Vi fann 91 artiklar i dette arkivet.
Seniorfilmklubben på Surnadal kulturhus startar for fullt att onsdag 27. september klokka 12:00, med ein fabelaktig film! Filmklubben, som er open for alle over 16 år, hadde rett nok ein liten tjuvstart denne veka, da dei i samarbeid med Surnadal demensforening og helselaget viste flimen «Iris» som ei markering av «Alzheimerdagen».
Saknar du en Hoka joggesko, så er det kanskje denne du leitar etter? Ein sko vart funnen på Kvennset for eit par dagar sia. Skoen hang da på ei brøytestikken mellom Sandstadkrysset og Matkroken i Todalen. Dersom du sakanar ein Hoka sko, så får du han att dersom du tek kontakt med Matkroken Todalen.
Det er firmaet Norva frå Stryn som har tømmeavtale med Surnadal kommune om septikktømming. Septikktankane blir tømt annakvart år, og i desse dagar er det to år sia sist. Tømminga var fort gjort, og foregår på den måten at ein spesialbil syg opp innhaldet i septikktanken, der dei kjører ein liten renseprosess og tappar vatnet attende til septikktanken. Bilen er som eit lite renseanlegg og skil tørrstoffet frå vatnet.
«Eldrearbeidsprisen» vart etablert i 2011. No ønsker Surnadal kommune å få inn forslag til kandidatar for «eldrearbeidsprisen» 2023. Prisen skal gå til ein person, eit lag eller ei forening som har utmerka seg pisitivt i ulønna eldrearbeid.
Vêrgudane hadde bestemt seg for at det skulle vere mykje regnvêr i går, så Fjellgruppa i Surnadal Pensjonistlag sin planlagde tur til Norskå i Tingvoll kommune vart avlyst. Men da bestemte dei 14 fjellvandrarane seg for å ta ein alternativ tur til Søyådalen, for dei er ikkje «vêrpyser», og tur ville dei ha uansett!
Heile tretten turdeltakarar stilte på kløverturen til Øygardshalsen måndag 18. september. Turen gjekk frå Vang skiarena etter fin og grei stiga opp til Øygardshalsen.
Surnadal Pensjonistlag og Surnadal Eldreråd markerer den internasjonale Eldredagen 2023 i Surnadal kommune med foredrag og middag på Hammerstuene torsdag 5. oktober klokka 13:00.
Arnt Erik Otnes og Frank sPoon Botten rigga seg til for takreparasjon ved Todalen kyrkje. Nokre lause steinar har forsvunne i løpet av året, og no er det på tide å få reparert dette. Arnt Erik og Frank er vaktmestrar, og dermed ansvarleg for tak og anna vedlikehald ved kyrkja.
Stavganggruppa i Surnadal Pensjonistlag inviterer torsdag 21. september klokka 11:00 til stavgangtur frå Skei, over Røssmoen og vidare til Svartvassområdet. Oppmøte ved Coop Extra på Skei klokka 11:00.
Hjortjakta er forlengst komen i gang – jakttida for hjort er faktisk fra 1. september til 23. desember her i Surnadal kommune. Hittil har det ikkje vorte så mykje resultat, men det kan vil sjå ut som hjorten er på trekk utover dalføret etter kvart. Så langt har det vore mest hjortfall «ovafor Falla», der […]
Fredag 22. september, mellom klokka 12:00 – 17:00, inviterer Lia gard til ope bakeriutsal. Så da blir det mogleg å sikre seg både grovbakst og noko til kaffekosen til helga. Har du problem med å rekke innom i opningstida, er det berre å ta kontakt med Lia gard for å avtale henting av varer.
I går ettermiddag hadde barne- og ungdomsgruppa i Todalen invitert til lagseriestemne på Bordholmen. Oppmøtet var ikkje det heilt store, men dei som var der fekk ein fin kveld. For etter at sjølve lagseriestemnet var ferdig, kom Sigve og Per Holten på besøk, for å lære bort litt om kulestøyt og diskoskast, to øvingar, få eller ingen av dei frammøtte hadde prøvd før!