Forfattararkiv for

2010 blir eit normalår for sauedrifta, trur Kåre Øyen. Han sendte i overkant av 130 dyr på fjellet i vår, og etter eit par veker med saueleiting saknar han no berre 5-6 lam. Det reknar han som eit normalår og er godt nøgd når han ser kor store tap det er på andre sia av fjellet, i Innerdalen om områda omkring.

Det vart både elg og hjort på jaktlaget på sørsida av bygda i dag. Etter resultatlaus jaging i Øyalia, vart det sett ut postar på Storhaugen og jaga dit gjennom Brusetbotnan. Da vart det både elg- og hjortfall på Storhaugen. Ein ungokse på ca 180 kg gikk i bakken etter ein fulltreffar frå Anders Halset. Ola Bruset sørga for at ein spissbukk fall i same området.

På leikeplassen, som ligg i tilknyting til Kvennsetøran boligfelt, var det laurdag full aktivitet med opprusting og bygging av ny sandkasse. Både store og små var med på arbeidet, og i løpet av dagen blir det nok klart for å fylle på ny sand og starte leiken.

I forrige veke vart møbelmessa «Furniture China 2010» arrangert i Shanghai i Kina. Frå Talgø var salgssjef Rune Moe og PU-sjef Anita Talgø der, for å sjå på nye trendar og for å følge opp Talgø sine leverandørar og faste forretningskontaktar. Det vart 3 dagar på møbelmessa og 3 dagar med besøk hos eit 10-tals leverandørar i området rundt Shanghai. På heimesida til messearrangøren står det at dei venta ca 70.000 besøkande til messa frå tilsaman 160 land. Så det var eit yrande liv og mykje møblar.

Tysdag 21.september er det foreldremøte for Todalen barnehage og Todalen skule. Møtet er i gymsalen på skulen kl. 18.30, mange interessante saker! I tillegg er det også eigne møte for barnehagen og dei ulike klassane – sjå tidsplan på innkallinga som er sendt ut med elevane til heimen.

Torsdag 23. september kl 20 startar «Dametrimmen» ny sesong i gymsalen på Todalen Oppvekssenter. Dei ønsker gamle og nye trimmarar velkomne til trim, fortel Turid Hals Sæther til Todalen.no.

Frå 1. januar overtek Talgø drifta av lageret på Vinstra. Dei vil da auke leigearealet frå 10.000 m2 til å leige heile lageret på ca 20.000 m2, og eit eige Talgø-selskap vil frå same dato drifte lageret. Handelshuset Martinsen flyttar si lagerverksemd til eige lager på Jevnaker. Det nye Talgø-selskapet vil få 15-20 ansattte og får eiga leiing.

Beiteforholda i fjellet har stått sitt høgste, og dei fleste sauer og krøter er komne heim frå fjellbeitet. Det har i år vore gode beiteforhold, men no er nok hausten i ferd med å gjere sitt inntog i fjellet og beitekvaliteten er redusert. I tillegg spøker også rovdyrproblema, og vi høyrer at jerven gjer stor innhogg i sauflokkane. I år ser det ut til at desse problema er moderate i Todalsfjella, men sauleitinga er enno ikkje slutt så resultatet er enno litt usikkert.

September er rekna som den første haustmånaden, og i fjellet held hausten på og gjer sitt inntog. Sauene er på veg heim frå fjellet, og haustfargene trer fram og vert sterkare for kvar dag som går. Fredag starta rypejakta, og ein høyrer hyppige haglesmellar rundt omkring fjelltoppane. Jegrane som var med frå starten hadde fint turvêr i helga, sjølv om den søraustlege vindretninga ikkje er rekna som godt jaktvêr. Det er fint å gå i fjellet om hausten, og vi kan enno få mange fine turar før vinteren tek over og snøen kjem. Nytt høvet til å ta deg ein tur, og nyt den klåre fjellufta og den fine utsikten.

Et pilotfjøs for melkeproduksjon hvor tre er hovedbyggematerialet er tatt i bruk på Averøya. Fjøset er et lettisolert fjøs i tre, utviklet for repeterbar og industriell bygging av MøreTre i samarbeid med melkebonde Finn Roger Trodal på Averøya. Prosjektet har støtte fra Innovasjon Norge/Trebasert Innovasjonsprogram. MøreTre melder allerede om flere forespørsler på konseptet og i følge melkebonden trives kyrne i nye omgivelser.

Onsdag kveld hadde Halsesamlinga årsmøte eller såkalla almannamøte i gammelskulen. Kriteria for å delta på årsmøtet er at du er todaling og formålet med Halsesamlinga er å ta vare på kulturarven etter forfattaren Leif Halse. Forutan vanlege årsmøtesaker var det to viktige saker som almannamøtet skulle ta stilling til. Den eine var flytting av Halsesamlinga fra Gammelskulen til biblioteket i Todalen oppvekstsenter og den andre var styrets forslag om å legge samlinga inn under Todalen historielag.

Ola Bruset og Nils Ove Bruset nytta finvêret sist helg til jakttur til Snøhettaområdet. Nils Ove har tildelt dyr der, og Ola var med som «sherpa» og fotograf. Resultatet av jakta vart heller magert, men dei hadde ei fantastisk fin helg i fjellet. Ola har sendt oss nokre bilde som vi legg ut som fotogalleri nedafor.