Vi fann 7204 artiklar i dette arkivet.
Laurdag var det konfirmasjonsgudsteneste i Todalen kyrkje, med Torbjørn Brøske som liturg. Det vart ei fin og høgtideleg avslutning for konfirmantførebuingane som har foregått i vinter. 3 av dei fem konfirmantane høyrer heimen i Todalen sokn, medan 2 kom frå andre sokn – ein frå Stangvik og ein frå Trondheim.
Svinviks arboret er ein museumshage med ei stor samling av rododendron, frukthage, stauder og bartre. Her finn du også ein sesongkafe og eit lite planteutsal. Både rododendron og frukttre har starta på blomstringa no, og fortset i tida framover.
Torsdag er det Kr. himmelfartsdag, og Matkroken Todalen har kioskope til vanleg tid kl 16:00 til 18:00 og vanleg opningstid resten av veka. Drivstoffanlegget er som vanleg ope for kortsal heile døgnet.
Todalen idrettslag inviterte i utgangspunktet heile bygda til Bordholmen på utefrukost – det brukar å være fint når vêrgudane spelar på lag. Men i år varsla nok yr.no på eit tidleg tidspunkt at det nok var lurt å flytte frukostarrangementet innomhus. Dermed vart det rigga til frukostlag under tak i Todalen Ungdomshus. 17.-frukosten brukar å ha stor oppslutning, og det var det også i år – leiar i Todalen I.L. Elinor Bolme var godt nøgd med at 90 gjestar stilte opp på frukostarrangementet.
Det var ingen sure miner fordi om regn og vind i 3-4 varmegrader prøvde å gjøre det surt for det tradisjonelle biltoget rundt bygda. Biltoget starta presis kl 10 frå Matkrokens parkeringsplass og bruka den tradisjonelle ruta oppover bygda til Brusetbrua og vidare oppover til Gammelfabrikken i Brusetmarka. Her var det ein kort pause før toget gikk vidare til Ungdomshuset, der alle var invitert til frukost.
Todalshytta har laga eigen meny for Nasjonaldagen – her kan du velge sjølv, eller deu kangjøre det enkelt og kjøpe den komplette 3 retters «flaggmenyen». Ta gjerne kontakt og bestill bord på telefon 929 97 550. Restauranten er open i tidsrommet 14 -19. Bla om så finner du menyen
Du lurte kanskje på kva Aasmund Longva Kvendset og Ove Island heldt på med i går da du observerte dem på vegkanten inn til Todalen og rundt i bygda? Vi trefte de to parkeringsplassen ved Todalshytta, og kan avsløra at dei representerte Svorka-selskapet S-Nett, som eig og driv heile strumnettet i «Svorkaregionen». Tilsaman er det 360 km med linjenett og rundt 3600 pålar som skal ha regemessig ettersyn.
Det var Håvard Gjeldnes som trekte det lengste strået under Dammen Opp 2023 på Nordvik, men jammen går det an å seie at Isak Drøpping pusta han i nakken. 8 fattige sekund etter gikk Isak i mål på den 3 km lange løypa etter vegen frå Forsamlingshuset og opp til dammen og inntaket for Nordvik Kraft. Beste tid i dameklassen fikk Berit Mogstad, som kom i mål på 15,52 og 39 sekund etter tida til Håvard Gjeldnes på 15,13.
Måndag 15. mai går Kløverturen til Øyalia, melder Todalen Sanitetsforening. Det blir oppmøte ved Matkroken til vanleg tid, kl 11, for samkjøring til Ungdomshuset. Turen oppover Øyalia tek utgangspunkt derfrifrå. Alle som har lyst til å bli med er velkomne til ny Kløvertur!
Tida er inne for å kome i gang med valkampen, melder Arbeiderpartiet – laurdag 13. mai møter du Surnadal Arbeiderparti på stand utanfor Extra på Skei. Vi byr på ein kaffekopp og triveleg samtale. Kom og hels på oss, vi er på plass frå kl. 11 til 14!
Høge straumprisar i vinter og vår påverkar etterspørselen etter ved. Bjørn Kvendset er ein av dei som driv med produksjon og sal av ved til fyring. Han fortel at det har vore stor etterspørsel etter ved den siste tida – mange har alt gått tom for ved, men Bjørn har enno noko som er disponibelt for sal. Det har vore etterspørsel både etter bjørkved, blandingsved og olderved, og med forskjellig fyringsverdi så er det sjølvsagt prisforskjellar på dei forskjellige kvalitetane.
På Syltøran er det to jubileum no på tampen av veka – Hageland Surnadal fyller denne veka 10 år . Det er gått 10 år sia Mons Otnes kløpte snora og opna Surnadals nye hagesenter som ligg vegg i vegg med Byggmakker Surnadal. Den andre jubilanten er nemleg Byggmakker Surnadal som i år har halde på 25 år på Syltøran. No har dei slege saman dei to jubileumane og markerer dette med ei skikkeleg jubileumsfeiring, der dei har fyrt opp grillen og pizzaomnen og sørgjer for uteservering på torsdag, fredag og laurdag – altså tre dagar til ende.