Arkiv for april, 2019

Påskekrimmen sine vegar er uransaklege. Det nærmar seg løysing, men først må vi ein tur på bua.

Den lengste fredagen i året er over. Kjerringdiltar 2019 er kåra, men det verkar som at det er Halle som er sentrum denne påska. Eit mysterium i seg sjølv. Men ikkje heng deg opp i det, vi lurar vel alle på kva kameraet til Grasforskar Grønmyr har fanga opp?

Første påskedag (søndag 21. april) samlast sjakkentusiastar til påskesjakk på Matkroken Todalen. Har du lyst til å bli med er det berre å møte opp i tidsrommet 16 – til 18. På to timar blir det tid til to parti for alle, med ei tid på 30 minutt for kvar.

I dag har definitivt vore ein utedag både på fjell og ved sjø. Tradisjon tru har trimgruppa avvikla det årlege skirennet «Kjerringdilten» rundt Skihytta. Vel 35 personar tok turen til fjells, og dei aller fleste deltok i skirennet med den gjeve vandrepokalen som mål. 

Gunnøydilten er det nye påsketrimalternativet, som faktisk har engasjert mesta heile bygda for å ut på trim. Med god hjelp av det fine påskevêret arrangerte TIL trimgruppa Gunnøydilten som eit alternativ til Kjerringdilten. Gunnøydilten var slett ikkje tenkt som ein konkurrent til Kjerringdilten, men satsa på eit heilt anna publikum.

Fotografering på Halle. 10 årsjubileum for todalen.no. Ein heil episode utan Handelsmann Nordvik eller Lunde-gaupa. I går var ein underleg dag i påskekrimmen. Og det blir ikkje betre i dag.

Torsdag opna utstillinga til Sissel Halset Storslett og Reidar Østvik i Skulstuå. Mange tok turen innom i det fine påskevêret

Årets seterrenn er nr 91 i rekkja, og da går det vel an å kalle det tradisjon, sjølv på Nordvik. I løpet av dei 91 åra har det sikkert vore ymse vêr og ymse føreforhold, og vi veit da at det fleire år har vore alternative arrangement på grunn av snømangel i området rundt Nordviksetra. I år var det iallfall nok snø til å arrangere sjølve seterrennet, men hopprennet og kulerennet må stå over til neste år, og var erstatta av ein improvisert natursti som var ei fullgod erstatning og engasjerte mange.

Dette har hendt: Påskehøgtida er i gang med panting og handel på Halsbua. Nokon er mindre gode på å lese plakatar, noko som førte til ein episode ved panteautomaten. Merkeleg. Ein skulle jo tru at slekt i sjuande ledd på sørsia visste betre. Og det var det ikkje berre frk Bladfyk som meinte.

Langfredag 19. april er det tradisjonell «Kjerringdilt» på Skihytta på Ørsalfjellet. Da er det uhøgtideleg langrennskonkurranse på idealtid og med flott vandrepokal som premie. Alternativt kan du delta på Gunnøydilten som er heilt ny av året. Den har start frå Trøbakkan eller frå Halsabrua og går til Gapahuken ved Gunnøya.

Endeleg er dagen her, da første del av påskekrimmen 2019 kan settast i gang. Som eit lite bonusmateriale har forfattar Guro også lese inn alle seks episodane på lydspor. Fyll opp kaffekoppen og set deg godt til rette, her kjem første del av «Pilk Panter – eller då orgelet peip på Halle»

Tysdag kveld vart ein skiturist henta ut med helikopter frå Neåstien – i nedstiginga frå Neådalen og ned til Kårvatn. Turisten som er ein trønder i 20-årene kleiv seg rett og slett fast, og da mørket seig på vart det beslutta å hente vedkomande ned med helikopter.