1763 artiklar i dette arkivet.
Når vi snakkar om fjorårets suksess så meiner vi sjølsagt fjorårets julekalener – den vart ein formiddabel suksess for TIL trimgruppa. I år blir det sjølsagt reprise og det er alt kome inn massevis av flotte gevinstar, fortel Anita Talgø og Torill Talgø som er lotterisjefar. Som i fjor er det Vipps som gjelder for salet av julekalendrar, men laurdag 25. november blir det sal av julekalendrar på Matkroken Todalen i opningstida.
Søndag 3. desember frå klokka 15:30 (rett etter lysmessa i kyrkja) – 18:00 inviterer Todalen Idrettslag til «adventsmiddag» i Todalen ungdomshus. Da sel idrettslaget elghakk, trollkrem og kaffe, så da er det berre å ta turen til ungdomshuset til ein sosial og god middag!
Barne- og ungdomsgruppa i Todalen Idrettslag, melder at skeiseisen på Bordholmen stadion no er klar til bruk. Dei siste dagane med blåe grader på gradestokken, har gjort det mogleg å vatne skeisebanen i fleire dagar, slik at det no er fin is på skeisebanen.
Oppsummeringa etter sommarsesongen Stikk UT! 2023 syner at Toåa tursti har flest registrerte besøk i Surnadal kommune, og at Svinvikrunden har nest flest besøk!
På trimbasaren søndag ettermiddag var det tid for dele ut belønning til dei mest aktive trimmarane. På tur i Todalen 22/23 har gjort opp status og det er ikkje småtteri det er snakk om – heile 7548 trimturar er gjort i regi av «Turar i Todalen» frå 1. oktober 2022 til 31. september 2023. Det har vore 91 aktive innsjekkarar i løpet av året og 11 av desse har besøkt alle dei ordinære turmåla og får eit gåvekort på kr 200 frå Intersport for innsatsen.
Søndag ettermiddag var det tid for TIL-basar i Todalen Ungdomshus. Økonomien i basaren var nok allereie sikra i førehandssalet, der det kom inn over 22.000 og med loddsalet på basaren og åresalet så var det nok godt over 30.000 og med kioskomsetning i tillegg. Leiar i Todalen IL er godt nøgd med resultatet, og skryter av givargleda både her i bygda og blant vippskundane utafor bygda som er med og støttar laget.
Søndag 5. november er det klart for årets idrettslagsbasar i Todalen ungdomshus frå klokka 15:00 og utover ettermiddagen til rundt klokka 18:00. Førehandssal av lodd på felleslista via Vipps 527926. Kvart lodd kostar kroner 50,-, og hugs å skrive namn på den lodda skal stå på når du vippsar, og siste frist er laurdag 4. november klokka 24:00. Folk frå idrettslaget vil også vere på Matkroken Todalen fredag 3. november frå klokka 10:00, for å selje førehandslodd.
I dag starta tre karar frå Todalen historielag arbeidet med å pusse opp loftet i ungdomshuset, slik at Halse-samlinga som i dag er lokalisert i skulen, kan flyttast til ungdomshuset. Dette fordi skulen no er lagt ut for sal, og at Halse-salinga da blir «huslaus». Halse-samlinga har tidlegare vore lokalisert på Haugabu, på Todalshytta, i gammelskulen og i skulen, men blir altså no flytta til ungdomshuset.
Neste søndag, 5. november frå klokka 15:00, inviterer Todalen Idrettslag til Idrettslagsbasar i Todalen ungdomshus. I dag tek førehandssalet av lodd til basaren til via Vipps. Måndag 30. oktober klokka 10:00 – 14:00 og fredag 3. november klokka 10:00 – 15:00, vil i tillegg folk frå idrettslaget selge lodd på Matkroken Todalen.
I går kveld hadde Todalen Idrettslag invitert ungdommane til medlemsmøte for å diskutere drifta av det nye aktivitetsrommet i reiskapshuset på Bordholmen stadion. Og på møtet kom ungdomane med ønske om driftsform og framtidige aktivitetar dei ønsker i det nye aktivitetsrommet.
Todalen Idrettslag har mange aktivitetar og arrangement utover hausten og førjulsvinteren, så her er det mykje å vere med på. Først ut er oppstarten på eit nytt trimår i morgon, og på måndag er det medlemsmøte for ungdommane i reiskapshuset på Bordholmen klokka 18:00, sidan går det slag i slag utover hausten og førjulsvinteren!
Denne veka kom gladmeldinga om at SpareBank 1 SMN, gjennom sitt samfunnsutbytte, løyver kroner 25.000,- til Todalen Idrettslag sitt aktivitetsrom i reiskapshuset på Bordholmen stadion.