Forside Arkiv

Vi har venta lenge på skiføre i lysløypa på Tjønnmyra. Endeleg er det kome nok skiføre til å kjøre på skispor gjennom heile lysløypa, og Ståle Ansnes melder no at lysløypa no er klar til bruk.  Dermed er det berre å finne fram skiene og sette i gang. 

Måndag kveld vart skøytebanen rydda for snø, og fekk sin første dose med vatn. – Blir det kuldegrader no så blir det skøyteis på asfaltplassen framfor klubbhuset, fortel Knut Bergli og Anders Gjeldnes.

Surnadal kulturhus startar brått, med teater på torsdag og nyttårskonsert på fredag. For å bidra litt til dei som kunne tenkt seg «både–og», gir Teatret Vårt tilbod om ein ekstra rabatt til dei som går for «vekas kulturelle dobbel»: Viser du fram billett til fredagens nyttårskonsert, vil du få kjøpt teaterbilletten til kr 200.

Todalen Sanitetsforening er i gang med oppussing av 2 av dei 4 leilighetene i Sanitetshuset. Dei to leilighetene som no får ei oppgradering har ikkje vore oppussa sia huset vart bygd i 1981, så no trongs det ei eit lite løft. Vi trefte Ragnhild A. Moe og Elinor Bolme som var der på dugnad i samband med oppussingsprosjektet.

Nyttårsgudstenesta på nyttårsaftan markerte på mange måtar eit skille. For det første blir kyrkja fristillt frå staten frå årsskiftet, og det gjer at det blir ei likestilling mellom alle tru- og livssynssamfunn i den norske stat. I samband med denne prosessen sluttar vår sokneprest gjennom dei siste 28 åra, Bernt Venås (59) , og fråtrer si stilling som sokneprest i Stangvik prestegjeld.

Det er alltid spennande å måle aktivitet og samanlikne fjoråret og året i år. Spesielt artig er det dersom tala går i din favør.  Det gjer faktisk tala på nettstaden vår – Todalen.no har i 2016 hatt auke i trafikken – slik som tidlegare år.  Totalt har vi hatt mesta 444.000 besøk i løpet av […]

Nyttårsaften – 31. desember kl. 16:00 – er det gudsteneste i Todalen kyrkje med sokneprest Bernt Venås. Dette blir ei litt spesiell gudsteneste, da vi tek avskjed med sokneprest Bernt Venås som etter så mange års teneste sluttar no til nyttår. Det blir offer til Todalen Sanitetsforening.

6. juledag arrangerte Todalen Idrettslag juletrefest for dei aller minste. Det er ikke tilfeldig av disse juletrefestene er kalla for «springarfester», for det var ein livåt gjeng som møøte til gang rundt juletreet, og ekte nisse som kom på besøk og hadde med seg gåver til alle. – Og jammen trur eg både store og små kosa seg – og tykte det «stod til», dei par timane som juletrefesta varte

Todalen ungdomshus var fylt til siste plass da Todalen Idrettslag inviterte til årets julerevy 3. juledags kveld. Og publikum tok godt i mot julerevyen som hadde fått namnet «tRAUSt» – som var lett inspirert av sommaraktivitetane på Todalshytta som ein raud tråd. Med godt over hundre på kveldsforestillinga i tillegg til ettermiddagsforestillinga vart det nærarer 200 som såg revyen – det er vi veldig godt nøgde med, seier fotballformann Knut Bergly som var festsjef.

Tredje juledag var det triveleg todalstreff på sjukeheimen i Surnadal, eit heilt nytt arrangement. Initiativtakar og primus motor var Terje Nordvik. Han fekk ideen eit par veker før jul da Sanitetsforeninga tinga blomster som skulle vere julehelsing til todalingar som er 80 år eller eldre.

Rute 46 Kvanne – Rykkjem: Fjord1 melder om normal drift i sambandet kl 8.36 tysdag morgon.

Andre juledag var det mer enn alminneleg hektisk i Todalen ungdomshus. Heile revygjengen var på plass, og spenninga var til å ta og føle på når deltakarane skulle opp på scena for å kjøre gjennom programmet – gong etter gong, heilt til tekstane var «banka inn» og satt som dei skulle. Men eg trur faktisk at dei hadde full kontroll og resultatet av all skriving, og øving, får vi sjå 3. juledag – første forestilling kl 15 og hovudforestillinga kl 20. – Det er enno billettar att, og har du ikkje sikra deg billett, så er det å ta kuten til Matkroken, som har ope frå 16.00 – 18.00 i dag!