Foto: Jo Gjeldnes
Hopp under nyhetssakene
Ålvundfjorddagan for 10. gong

Ålvundfjorddagan for 10. gong

Jon Olav Ørsal Måndag 17. juni 2013

Juni er en travel månad med mange kultur- og sportsarramgement rundt om kring på indre Nordmøre. Vi i Todalen.no prøvar på ingen måte å få med oss alt, for det har vi mange andre og meir ressurssterke media som dekkjer. Men vi var ein tur i nabobygda Ålvundfjord og fikke med oss laurdagens fotballturnering på Ålvundfjord stadion. Mykje artig fotball og eit fint arrangement som vi har ein bildekavalkade frå.

Ålvundfjord stadion ligg rett nedafor skulen, og ligg fint lokalisert saman med småbåthamna og den nye fotballhallen. Heile dette anlegget vart bygd samtidig som Neas bygde ut kraftverket i Ålvundfossen, og er fundamentert på tunellmasse derifrå. Her har også idrettslaget Kvass sitt klubbhus. Fotballturneringa feira i år 10 årsjubilum, og har etterkvart utvikla seg til eit stor arrangement som går over 2 dagar.  Etter fotballturneringa på laurdag fortsette arrangementet med lygarkveld og plattdans. Søndag var det smårollinganes dag på fotballbanen, samt triathlon og stor andeløp.

Her finn du ein bildekavalkade frå laurdagens fotballturnering og livet rundt omkring dette.  Alle foto: Jon Olav Ørsal

Publisert: 17. juni 2013, 10:25