Vi fann 95 artiklar i dette arkivet.
Kirkens Nødhjelp sin fasteaksjon er ein tradisjonell innsamlingsaksjon som har gått føre seg i fastetida i mange år. Årets aksjon har fått namnet «Gi vann til dem som trenger det mest». Tysdag 5. april vil årets konfirmantar, saman med andre unge og vaksne, frå Surnadal og Rindal kommunar besøke alle husstandane med sine bøsser. Det er også mogleg å gje pengar via vipps 2426 eller via bankkonto: 1594.22.87493.
At Hageland har premiere for årets hagemøbler er eit sikkert vårteikn – i dag presenteres iallfall årets kolleksjon i vårlege omgivelser på Hageland Surnadal – saman med andre vårvarer som blomsterjord, gjødsel og andre såvarer. Malin Sveen, Oddmund Jørgensen og resten av gjengen på Hageland har stått på for å få alt på plass til […]
«Trøndersk dynamitt» til helga på Surnadal kino, med to eksplosive filmar. Alle hater Johan, men i Surnadal elskar dei visst nok Hallvar Witzø! I alle fall såpass overbevisande og nok til at filmbyrået har gjeve Surnadal kino førpremiere på filmen «Alle hater Johan». For Witzø har ei viss tilknyting til Surnadal, da han var assistentlærar på folkehøgskulen for nokre år sia. Han var den første norske regissøren som både har vore nominert til Oscar-pris og palmepris i Cannes – for to av sine kortfilmar. «Alle hater Johan» er langfilmdebuten til Witzø, og manuset er skrive av Erlend Loe.
Plana var å inspisere den store tømmerdrifta i Halanesset, men da vi stakk ein tur innom var det ingen aktivitet på lunningsplassen ved Romåbrua. Vi hørte heller ingen motordur, så vi mistenker at det var lunchpause og samlinge på ein eller anna plass oppi lia – foreksempel oppå Høgbakkan etter hjulspora å dømme.
Torsdag 17. marsk klokka 19:00 blir det årsmøte i Todalen Idrettslag i Todalen ungdomshus. I tillegg til vanlege årsmøtesaker som årsmeldingar, rekneskap, budsjett og val, legg styret fram to innkomne forslag som styret ønsker å få diskutert på årsmøtet.
BMO Entreprenør har sia slutten av januar jobba med reparasjonsarbeid på Haukåbrua. No går arbeidet mot slutten, og i løpet av komande fredag vil brua igjen bli opna for trafikk. Arbeidet var i utgangspunktet planlagt ferdig i slutten av februar, men det var meir omfattande skade på brua enn ein først trudde – derfor vart prosjektet utvida og ny dato for ferdigstilling vart sett til 18. mars.
Styret i «Pårørendeforeningen for Surnadal sjukeheim» kallar inn til årsmøte tysdag 29. mars klokka 18:00 i kantina ved Surnadal sjukeheim. «Pårørendeforeningen for Surnadal sjukeheim» er ein frivillig organisasjon som driv med forskjellege trivselstiltak for bebuarane ved Surnadal sjukeheim. Alle som blir rekna som pårørande, blir automatisk medlem i foreininga, men på grunn av reglane for teieplikt, har ikkje styret i foreininga oversikt over kven som er medlemmer i foreininga. Styret ber difor om at pårørande, som har bebuarar ved sjukeheimen, møter opp på årsmøtet tysdag 29. mars!
Komande fredagkveld, 18. mars, vil vi prøve noko heilt nytt, og inviterer både sambygdingar og andre til Quiz- & Pizzakveld. Quiz-master blir Knut Bergli og vi vil sette sammen lag med maks 4 personar pr lag. Det blir 50 spørsmål med lett blanding, og vi vil sette opp ein fin gevinst å strekke seg litt etter, seier Arve Evensen ved Todalshytta.
Balldagen på tysdagar er godt etablert på Todalshytta, seier Arve Evensen som er dageleg leiar på Todalshytta. Kjell Arve Vikavoll har traktert ballgryta sia starten, og har fått mange positive tilbakemeldingar på sine balloppskrifter som han egentleg har etter bestemora.
Sol frå skyfri himmel, varme i lufta og lukt av vår – ein fin dag for tur og trim.
Laurdag 19. mars arrengerer Nordmøre Forsvarsforening «Skiskytingens dag» på Toresetra i Bæverdalen. Arrangementet tek til klokka 12:00 og varer fram til klokka 16:00. Dette er eit arrangement forsvarsforeninga har drive med i mange år.
På I.L. Søya sine facebooksider, har ein av idrettslaget sine dyktige og ivrige tråkkemaskinsjåførane, laga ei kort orientering om løypenettet til det som formelt heiter «Strengenløyper», men som oftast blir kalla, og er best kjent som «Strengentraseen». Strengenløyper har eit løypenett på rundt 50 kilometer (tur/retur) med oppkøyrde løyper på vinterstid. Alt arbeidet i Strengenløyper blir gjennomført med dugnadsinnsats organisert av I.L. Søya.