Forfattararkiv for

Eldremiddagen er godt igang igjen etter sommarferien. Sist onsdag var det rømmegraut og spekemat på menyen, der veterankokkane Jenny Kvendset og Olina Halle trakterte gjestane med god heimlaga rømmegraut. Komande onsdag er det lapskaus som står på menyen, som dei fleste onsdagane består av god og heimlaga humannskost. Både todalingar og utabygdes nyttar seg av dette populære tilbodet som foregår i sanitetshuset kvar onsdag. Komande onsdag er det lapskaus på menyen.

Torsdag den 2. oktober besøkte Stavganggruppa i Surnadal pensjonistlag Randi Lysø i Nestua Torvik. Medan halvparten av gruppa la i veg utover forbi Fyrlykta, var Randi turleiar for oss andre og viste veg opp til Storhaugen, ein utsiktsplass knapt tre kvarters gange opp for gardane i Torvik.

Torsdag har det pågått asfaltering over dei stikkrennene som er utbetra og fornydd på strekninga frå inner Driva til Bordholmen på RV671. Det er veidekke som har prosjektet med utskifting av stikkrennene, men arbeidet har dei siste par vekene vore utført av J.Reiten. Veidekkes folk forebudde asfalteringa, og eit innleid firma la ny asfalt på over dei stikkrennene som er skifta ut.

Vêrveggen på Skulstuå (Gammelskulen) blir i desse dagar skifta ut. Da vi knipsa bilete i skyminga var arbeidet forlengst slutt, men det er snikkarar frå Latvia som utfører arbeidet. Ytterveggen hadde nok stått sitt høgst, og blir no skifta samstundes som ei av skottdørende blir kledd att. Tidlegare er vindauga mot vegen skifta ut på grunn av råteskade, og det blir vel meir vedleikehald etter kvart.

Tysdag hadde Anders Talgø sin siste arbeidsdag ved Surnadal Vidaregåande skule. Jobben som rektor var slutt 1. september, da Mons Otnes formelt tok over ansvaret. Den siste månaden har dei to overlappa, og har mellom anna gjennomgått prosjekt som ikkje er avslutta. Men no er det slutt med skulearbeid, og det blir honning- og straumproduksjon i staden.

Helgas runde med lyn og torden har nok slått ut sendaren for skuggenettet på Hjellnes. Sendaren er no ute på 4. dagen, og folk tek til å bli utålmodige. I feilmeldingstjenesten på Norges Televisjon står sendaren i Todalen oppført med teknisk feil….

Ruskvêret er nok over for denne gong. På «indre» vart det på langt nær så dårleg vêr som vêrmeldingane tyda på, men vi har nok hatt føling med både sterk vind og store nedbørsmengder. Elvane har vore prega av nedbøren, og natt til søndag var det nok mest vassføring i Toåa. Da var vassmålaren opp mot 42 m3/sek ved NVEs målestasjon ovafor Storfossen.

Laurdag kveld var det tid for medlemsfest for Todalen Idrettslag. Det skjedde på Pakkhuset Kro, der det var duka for årets store skaldyrfest, og mellom 40 og 50 deltakarar gjorde eit skikkeleg innhogg i skaldyrkoldtbordet som verskapet hadde laga i stand.

Denne helga markerer soknerådet 50-årsjubileum for konfirmantane frå 1964. Denne markereinga starta med fest i Todalen ungdomshus laurdag kveld, og fortsette søndag med markering under gudstenesta i kyrkja. 10 av dei 14 konfirmantane deltok på festa laurdag kveld, der både jubileumskonfirmantane og bygdafolket elles var invitert til middag og underhaldning i ungdomshuset.

Det er enno ein månad før revyførestillinga HÆSTlatter går av stabelen, men alt no er det klart at både fredags- og laurdagsførestillinga kjem til å gå for fullt hus i ”Gladlaksen” på Thon Vårsøg hotell. No har Thon Vårsøg hotell rydda meir plass til publikum, og dei legg ut nye 50 billettar på begge kveldane (fredag 30.10 og laurdag 1.11)

Etter tre kveldar på rappen med fullt hus i Storstua på kulturhuset, var det torsdag kveld tid for å slå sluttstrek for revyen «Opprørs-10» med 10. klasse ved Surnadal ungdomsskule. Du verden så flott ein revy og så mange dyktige talenter vi fikk oppleve på scena. Publikum vart «hekta på» heilt frå starten, og det var stigning gjennom begge dei to aktene.

Etter 14 dagar med hektisk ombygging og opp-pussing var det torsdag 25. september opningsfest for apoteket i Surnadal med mange gode tilbod, blautkake og kaffe. Mange tok turen innom, og det var mange lovord å høyre om det nye apoteket!