Arkiv for mai, 2023

Torsdag er det Kr. himmelfartsdag, og Matkroken Todalen har kioskope til vanleg tid kl 16:00 til 18:00 og vanleg opningstid resten av veka.  Drivstoffanlegget er som vanleg ope for kortsal heile døgnet.  

Det er mange år sidan det har vore så dårleg vêr under nasjonaldagsfeiringa i Todalen som i år, men da toget gjekk frå Todalen kyrkje til Bordholmen stadion var det i alle fall opphaldsvêr, sjølv om det var både surt og kaldt. 

Todalen idrettslag inviterte i utgangspunktet heile bygda til Bordholmen på utefrukost – det brukar å være fint når vêrgudane spelar på lag.  Men i år varsla nok yr.no på eit tidleg tidspunkt at det nok var lurt å flytte frukostarrangementet innomhus.  Dermed vart det rigga til frukostlag under tak i Todalen Ungdomshus.  17.-frukosten brukar å ha stor oppslutning, og det var det også i år – leiar i Todalen I.L. Elinor Bolme var godt nøgd med at 90 gjestar stilte opp på frukostarrangementet.

Det var ingen sure miner fordi om regn og vind i 3-4 varmegrader prøvde å gjøre det surt for det tradisjonelle biltoget rundt bygda.  Biltoget starta presis kl 10 frå Matkrokens parkeringsplass og bruka den tradisjonelle ruta oppover bygda til Brusetbrua og vidare oppover til Gammelfabrikken i Brusetmarka.  Her var det ein kort pause før toget gikk vidare til Ungdomshuset, der alle var invitert til frukost.

Todalshytta har laga eigen meny for Nasjonaldagen – her kan du velge sjølv, eller deu kangjøre det enkelt og kjøpe den komplette 3 retters  «flaggmenyen».  Ta gjerne kontakt og bestill bord på telefon 929 97 550. Restauranten er open i tidsrommet 14 -19.  Bla om så finner du menyen 

I går kveld inviterte styret i Todalen bøgdalag til ryddedugnad før 17. maifeiringa. Sju personar møtte opp. Det vart delt opp to ryddegjengar som rydda vegkantane på kvar si side av bygda, samt frå Pilskaret til Øyabrua og frå Bruset og opp til gammelfabrikken. 

Du lurte kanskje på kva Aasmund Longva Kvendset og Ove Island heldt på med i går da du observerte dem på vegkanten inn til Todalen og rundt i bygda?  Vi trefte de to parkeringsplassen ved Todalshytta, og kan avsløra at dei representerte Svorka-selskapet S-Nett, som eig og driv heile strumnettet i «Svorkaregionen».  Tilsaman er det 360 km med linjenett og rundt 3600 pålar som skal ha regemessig ettersyn.  

Todalen Sokneråd inviterer til grunnlovsgudsteneste i Todalen kyrkje onsdag 17. mai klokka 14:00. Liturg er Torbjørn Brøske, medan Bernt Bøe er organist. 

Det var Håvard Gjeldnes som trekte det lengste strået under Dammen Opp 2023 på Nordvik, men jammen går det an å seie at Isak Drøpping pusta han i nakken.  8 fattige sekund etter gikk Isak i mål på den 3 km lange løypa etter vegen frå Forsamlingshuset og opp til dammen og inntaket for Nordvik Kraft. Beste tid i dameklassen fikk Berit Mogstad, som kom i mål på 15,52 og 39 sekund etter tida til Håvard Gjeldnes på 15,13.

Måndag 15. mai går Kløverturen til Øyalia, melder Todalen Sanitetsforening.  Det blir oppmøte ved Matkroken  til vanleg tid, kl 11, for samkjøring til Ungdomshuset. Turen oppover Øyalia tek utgangspunkt derfrifrå.  Alle som har lyst til å bli med er velkomne til ny Kløvertur!

Skisesongen er nok på hell, men skigleda varte ut april og det var nettopp bilete til Torgunn Nordvik som fekk flest røyster i prestisjekåringa av månadens bilete for april. Vi gratulerer! 

Treffast Surnadal fekk denne veka ei gledeleg melding frå Sparebankstiftelsen Surnadal Sparebank. Treffast fekk nemleg 50.000,- kroner i støtte til oppstart og grunninvesteringar knytta til utstyr og forbruksmateriell.