Vi fann 101 artiklar i dette arkivet.
Etter to års opphald kunne Sanitetsforeninga endeleg invitere til rusletur på Kvennset og kaffelag i Sanitetshuset. For det har altså ikkje vore rusletur sidan oktober 2019. På grunn av koronapandemien var det ingen rusleturar i 2020 og heller ikkje våren 2021, men no er alle fullvaksinerte, og det er greitt å treffast.
Stavganggruppa i Surnadal Pensjonistlag tek torsdag 23. september klokka 11:00 turen rundt Bettennesset. Parkering ved idrettsplassen. Nista blir innteken på låven til Helge Røv.
Far og dotter Hoem, er på turné saman. 23. september klokka 19:00 kjem dei til Surnadal kulturhus. Ine Hoem og far Edvard har opplevd stor suksess på kvart sitt felt. Edvard Hoem har gleda lesarar over heile landet med sin forfattarskap, og no sist med «Felemakaren» – ein roman som også har sterke todalsinnslag. Og dotter Ine har, med songar som «Jeg vil aldri hjem», gjort stor suksess med sin smakfulle visepop.
I dag har Søya/Todalen sitt J10-lag vore i Kristiansund og spela to fotballkampar. Første kamp var mot Nordlandet på Kunstgressbanen, medan kampen mot Dahle gjekk på NEAS arena. Dei 11 jentene var heldige med vêret, nemleg kjempefint haustvêr med sol, når dei tok turen til Kristiansund for å spele to kampar på ein dag.
Onsdag 22. september kl 12.00 inviterer Senioruniversitetet til møte i kinosalen i Surnadal kulturhuset. På programmet denne dagen står eit interessant og aktuelt foredrag med Audun Aas om smertemysteriet. Audun Aas, forfattar av «Smerteboken – Frå vondt til betre», vil i foredraget samanfatte moderne kunnskap om og forståing av fenomenet smerte, retta mot tilhøyrarar utan helsefagleg bakgrunn.
I går gjorde Erik Kårvatn eit kjempeløp i Torvikbukt 6 topper, og skrieiv seg dermed inn i den såkalla «kongerekka», i det som blir kalla Norges tøffaste halvmaraton. «Kongerekka» er dei 10 beste tidene gjennom alle tider, i Torvikbukt 6 topper si historie. Løpet vart arrangert for første gong i 2004. I fjor var det Kristoffer Nordvik som gjorde eit kjempeløp og skreiv seg inn i «kongerekka».
6 topper Torvikbukt, som vart arrangert i dag, for attande gong sidan 2004, er kalla Norges tøffaste halvmaraton. Erik Kårvatn gjorde eit kjempeløp og sprang inn til beste juniortid gjennom tidene, og den 7. beste tida som nokon gong er oppnådd i løpet si historie. Erik vann juniorklassen og vart totalt nummer 4 i løpet, i sterk konkurranse med mange andre sterke utøvarar. Dermed er Erik inne på den såkalla «kongerekka», som er dei 10 beste tidene som er oppnådd gjennom historia i 6 toppar Torvikbukt.
Måndag 20. september startar anleggsarbeidet med sikring av ferjekaiene på strekninga Kvanne- Rykkjem. Det vil medføre nokre endringar både på ferjerutene og på bussruta for siste avgangen for Fram Ekspress rute 902 frå Molde til Surnadal.
Todalen sanitetsforening inviterer til KløverRUSLEtur måndag 20. september. Oppmøte ved Sanitetshuset kl. 11:00, og så blir det rusleturar i nærområdet på Kvennset.
Fredag 1.oktober markerer Eldrerådet og Surnadal Pensjonistlag den internasjonale eldredagen i Surnadal kommune. Først blir det foredrag om digitaliseringa innafor eldreomsorga. Dette skjer i Svorkasalen på Surnadal kulturhus klokka 13:00. Etterpå er det middag på Thon Hotell Surnadal. Det er montert teleslynge i Svorkasalen.
I tråd med regjeringa si beslutning om å tilby 3. dose til pasientar med alvorleg svekka immunforsvar, ønsker FHI at kommunane no informerer om dette avgrensa tilbodet. Så her er informasjonen om 3. dose frå Surnadal kommune.
Torsdag kveld spela Søya/Todalen sitt G9-lag heimekamp på Søyabanen mot Tingvoll G9. Det var litt «duskregn» under kampen, men det såg ikkje ut til å påverke spelarane sin innsats nemneverdig. Så det vart ein velspela og jamn kamp publikum fekk sjå.