Forfattararkiv for

Direktoratet krev midtsesongevaluering av fisket i Toåa og ti andre elvar i Møre og Romsdal. Da vil dei ha inn alle fangsrapportar hittil i år for å vurdere om det er naudsynt med tiltak for resten av sesongen, som i Toåa går fram til 15. august. Todalen elveeigarlag ber derfor om dat dei som har teke laks og aure i tidsrommet frå 15. juni til no sender ei melding til ledar Ola Bruset, enten som SMS på telefon 915 95 894 eller som e-post bruset@svorka.net dersom fangstrapport ikkje er levert på ordinært vis.

Tysdag hadde vi langvegsfarande besøk i redaksjonen. Det var Diane Holbeck Erickson og mannen Will som var på Todalsbesøk for å treffe eventuelle slekningar og vener i Todalen. Dei kjem frå Stanwood, som er ein liten stad med ca 6000 innbyggjarar som ligg mellom Seattle og Vancouver på vestkysten av USA. Bestemora Ellen kom frå Ørsaljelen, og vart gift med Jon Haltbakk. I emigrasjonprotokollen er ho ført opp saman med sonen Eilert (1911), da dei reiste «over there» med Den Norske Amerikalinje den 19. juli 1917. Eilert er onkel til Diane og var også i Todalen på besøk på 70-talet.

Søndag 8. juli var det fellestur til Tågdalen naturreservat i Surnadal. Tågdalen ligg på Austre Nordmarka ovanfor Dalsegg på grensa mot Rindal ( ca. 400 moh.). Området var heilt fram til 60-talet i bruk som slåttemark og det meste av området er rikmyr med artsrik flora. Tågdalen naturreservat vart oppretta i 1996 og i 2007 vart det sett i drift ein meteorologisk målestasjon her.

Snow On A Mountain kjem til Todalen for å lansere den nye plata si «Come with me». Det skjer tysdag 24. juli på Pakkhuset Kro på Todalsøra. Snow On A Mountain er eit orkester som består av brørne Eirik Husby, Lars Olav Husby og Jan Peter Husby frå Todalen. Dei spelar musikk i folk pop-sjangeren og held for tida til i Oslo, og opptrer derfor mest i Oslo- og Drammensregionen.

Dei siste dagane har det vore bra fiske i Toåa, og det har nok samanheng med at det er betre temperatur i elva i det fine sommarvêret. Årets største så langt i år vart teken i Båthølen i dag, og var ein fin villaks på rundt 9,5 kg. Det var Sven Sandodden frå Longyearbyen som var den heldige og fikk den på flua. Elles er det teke på land fleire på Ramsøyvaldet dei siste par dagane.

26. august er det klart for ny Trollheimsmarsj. Arrangøren prøvar på nytt i år, etter at fjorårets arrangement vart avlyst på grunn av vêrtilhøva. Den populære turmarsjen går frå Todalen og over til Ålvundeidet, og er eit samarbeidsprosjekt mellom dei to idrettslaga Todalen og Ulvungen. Dette samarbeidet starta i 2008 da begge laga fylte 100 år, og var da ein av dei mange jubileumsaktivitetane hos dei to «jamnaldringane».

Torsdag var det fotosession på Talgø. Det er neste års kolleksjon av hagemøblar som har vore i «eldlinja» til fotograf Nathan Lediard, og fotograferinga foregikk på Talgø gard. Ein heil gjeng frå marknadsavdelinga på Talgø var engasjert i prosjektet, og produkta høyrer til den populære Talgø OutLiving-kolleksjonen.

I kveld var det siste sykkeltrim før ferien. Det var mange som nytta høvet til ein sykkeltur i det fine sommarvêret, der gradstokken til slutt hamna god over 20-talet. ved registrering på Bordholmen var det også høve til å kjøpe lodd i trimgruppas sykkellotteri, og elles var det salg av kaffe og bakels.

På loppemarknaden under Todalsdagen var det ein kjøpar som sikra seg 12 asjettar og 12 tefat med denne dekoren. No er ho på utkik etter koppane, for dei var ikkje å oppdrive i lag med fat og asjettar, fortel Borghild Talgø som styrte med loppemarkanden. Dersom du har koppane og kan tenkje deg å selje dem, så har altså Borghild kjøpar!

Trimgruppa i Todalen i.L. melder om at siste sykkeltrim før ferien blir onsdag 4. juli. Det er som vanleg registrering frå kl 18.00. Elles kan du kjøpe lodd i sykkellotteriet, og du kan kjøpe kaffe og bakels, eller andre forfriskningar. Og sjølvsagt kan du sykle så langt som du sjølv vil etterpå. Kom og bli […]

Var vel egentlig forberedt på at det kom til å skje. Det var berre spørsmål om når, og det vart søndag ettermiddag da det var behov for å fylle tanken med diesel. Trefte ein utflytta todaling og fast lesar på Todalen.no ved pumpa, og da gikk pålogging med bankkort og valg av pumpe på gammel vane. Men da fyllepistol skulle velges vart det sjølvsagt feil, sjølv om fylling av diesel har gått smertefritt i to år som dieselbileigar. Etter å ha fyllt eit titals liter slo bomba ned – dette var feil, for det var grøn pistol med teksta 95 oktan på. Bensin!

I samarbeid med Todalshelga og arrangører Todalen Idrettslag har vi laga eit bildegalleri med lagbilder frå fotballturneringa. Vi er imponert over innsatsen til dei mange laga og det var artig å sjå korleis ongane kosa seg med fotball og anna leik gjennom ein lang dag på Bordholmen. Ein blir ikkje mindre imponert når ein ser at dei også brukar pausen mellom kampane til å sparke fotball. Det må kunne kallast ein dag med non stop fotball!