Vi fann 95 artiklar i dette arkivet.
Skulstuå i Todalen minner om sin klesbyttedag søndag 10. mars. Her oppfordrar dei til å hente fram klær frå «glemselen» som kanskje andre kan ha nyte og glede av under sin «Klesbyttedag». Dette er IKKJE ei klesinnsamling, men ein byttehandel. Har du ikkje eigne egna plagg å ta med deg dit kan du likevel komme og sjå om du finn noko å ta med heimatt.
I går kveld vart årsmøtet i todalen.no gjennomført i Todalen ungdomshus. Ikkje for fullsett sal akkurat, så dei formelle sakene gjekk rimeleg raskt unna. Leiar Stig Husby gjekk igjennom årsmelding og rekneskapen gjennom det som må seiast å være eit «normalår» for nettstaden. 2018 var ikkje året for dei store aktivitetane utanom den daglege drifta.
Trimopplegget til Surnadal pensjonistlag fortsett framover kvar onsdag kl 11.00. Takka vere at Svein Tjelle har teke på seg instruktørjobben, skriv pensjonistlaget i ein epost.
Onsdag samla Surnadal Sparebank næringslivsfolk og andre interesserte til Næringslivsdag i Surnadal kulturhus. Det er 16. gong banken inviterer til slik samling, som skal være ei inspirasjonskjelde for både næringsliv og politisk miljø. Arrangementet har oppgjennom åra samla kåsører og foredragshaldarar frå øverste hylle og med mange aktuelle tema om økonomi, leiarskap og andre tema.
Det er artig å høre på folk som kan sitt fag og er gode til å formidle og dele kunnskapen med andre. Kirsty Mckinnon er ein av dei som passar til denne karakteristikken. Grundig, sakleg og god å høre på. Tysdag kveld var ho på Hageland Surnadal med sitt foredrag om hagebruk og formidla gode råd og mykje kunnskap til eit 50-tals hagebruksinteresserte.
I kveld kl 19.30 er det årsmøte for Todalen.no, og styret håpar at fleire tek turen til Todalen Ungdomshus for å sjå kva som har gått for seg i 2018. Det er dei kommersielle medlemmene som bedrifter, lag og organisasjonar som har stemmerett, men alle våre personlege medlemmar (utan stemmerett) og andre interesserte er også hjarteleg velkomne til ein gjennomgang av året som har gått.
Stem på februar sitt månadens bilete
Kløverturen denne veka gjekk frå Snøya og utover til Gammelvegen og ned til Svinvika. Her var det fint å gå, heldigvis ingen glatte vegbitar lenger.
No er det aldeles rette tida for å førebu sommarens hagebruk. På Hageland er alle typar frø, både til blomster, grønnsaker og urter på plass i hyllene. Tysdag 5. mars frå kl 18 får Hageland besøk av Kirsty Mckinnon frå Norsøk på Tingvoll i butikken. Ho vil saman med Hubertine Roebroek som er gartner på Hageland vise korleis du skal få godt resultat med såing, prikling og planlegging av kjøkkenhagen.
Toril Redalen og Eduard Ortega har sendt oss eit lite prospekt med eit utleigeobjekt i perioden 1. – 30. april 2019, som ligg sentralt i Todalen. Dei har totalrenovert den gamle husmannsplassen like ved kirka, og ønsker no å leige den ut i kortare periodar.
Stangvik Historielag heldt sitt årsmøte på Stangvik skule den 19. februar, med bra oppmøte. På saklista stod vanlege årsmøtesaker, bl.a. val, rekneskap og budsjett. Valkomiteen hadde gjort ein god jobb, overtala både formann og to styremedlemmer til å fortsette. Styret vart da som følgjande: leiar Einar Grønnes, nestleiar Marit Haugen, sekretær Hallvard Kvande, kasserar Rolv Lysø og styremedlem Rolf Smisetfoss.
Lukta av nystekte bakels bredde seg frå gapahuken på Tjønnmyra på formiddagen i dag når skigruppa i Todalen IL inviterte til barn i løypa. Kombinasjonen med Wasaloppet, 50 km menn i Seefeldt, og minimalt med snø i bygda gjorde nok sitt til at deltakinga ikkje var den aller største.