Arkiv for desember, 2013

Gjennom skuleåret så langt har elevane ved Todalen oppvekstsenter hatt felles skulemåltid til elevane. I den anledning har skulen fått gratis egg frå Pestuå til måltidet gjennom heile hausten.

Arbeidsgruppa som jobbar med julerevyen til 3.-dagsfesta er godt i rute. Laurdag startar billettsalget på Matkroken L.Hals til dei to revyforestillingane. Det blir nemlet ei forestilling på dagtid (kl 15.00) og hovedforestillinga som startar kl 20.00.

Førstkommende lørdag arrangeres årets siste strikkekaffe i Sanitetshuset. Her blir det som vanleg enkel servering og eit sosialt førjulsavbrekk med eller utan høveleg handarbeid.

Elevane på Todalen Oppvekstsenter hadde i dag om brannvern ved feiarane Jon Nordvik og Hans Christian Hårstad.

Eller kanskje var dei heldige? Ein bil hamna på taket i grøfta mellom Svinvika og Nordvik søndag kveld. Iallfall måtte dei ha hjelp av bergingsbil for å kome seg på vegen igjen. Det er no både glatt og svake snøkanter, så det er lett å hamne utafor vegen.

Laurdag hadde Sjur Fedje invitert slekt og venner til feiring av sin 80-årsdag i Sanitetshuset. Han hadde nok ingen aning om at det var «større ting» i gjære, og vart fullstedig overrumpla da han under feiringen vart tildelt Forsvarsforeningen medalje for sitt arbeid for foreningen.

Laurdag ettermiddag tok vi turen til Todalen kyrkje for å få med oss adventskonserten som felleskoret til Åsskard kyrkjekor og Todalskoret arrangerte. Dei var denne gongen forsterka med organist/pianist Tor Strand og Torgrim Tunes som las og fortalte om sine adventstankar.

Det var knytta stor spenning til utdelinga av heidersprisen «Den Gyldne Patron» på Hjortfesta laurdag kveld. Festsjef Ragnar Halle utløyste spenninga da han opna konvolutten og kalla Eirik Haukenes opp på scena i Todalen Ungdomshus. Eirik Haukenes jobbar som videojournalist hos NRKs distrikstskontor i Kristiansund, og var stasjonert i Todalen nokre dagar etter at raset isolerte bygda onsdag 31. juli i år.

Utover føremiddagen fredag har det vore eit tett snørokk, og braøytarane har sitt fulle hyre med å halde vegane opne for trafikk. Anders A. Karslsen ber folk om å være forsiktig i trafikken på grunn av det glatte føret.

Fotterapeut Olaug Bergem Aspill tek nok ein gong turen til Todalen. Denne gongen er ho i Sanitetshuset ttorsdag 19. desember og fredag 20. desember. Som vanleg er det rå å bestille time hos Marit Sanden Søyset på telefon 98 03 63 91.

I kveld 20.00 startar Hjortfesta 2013, og da inviterer festsjef Ragnar Halle til en meny med stor bredde i forskjellige viltrettar. Han kan by på rettar av hjort, elg, rådyr i forskjellige variantar og fiskrettar av både aure og røye. Todalen.no tok ein tur innom fredag kveld, og da var det full sjau med førebuingar i Ungdomshuset.

Alt gikk som planlagt da Eldremiddagen var samla til juleavslutning og festmiddag i Sanitetshuset onsdag, heilt til strømmen gikk! Men kokkegjengen fikk slett ingen panikk på grunn av straumbrotet. Dei var godt i rute med middagen, og rekna med at straumen snart kom att. Men det varte og det rakk, og etter eit par telefonsamtalar med Svorka, vart det behov for å finne ei reserveløysing.