Vi fann 7203 artiklar i dette arkivet.
Bli med og løp «Stor-rointj» søndag 25. juni. Da arrangerer Sparebank1 Nordmøre «Bankmila» i samarbeid med Surnadal IL, skigruppa som er teknisk arrangør. Banken byr på deltakarpremie til alle som tek runden rundt bygda.
Leiar Todalen elveeigarlag, Stig Husby, fortel at frå i år er laksevaldet «Steinutgarden» med i elveeigarlaget igjen. Steinutgarden har vore leid ut som privat elv i mange år no. Stig er glad for at den populære strekninga, ved utløpet av Romåa, no er tilgjengeleg for kortkjøparane i gjen. No blir Steinutgarden rusta opp til å ta i mot laksefiskarane, og ny fin gapahuk er under bygging og klar til bruk i løpet av veka.
Måndag føremiddag trefte vi denne gjengen som kosa seg i sommarvarmen i Toåa tursti – eller nærare bestemt ved gapahuken ved Båthølen. De ti damene var ute på «Kløvertur» i regi av Todalen sanitetsforening, og dei let som så at det var litt for trimmens skuld og kanskje mest for å treffast og ha det triveleg i lag.
Søndagens folketonemesse i Todalen kyrkje trekte 80-90 til den litt spesielle gudstenesta. Sjølvsagt er det Bernt Bøe som er arkitekten og som har vore musikalsk leiar for prosjektet. I utgangspunktet var det ei vanleg gudsteneste, men med innfletta song og musikk så vart det eit heilt anna produkt, sjølv om bodskapet vart det same.
Vêrmeldinga på yr.no melder om skogbrannfare for heile Sør-Noreg. For Trøndelag og Møre og Romsdal er farevarselet på gult nivå, medan det i resten av Sør-Noreg er på orange nivå – altså meir ekstremt der. Dagens vêrmelding inneheld også eit varsel om mykje lyn og torden i heile Midt-Noreg.
Talgø har hatt ei fin utvikling i nord dei siste åra. Bindalsbygg AS har meir enn dobla omsetninga på nokre år, og oppkjøpet av Bindalslaft vil nok sikre at utviklinga går vidare. Selskapet heiter i dag Talgø Agrobygg, og har tilhald på Bindalseidet i Bindal kommune. – Agrobygg er spesialistar på landbruksbygg, og har eit godt rennome med heile Nord-Noreg som marknad.
Det grøne skiftet tvingar fram mindre bruk av plast og meir rasjonell drift for innhausting av graset som blir bruka til fôr. Todalen Mjølk har teke konsekvensen av det, og har i år gjort store investeringar for å rasjonalisere siloslåtten. – No er dei i gang med førsteslåtten, og dei kan rapportere om både gode avlingar og god kvalitet på fôret.
Det var Mathias Strømstad Lund som fikk den store æra å ta årets første laks i Toåa. Litt over en time etter at fisket starta ved midnatt så satt laksen på, og når den kom på vekta så slo den ut på omtrent akkurat 5 kg – ein fin laks uten lus – ein ekte villaks. Det skjedde i Båthølen, og laksen var sett ut igjen så Mathias har ikkje noko bilde av laksen.
Torsdag i veka som gikk vart ein historisk dag på fleire måtar – ikkje minst var dagen markert med kongebesøk, der kong Harald og dronning Sonja gjesta Bindal kommune og 2-3 andre kommunar i området. Den andre store attraksjonen var nok at Bygger’n Bindal hadde offisiell opning av nybutikken i Terråk sentrum. Sjølv om butikken har halde til i Servicesentret på Terråk sia 1985, så står butikken fram som ny – med utvida butikkareal og nytt lagerbygg.
På laurdag møter du fleire kandidatar frå Surnadal Arbeiderparti på stand ved Alti-senteret. Vi vil gjerne høyre kva saker som er viktige for deg fram mot valet, og vi byr gjerne på ein kaffekopp. Du møter oss frå kl. 11 til 14.
Lokal musikk pregar gudstenesta når Torbjørn Brøske søndag takkar av som vikarprest. «Folketonemesse frå Todalen» ber hovudledda i liturgien. Denne «Missa Todalensis» byggjer på folkesalmetonar etter Tomina Husby og Ane Husby og feleslåttar etter spellmannen Hallvard Ørsal. Til vakre og spenstige todalstonar har så Bernt Bøe laga kormelodiar over dei fem vanlege messeledda. Messa vart komponert til 150-årsjubileet for Todalen kyrkje i 2011.
Mannskoret Tarrakarrain frå Averøy gjesta laurdag kveld Stangvik kyrkje, der dei hadde konsert i samarbeid med P17-koret. Det var bra oppslutning om arrangementet, og det var tydeleg at det var mange som gleda seg til å høre skikkeleg mannskorsong, og dei fekk valuta for pengane.