Forside Arkiv

Steinar Melby har vist til fulle at han er dyktig både med filming og droneflyging. I sommar har han vore i Todalen fleire gongen for å gjøre videoopptak frå lufta. Melby har fått med seg litt av kvart og har laga ein flott demo med innslag fra dei fleste ting som er sjåverdig i Todalen. Videoen startar naturleg nok ved Nauståfossen og Kårvatn, og arbeider seg nedover bygda heilt til rododendronblomstringa i Svinvika.

I Friluftslivets uke 1. – 9. september 2018 feirer vi norsk natur og friluftsliv gjennom en hel uke – og inviterer hele Norge til å bli med ut på tur! Lokalt er det Norsk vandrefestival som står som arrangør, og det hele blir sparka i gang med #nattinaturen med familiefisking i Helgetunmarka i Rindal. Hakk i hel kommer naturyoga på Hennafjellet i Halsa søndag 2. september og ikkje minst Kulturhistorisk tur til Storsetra i Stangvik torsdag den 6. september.

Sjølv om det var nysnø i fjella, litt grått og surt, så ville kløverturgjengen oppå Tjønnmyra på tur. «Vi er godt kledde,» sa dei vaksne, men spreke og tøffe damene på 80 og 90 år +! Og det vart både trimtur, kaffelag og til slutt allsong av Todalssongen – ein retteleg triveleg føremiddag.

Det siste døgnet har det vore mykje forviklingar med stengte vegar og tunnellar i Todalen. I går starta Nettbuss med å legge om kjøreruta i samband med at dei har fått info om at vegen i Brusetmelan er stengt på grunn av vegarbeid. Seinare er det frå samferdselsavdelinga i MR-fylke kome informasjon om at bussane går som normalt, og at bussar i rute og utrykningskjøretøy kan passere gjennom heile anleggsperioden. Skuleelevar skal stå og vente på bussen der dei brukar å stå.
Tysdag var og Svinviktunellen steng ein periode. Nok ein gong stenges tunellen uten at det gis beskjed om stenging, og kor lenge den blir stengt. Det skaper ofte problem for trafikkantar som skal nå ferja på Kvanne, eller kanskje arbeid i Surnadal.

Nytt semester for Karen Johanne Talgø og biblioteket i Todalen. Biblioteket hadde sin første opningsdag måndag 20. august, og er ope kvar måndag utover hausten i tidsrommet 18.00 – 20.00. Unntaket er haustferieveka, for da tek biblioteket ferie også. Karen Johanne fortel at det er bra utlån i Todalen bibliotek – spesielt er borna flinke til å låne med seg bøker heim.

Laurdag er det familiedag og rokonkurranse i Svinvika. Det blir det reelle startskotet for vår bedrift og for Svinvik Gard, så det er klart vi er spent, seier Tore Svinvik som er sterkt involvert i firmaet han og kona Kristina har starta – Kristina Svinvik AS. Men laurdag har dei menyen klar – da blir det heimlaga fiskesuppe og vi håpar at det kjem mykje folk, og det har vi budd oss på, seier Tore.

Aksjon Thorsen – sponsorturen frå Innerdalen til Todalen var ein suksess i fjor. I år gjentek KBK suksessen med Aksjon Thorsen, men turen går i år frå Storlidalen via Gammelseterdalen til Kårvatn og Todalen. – Gudmund Kårvatn blir med på turen som guide og kjentmann på turen gjennom Gammelseterdalen, via Nauståfossen og Kårvatn Fjellustyr.

Det er haust i lufta, og det er godt å samlast innomhus igjen. Todalen sanitetsforening inviterte siste laurdagen i august til strikkekaffe i Sanitetshuset. Her var det godt oppmøte, og 16 – 17 damer hygga seg med handabeid, god prat, kjempegode kaffebrød og kaffe.

Det har lenge vore uklart om det blir noko RAUS 2018 på Todalshytta i år. No er det avklara at NOPA støttar dette låtskrivarprosjektet for 4. år på rad, og bakgrunnen for det er gode erfaringar og resultat frå tidlegare arrangement, seier Eric Malling på Todalshytta. Malling er glad for at dette no har gått i orden og dermed er det duka for nytt låtskrivarverkstad på Todalshytta frå 23. – 26. september, der arrangementet avsluttes med ny RAUS-konsert onsdag 26. september.

Fredag kveld kjem Lykkestund-gjengen til Todalen ungdomshus med sin konsert. Det er Svanhild Husby som har teke initiativet til denne minikonsertrunden som starta først i Sagatun sist fredag kveld og som fortsette i Lauvtun i Betna laurdagkvelden og som no kjem til Todalen ungdomshus komande fredagskveld. Dei har fått fantastisk tilbakemelding frå publikum i Sagatun og i Betna. No gler dei seg på fortsettelsen i Todalen og sluttførestillinga i Billaget på Surnadalsøra

No er det på nytt tid for ein RUSLETUR. Sanitetsforeninga inviterer til Kløverrusletur oppå Tjønnmyrå måndag 27. august. Her er det fine, faste grusvegar å gå etter, og det er fint å ta seg fram både med rullator, krykkjer eller stavar. Her kan ein gå kort eller langt, ta ein rundtur eller berre rusle fram og tilbake, gå på flate marka eller ta med eit par motbakkar. Etter trimturen blir det kaffelag med graut og bakels i gapahuken.

I går fikk vi ei lita påminning om at sommaren alt er på hell, og at ei ny årstid er i anmarsj. Nysnøen dukka iallfall opp både i Snøfjellet, Skjeringfjellet og Grinaren, og det slo sjølvsagt ut på gradstokken som i dag kl 07 viste temmeleg nøyaktig 6 varmegrader. I løpet av natta har imidlertid temperaturen vore nede på 4-talet, og det var litt hustre i dag tidleg.