Forfattararkiv for

Den siste veka har 6 malaysere «prøvd seg» som todalingar. Dei har vore på Talgø Møbelfabrikk på serviceoppdrag, og med iherdig innsats har dei jobba inn ein dag for å få tid til ein skidag, før dei reiser heim att på tirsdag. Tove Talgø Brøndbo, Arnt Ivar Brøndbo og Christian Madaus var måndag instruktørar og aktivitørar for dei 6 malysiarane, og etter eit intensivkurs i teknikk og bruk av utstyr så bar det ut i skiløypa.

Etter ein lang kuldeperiode, slo det i natt om til mildvær og regn. Og med regnværet vart det nye utfordringar, med tette stikkrenner og vatn på mange plassar det det ikkje skal være vatn. Det er no lurt å ta en runde og kontrollere om vatnet renn dit det skal, og ikkje inn i kjellarar og garasjer. Utover ettermiddagen og kvelden går det igjen over til nø, og til natta blir det atter kuldegrader.

Det har vore arbeidd for fullt med å få fram vatn til brukarane i Brusetmarka, innafor Bjøråa. Der var det enno i går frosne rør, og Per E. Gjeldnes kjempa seg gjennom telen med vibrator og skuffe for å finne røret. Det var ca 1 meter ned til grunnvatnet.

Surnadal kommune kom i dag med ny og oppdatert informasjon om vasskrisa som rammar stadig fleire både her i kommunen og mange andre plassar i landet. Surnadal kommune jobbar på spreng for å betre situasjonen, men så lenge berrfrosten held grepet er situasjonen ein omfattande vassmangel. I eit informasjonsskriv som du kan laste ned her, orienterer kommunen om status og tiltak som er sett i verk. Høgst prioritet har eldre og familiar med små born, i tilegg til gardsbruk med dyr.

8 nye klubber fikk sin status som kvalitetsklubb i helga etter at eit imponerende arbeid er gjort.  I.L. Søya og Surnadal I.L. var to av dei nye klubbane som fekk sin status for nivå 1.  Dette er ein mipæl for kretsen, seier ledar StigNergård etter utnevninga i helga. Nordmøre og Romsdal Fotballkrets er først i landet med […]

Problema med tilføring av vatn til Bjøråa vassverk ser ut til å vera løyst. Det er no betre tilsig, og vi reknar med at det no skal bli tilnærma vanleg drift, seier vakthavende på kommunalteknikk Odd Einmo til Todalen.no. Søndag føremiddag var det litt problem med luft i pumpeanlegget, men etter lufting av anlegget og kontrollert oppkøyring igjen, så skal det no være vatn i kranane til abonnentane.

Laurdag kveld fikk Magne Hansen publikums hederpris på idrettens festkveld i Surnadal kulturhus. Dei øvrige prisane gikk til Andrea Einmo Engdal (taekwondo) som årets utøvar og til Birgith Løseth som Årets ildsjel. Du kan lese meir om drettens festkveld på Driva.no.

Laurdag var det stor utfart på sjøisen. Det var litt kald vind, så det var best å halde seg i aktivitet. Men midt på dagen kom sola på ein visitt og da vart det betydeleg betre. Men det var stor aktivitet på sjøisen i dag, med både fiske, ishockeykamp og grilling. Eit hundretal store og små todalingar sørga i allfall for å halde kvarandre med selskap på denne fine vinterdagen.

Kristian og Frikk er habile fiskarar både sommar og vinter. Dei har no venta lenge på sjøisen, og endeleg vart det sjøis av det skikkelege slaget, og da bar det utpå med snøre og pilk. Laurdag med skulefri vart nytta til heildag på sjøisen. isen ligg no helilt ut til Gjengstøa. Og fisk fikk dei, og  her er dei […]

Sett av 29. juni, for da skjer det på Bordholmen, fortel Knut Bergli i Todalen Idrettslag. Han siktar sjølvsagt til Todalsdagen 2013, som er ei massemønstring av barnefotball for dei aller minste. Rundt 40 lag har delteke dei siste åra, og for mange av dei minste er det nok årets høgdepunkt. Stor fotballmønstring blir det også i år, og i fotballgruppa er dei godt i gang med planleggjinga, fortel Knut Bergli.

Torsdag kveld var det klart for å fornye avtalen om fotballsamarbeid mellom Kvass/Ulvungen, I.L. Søya og Todalen. Avtalen som vart signert er ei vidareføring av fjorårets avtale, og vil gjelde eit småjentelag (J14), småguttelag (G14), samt seniorlag  i 6-divisjon. Da er det klart at det blir seriekampar både på Bordholmen, Leikvoll og Søyabanen denne sesongen også. […]

Surnadal kommune melder at situasjonen framleis er vansleleg for vassforsyninga frå Bjøråa vassverk som dei driftar. Kommunen har i dag, utan særleg hell , undersøkt mulegheita for å auke tilsiget til brønnen. Slik situasjonen er fredag ettermiddag, vil abonnentane vil tidvis kunne tappe vatn, men vil vere utan vatn i den tida det tar å […]