Forfattararkiv for

Redskapshuset på Bordholmen skal få eit nytt målingsstrøk. Dugnadsgjengen hadde første samling tysdag kveld, der 5 personar møtte. Litt regnvêr gjorde at det ikkje var tilrådeleg med noko målararbeid, men gjengen tok fatt på skråpejobben som vart på det næraste ferdigstillt. Torsdag frå kl 17 blir det ny dugnadskveld, og Gudmund Kvendset håpar at det da kjem bra med mannskap, slik at det blir litt fart i målararbeidet.

2. pinsedag inviterte Todalen historielag til historisk vandring på Kårvatn. Dei hadde hyra inn Gudmund Kårvatn som guide, og han hadde mykje å fortelje om både gardshistorie, samferdselshistorie og turismen i historisk perspektiv. Turen starta ved «Vandraren» framfor butikken og gikk gjennom gardstunet og innover til Sommarfjøsvollen før vi svinga i retning Nauståfossen og attende til Kårvatn. Eit 50-tals deltakarar hadde møtt fram for å delta.

Tysdag kveld blir det målardugnad på Bordholmen, melder Gudmund Kvendset i anleggskomiteen i T.I.L. Det er reiskapshuset som har fått eit facelift med ny bordkledning på vêrveggen, og no skal heile huset få eit strøk med måling. Dugnaden startar kl 17 – og sjølvsagt blir det dugnadskaffe.

Dieselrøyk og brummende dieselmotorar vekker liksom gutongen i deg. Søndag var det høve til å få ei stor dose av begge deler, da det var stor konkurranse i traktorpulling ved Stornaustet på Halsanaustan. 1500 tilskuarar, eller skal vi heller kalle det entusiastar, kom for å sjå – og høre. Det er mesta like mange som det er innbyggjarar i Halsa kommune. og dei frammøtte fikk valuta for pengane.

Denne veka måtte bilen innom bilverksted for å få ei lita «oppgradering», og fikk da høve til å prøve den nye VW Golf GTE medan min eigen bil stod på bukken. Dette er ein hybridbil – det vil seie at den har både bensinmotor og el-motor med ladbart batteri. Det var ei arti sak og den husholderte godt med energien, og var det straum på batteriet så gikk den på straum og når det gikk tom – eller det var for lite krefter, så kobla den inn bensinmotoren

I Amfisentret i Surnadal trefte vi fredag ein kjent snekkar i aksjon – Gunnar Nordvik har dei siste par dagane jobba med ny uteplass for butikksentret. Det er laga terrasse med eit par rundbord og eit solid langbord med tilhørande benk. Her kan du trygt slå i bordet uten frykt for å øydelegge bordet i allfall….

Det blir i år rekorddeltaking for traktorpulling på Halsanaustan søndag. 35 traktorar er påmeldt, med stor variasjon i størrelse og hestekrefter – 75 hk frå lokalt hald, medan langveisfarande kjem med traktorar på rundt 1000 hk. Det store spenningsmomentet er sjølvsagt vêret, men akkurat no ser det ut til å bli bra, seier Gunnar K. røe som er leiar for arrangementet på Halsa.

Driva.no referer til utanlandske «dørselgarar» som har vore aktive i fleire grender rundt om i kommunen. Torsdag kveld var denne bilen også observert i Todalen, og det er etter kvart kome for dagen at det er mange som har hatt besøk på døra. Mellom anna er bilen observert på Kvennset så seint som rett før kl 23 – der den samla opp folk som har vore aktive.

Kirsten Winge – biolog, villmarkskokk og kokebokforfattar kjem til Svinvika arboret søndag 24. mai kl 13.00. Ho held foredrag – med bilder – om mat vi finn i skogen, og tek for seg gode og kortreiste råstoff som vi haustar frå naturen. – Bær, sopp, vekster, vilt, fisk for å nevne noko.

Etter mange gode og helsebringande trimøkter i gymsalen gjennom haust og vinter er aktiviteten til dametrimmen no flytta utandørs. Torsdag kveld gjekk trimgjengen opp til Svinvikhammaren. Tretten damer var med på turen, og for mange av deltakarane var dette eit nytt turmål.

Torsdag denne veka gikk stavgangturen til Todalen – nærare bestemt til Brusetmarka og Gammelfabrikken til Talgø. Over 30 deltakarar samlast ved Gammelfabrikken og gikk opp Falla etter gammelvegen – og vidare oppover til Tjønnmyran – til det nye lysløypeanlegget til Todalen idrettslag.

Kulturvandringa til Todalen historielag er i år lagt til Kårvatn. Det skjer 2. pinsedag, altså måndag 25.mai. Det er start klokka 12.00 frå plassen framfor Kårvatn fjellutstyr, Låven. Gudmund Kårvatn vil vere guide for oss. Han vil fortelje både om fortidsminne, nyare historie og om drifta på Kårvatn i dag.