Vi fann 7009 artiklar i dette arkivet.
Laurdag ettermiddag var det i allfall ikkje finvêret som lokka folk til Nistua på Nordvik på julemesse. Initiativtakar Torunn Nordvik var sjølvsagt skuffa over at det skulle bli regn og blåst, og berre 3-4 varmegrader når ho arrangerte julemesse. Men folket strøyma på og det var skikkeleg messestemning både i Mastua, stabburet og på utestandane.
Fjord 1 melder at ferjesambandet Kvanne – Rykkjem er opna igjen, men at reisande må rekne med avvik frå oppsett ruteplan ein kort periode. Ferjetrafikken stoppa opp ein kort periode laurdag ettermiddag, på grunn av dårsleg vêr.
Vi har tidlegare skrive om utstilling av flyfoto og presentasjon av årsskriftet for 2013. Det skjer laurdag ettermiddag (23.11) i Todalen ungdomshus, med start på programmet kl 14.00. Torsdag kveld var det innsamling av flyfoto, og alt etter en times tid var det kome inn mange gamle flyfoto. Det var foto heilt attende til først på 1900-talet og framover til nyare tid. Det skal bli arti å sjå når dei kjem på veggen i Ungdomshuset.
Foreløpig handlar det ikkje om produksjon av bilar ved Talgø Møbelfabrikk, men platene til dørken i lasterommet på WV Caddy og den nye transporteren WV T5 blir faktisk laga der. Talgø har fått ein langsiktig avtale på slik produksjon, og det passar godt til ledig maskinkapasitet, fortel produksjonleiar John Moe.
Asfaltarbeidet ved rasområdet var ferdig, og sjåføren var på tur heim etter avslutta asfaltsesong da uhellet skjedde. I svingen ved Bleikhammaren møtte han bussen, og det vart litt knapt om plassen. Sjølv om farten var liten, gjorde glatta at sjåføren valgte å legge bilen oppi grøfta i staden for å kollidere med bussen.
Den utenlandske sjåføren vart nok lurt av GPS’n, da han tysdag tok av i Melhuskrysset og kjørte gammelvegen mot Todalen. Det vart i allfall stopp da han kom til den overste svingen med sin semitrailer. Da måtte det kjettingar og redsningbil til for å kome på rett kjøl igjen.
Førstkomande laurdag (23. november) er det julemesse i Nistua på Nordvik, der det er fleire utstillarar enn nokon gong, og dermed eit breitt utval av heimlaga produkt å få kjøpt. Det er stort utval i forskjellig julemat og ikkje minst mange julegåvetips som tilbys.
Bispevisitasen i Surnadal kommune starta søndag, med gudsteneste i Stangvik kyrkje som første punkt på programmet. Etterpå var det kyrkjekaffe i prestegarden, før sokneprest Bernt Venås inviterte biskopen til middag i prestegarden. Etterpå bar det til Todalen, der omvisning på Talgø utstillingssenter var første del av todalsprogrammet.
Søndag 24. november er det cupfinale og toppoppgjør mellom Molde FK og Rosenborg BK. Fotballgruppa i Todalen I.L. har rigga til storskjerm i Todalen ungdomshus for å vise cupfinalen på direkten. Det blir opne dører frå kl 12 og utover til sendinga er ferdig. Det blir sjølvsagt open kios med salg av kaffe, pølser, brus og snacks. Stor tippekonkurranse med premiering. Gratis inngang!
Neste laurdag har Todalen historielag premiere for sitt nye årsskrift. Det skjer i Todalen ungdomshus på ettermiddagen, og da blir det også utstillinga av gamle flyfoto i Ungdomshuset som eit av underhaldningsinnslaga og samtaleemna denne dagen. Historielaget minner derfor på om at folk må finne fram gamle flyfoto som kan stillast ut denne dagen.
I følge politiloggen var det ei utforkjøring i Todalen seint i går kveld, der føraren vart sendt til Orkdal sjukehus med lettare skade. Det er mistanke om promillekjøring. Vi kjenner ikkje fleire detaljar i saka.
Etter vel ein halvtimes straumbrot ser det atter ut til å være normal straumforsyning i store deler av Todalen. Todalsøra er framleis utan straum, på grunn av vindfall over linja. Svorka er på staden for å utbetre linja, og reknar med at feilen skal være retta ganske snart. Straumbrotet skjedde i 21.30-tida laurdag kveld.