Forfattararkiv for

Tysdag den 25. juni arrangerte Surnadal Pensjonistlag busstur til Storlidalen. 42 deltakarar gjekk ombord i bussen på Skei og vart helsa velkomne av sjåfør Lars Olav Stenberg hos Stenberg Bussreiser. Veret var ikkje det beste, regna som berre det, men som det er sagt; «godt folk får godt ver». Det slo til denne gongen og. Da vi vel var komne over Kvennafjorden, på tur oppover Sunndalen, kom sola meir og meir fram.

Søndag var det to barnedåpar i Todalen kyrkje og det var nærare 70 tilhørarar på den siste gudstenesta før ferien. I ferietida blir det inga gudsteneste i Todalen, og neste ordinære gudsteneste blir derfor søndag 18. august.

Ræta opp var kanskje hovudattraksjonen under laurdagens todalsdag-arrangement. 104 deltakarar stillt på startstreken da ordførar Mons Otnes smelte av startskotet og løparane kunne sette kursen ut frå Bordholmen i retning Halset-ræta. Nokre sette på «full speed» heilt frå starten, og Halvor Drøpping gjorde runden på 11,59 og sette ny løyperekord. Men dei fleste tok livet med ro og bruka den tida dei trong. Og det var kanskje fornuftig, for premieringa var lagt opp til at ein skulle koma så nær idealtida som muleg. Og den vart i år 42,49.

Det var knytta stor usikkerhet til laurdagens vêrmelding, men vêret vart mykje betre enn vi frykta. Det seier stemnegeneral Knut Bergli, som er glad for at Todalsdagen er gjennomført og han kan føye årets arrangement inn i rekkja av vellukka arrangement. Vi måtte nok tåle nokre regnbyger utover dagen, men ikkje verre enn at arrangementet kunne følgje tidplana som var oppsett og det var knapt ein einaste paraply å sjå på Bordholmen.

Siste fredagskvelden før Todalsdagen det tid for å ta de siste skippertak før arrangementet blir blåst igang laurdag morgon. Men årets stemnegeneral Knut Bergli såg ut til å ha alt under kontroll, og var stolt over programmet han kunne presentere for årets Todalsdag. Fotball for dei minste står nok i høgsetet, slik som tidlegare år. Mellom tretti og førti lag stiller på Bordholmen i føremiddagstimane på laurdag. Alt kl 09.30 startar dei første kampane, og dei held ballen i gang til siste finalen kl 15.45. Men hovudattraksjonen blir nok mosjonsløpet «RætaOpp», der ordførar Mons Otnes fyrer laus startskotet kl 12.00.

Søya og Todalen skytterlag melder at det er tid for skyteprøve for storviltjegrar. Det foregår på lagets skytebane i Ranheimsvingen på Kvanne, og laget har sett opp følgande datoer for øveingsskyting og skyteprøve:  1/7 -15/7 – 22/7 – 29/7 – 5/8 – 12/8 – 19/8 – 26/8.  Skytinga pågår i tidsrommet 18.00 – 20.00

I dag er det klart for presentasjon av årets programhefte for Todalsdagen 2013. Det er Knut Bergli som ghar vore redaktør for årets programhefte, og det er på heile 20 sider med redaksjonelt stoff om Todalsdagen og sjølv sagt annonsar frå mange og trufaste annonsørar. Det er Lillian Halle som har vore grafisk designer, og det vart ei stasesleg programhefte som no blir distribusert i postkassane lokal og som distribueres «world wide» via Todalen.no og facebook.

Fotballfest for dei minste er kanskje det beste kjenneteiknet på Todalsdagen, men hovudattraksjonen er nok mosjonsløpet «RætaOpp», som hadde sin premiere i fjor under Todalsdagen med over hundre deltakarar. Laurdag er det ny satsing, og da reknar vi med mange fleire deltakar, fortel Knut Bergli og Ingvild Kårvatn i Todalen Idrettslag når dei promoterer løpet. RæteOpp er som sagt eit mosjonsløp på ca 3 km, med start og målgang på Bordholmen stadion.

Til tross får litt dårleg festivalvêr i starten har det vore mykje folk innom til Norsk Laksefestival som i skrivande stund er i full gang på Skei i Surnadal. Det var start torsdag, medan martnadsgata opna fredag ettermiddag. Det lagt opp til program heile helga, og på kveldstid var det fredag kveld utedans ved kulturhuset. Laurdag starta alt kl 07 med fiskekonkurranse og martnasgate frå kl 10. Laurdag kveld er det utekonsert med Bonnie Tyler og Return, og vêrprognosane er slett ikkje verst for laurdagskvelden.

Vi minner om at det fortsatt er muleg å få med seg rododendronblomstringa i Svinviks arboret ! Unn deg deg ein kopp kaffe og ein pustepause i den frodige hagen. Arboretet er ope onsdag – søndag frå 12.00 til 17.00. Siste nytt er at det no er opna eit lite butikkhjørne i kafeèn, med fine småredskap og hanskar til hagearbeid, villsaugarn frå Hjellnes, nydelege sjal frå Oppistufrua og andre fine småvarer. Verdt eit besøk!

Stavganggruppa i Surnadal Pensjonistlag avslutta vårsesongen torsdag med marsj i området Kårvatn, Myrvang og til Nauståfossen. Kafferasten var lagt til Myrvangtunet der Liv og Jon tok i mot oss for fjerde året på rad. Guri og Lars, som har vore like trufaste, bidrog med musikk og jammen var det fleire som svinga seg på vollen både i valse- og polkatakt. Den faste graut/bakelsgruppa vår serverte velsmakande godsaker og alle 40 frammøtte såg ut til å kosa seg.

Til kvar leilighet i Sanitetshuset har det vore ein liten terrasse på framsida og mot sola. Den har berre vore så alt for liten og upraktisk, for troppa har nemleg vore på motatt ende som terassedøra. Det har lenge vore diskutert å endre på dette, og etter ein lang planprosess og basar til inntekt for prosjektet så vart plana realisert.