Todalen Idrettslag Arkiv

17. mai-frukosten er flytta frå Bordholmen til Ungdomshuset. – Vi hadde ikkje nervar til å vente lenger på finvêret, gliser Knut Bergli, når vi besøker frokustgjengen i fullt arbeid med å rigge til for frukostservering i Ungdomshuset. Sjølv om det meldt lite eller ingen nedbør til 17. mai, så var det nok temperaturvarseleg som var avgjerande – med 4-5 varmegrader og litt vind blir det fort kaldt på Bordholmen, seier Knut.

Det er ikkje berre poeng som skal sankast i vårsesongen for fotballgutane på G14 STKU. I kveld var dei saman med trenar, oppmenn og foreldre samla på Ansnes saga for å ta våropprydding for å spe på reisekontoen til dei skal til Norway Cup. Etter avtale med Møre Tre hadde dei fått oppdrag med å rydde rundt saga etter at sagbruket no har teke ein produksjonspause til sommars.

Tirsdag 12.mai arrangerer omsorgsberedskapsgruppa i Todalen Sanitetsforening og Todalen IL førstehjelpskurs på Bordholmen kl 1800.

Ivar Bolme stiller for brannvesnet, og som fagmann for Hjartine.
Jan Ove Bævre og Olav Polden fra ambulansen gir oss førstehjelpskurs.

Søndag arrangerte trimgruppa i Todalen idrettslag fellestur til Storhaugen. Dette for å markere at det har vorte ein ny «Stikk UT-tur» i bygda, nemleg Storhaugrunden. Tjuefire personar i alderen åtte til åtti år var med på turen, alle spreke både i motbakkar og unnabakkar. Leiar i trimgruppa, Jorunn Nordvik, var tursjef. Ho gjekk attast og passa på at alle vart med heilt ned att.

Er det snart på tide å komme i form til årets Ræta Opp? lurer Knut Bergli i Todalen IL. Lørdag 27. juni kl 12 startar nemleg den fjerde utgaven av mosjonsløpet Ræta Opp på Borholmen stadion. Løpet er i underkant av 3 km langt, med start og mål på Borholmen. Den tyngste delen av løypa er opp og ned ræta et par ganger.

Trimgruppa minner om fellesturen rundt Storhaugrunden, med start kl 14 frå vedhuset på Haugligardane, via Storhaugen – og grilling med pølse, saft og kaffe ved Fosstrøin på returen. Alle er velkomne til å bli med på ein triveleg rundtur. Det er berre å StikkUT!

Torsdag 7. mai blir vpårens siste innendørs trimøkt for dametrimmen. Det skjer som vanleg i gymsalen, og startar kl 20.00. Dametrimmen kjem muligens til å arrangere nokre fotturar utover mot sommaren – før dei tek ein velfortjent ferie, melder Turid Hals Sæther i dametrimmen.

Programmet for feiringa av nasjonaldagen er no klart. Det meste foregår på tradisjonelt vis, med biltog frå Matkroken kl 9.30 – og fortsett med stor felles frukost på Borholmen etterpå. etter ein liten pause blir det folketog frå skulen til kyrkja og gudstenesta der. Etter gudstenesta blir det kransnedlegging ved bauten, før toget fortsett til skulen. Frå kyrkja til skulen får folketoget følge av 17.-orkesteret som sørgjer for musikk til marsjen. I skulen blir det mat, allsong og leikar for borna – og sjølvsagt tale for dagen med Sondre Ormset.

Søndag kom sola, og mange nytta godveret til å «stikke ut». Det var jamn trafikk av trimmarar både i Storhaugrunden og Svinvikrunden. Midt på dagen søndag hadde 40 personar skrive namnet sitt i «Stikk-Ut-boka» på Storhaugen, og heile 118 turar var noterte i boka i Gammelvegen! Det lovar godt for folkehelsa.

For andre året på rad er Surnadal kommune med StikkUt-prosjektet til Friluftsrådet Nordmøre og Romsdal. 2015 er «Friluftlivets år» og fokus er å framheve den positive effekten friluftsliv har på folkehelsa. Nytt StikkUT-mål her i Todalen er Storhaugen.

Gubbetrimen har no flytta treningane sine ut på Borholmen Stadion. Utover våren og sommeren blir det fysisk fostring for menn i alle aldrar ( og eventuelle damer) to gonger i veka melder ein sjølvutnemt bas Knut Jarle Sandstad.

Om det kallast kamp eller trening spelar ingen rolle. Innsatsen var uansett upåklageleg og måla vart rekna etter kvart som dei rann inn. Knøttegjengen som møttes for andre gong for trening på Bordholmen kosa seg stort i ein stor time under litt kald vind tirsdag kveld. Dei er for små til å delta i seriespel enda, men laget har tenkt seg på ei par cupar i løpet av sesongen.