Foto: Jo Gjeldnes
Hopp under nyhetssakene

Fredag opnar Haukåbrua igjen etter omfattande reparasjonar

Jon Olav Ørsal Onsdag 16. mars 2022

BMO Entreprenør har sia slutten av januar jobba med reparasjonsarbeid på Haukåbrua.  No går arbeidet mot slutten, og i løpet av komande fredag vil brua igjen bli opna for trafikk.  Arbeidet var i utgangspunktet planlagt ferdig i slutten av februar, men det var meir omfattande skade på brua enn ein først trudde – derfor vart prosjektet utvida og ny dato for ferdigstilling vart sett til 18. mars.

Nytt rekkverk er kome på plass og snart ferdigmontert, slik at brua kan opnast fredag som planlagt. Foto Jon Olav Ørsal

No er arbeidet med montering av nytt rekkverk på det næraste ferdig, og det som står igjen er i hovudsak legging av membran og ny asfalt på brudekket.  Dette arbeidet vil bli utført når det lir til vårs og asfaltverka startar på ny sesong, fortel Rolf Ivar Furu og Asbjørn Myrkaskog som har jobba med betongarbeid og montering av nytt rekkverk.  Dei fortel også at det var på høg tid at det vart gjort reparasjon på brua, da det var store rustskader både på rekkverket og på armeringa i brua – i tillegg til dårleg kvalitet på deler av betongen på brua.

Men no er brua god som ny, og vi vil nok ha glede av brua i fleire generasjonar framover, seier dei to frå BMO Entreprenør til Todalen.no.

Vi treng nok nokre dagar med opprydding etter det ofattande arbeidet som er utført. Legging av ny membran og ny asfalt blir også gjort seinare, når asfaltverka startar sesongen. Foto Jon Olav Ørsal

 

 
Publisert: 16. mars 2022, 11:03