Vi fann 7054 artiklar i dette arkivet.
Bjørnar Aasbø fikk laksen på kroken alt etter tredje kast, da han prøvde seg på laksefisket torsdag ettermiddag. På frivakta frå Rossåa settefisk tok han turen til Båthølen i Toåa, for å prøve slukstanga. Resultatet vart ein svel på 2,855 kg – helt nøyaktig kontrollert vekt av kollega Kjetil Haugen. Det var nok eit heilt nygått eksemplar, for Bjørnar kunne telje heile 23 lus på fisken.
Fredag kveld er det «Jonsvake» i Åsskard kyrkje, med Åsskard kyrkjekor som arragør. Det blir ein kveld med mykje song og musikk – mellom anna folketonar frå Todalen og slåttar etter spellmannen Hallvard Ørsal. Jonsvaka startar kl 22.00 og utover mot midnatt.
Tysdag ettermiddag runda Ragnar av sin yrkeskarriere, og vart heilttids pensjonist. Sidan 1985 har L. Hals vore arbeidsplassen for Ragnar, berre nokre månader etter at butikken på Kvennset vart teken i bruk. – No skal det bli betre tid til alt som eg ikkje har fått tid til tidlegare, og så vil eg bruke meir tid til å sjå meg rundt og dra på turar – både korte og lange seier den nybaka pensjonisten.
Onsdag kveld – 1. juli kl 19.00 – er det klart for tidenes oppgjør mellom Todalen og Bøfjorden. Begge laga samler alle dei beste til eit landslag (iallafall etter same prinsipp som landslaget) og møtes på Bordholmen. Det blir altså eit blanda Todalslag mot eit blanda Bøfjord-lag, der spelarane som er lånt ut til andre lag stiller på sitt heimelag. Det blir nok litt av eit oppgjør – og uansett resultat så blir det returkamp i Bøfjorden etter ferien.
Laksen har ikkje akkurat stått i kø dei første dagane av årets sesong. Men no løsnar det kanskje, for Sven Sandodden tok i allfall ein fin og lusfri laks i hølen Hagan laurdag. Han frista laksen med flue, og dermed satt den på – og kom på land.
Konserten med Asle Beck og Yngve Kristiansen vart på mange vis ei flott og verdig avslutning på Todalsdagen 2015. Etter ein dag med stor aktivitet på Bordholmen, – sol frå blå himmel og massevis med folk som kosa seg i sommardagen, var det godt å sette seg ned og slappe av framfor scena på Todalshytta. Her […]
Ræta opp er mosjonsløpet der du konkurrerer mest med deg sjølv. Det er lite alvor men likevel ein konkurranse der det gjeld å delta og kanskje flytte grenser. men du kan også prøve deg på løyperekorden, som er ei sterk tid – nemleg 11.59. Årets raskaste var Håvard Gjeldnes som kom i mål på 12.05.6 – […]
Da vi stakk innom Todalshytta i ettermiddag, pågikk øving og finpuss til kveldens konsert. Asle Beck, Yngve Kristiansen og Gunnar Westlie satt i kråa ved inngangen og finpussa på kveldens repertoar, og trioen gledde seg til å starte konserten på bakken framfor Todalshytta i det fine sumarvêret. Konserten på Todalshytta er eit samarbeid med Todalsdagen […]
Dugnadsgjengen på Bordholmen er komne i innspurtsfasen, og etter kvart blir nok alt klart til Todalsdagen før dei tek kveld. Det er montert telt og plassert ut bord og storgrillen er komen på plass og klargjort for storproduksjon av kotelettar, hamburarar, vårrullar og laksekotelettar. Klargjering av maten var ein anna dugnadsgjeng i arbeid med i Ungdomshuset.
Torsdag 25. juni er Soggnebba målet for stavgangturen. Trass i ein skytung himmel med etter kvart lett regn, startar om lag 30 stavgangarar på turen opp til Honnstadvatnet. Dei fleste gav seg att ved vatnet, medan ei mindre gruppe gav seg i kast med fleire motbakkar, og i lett regn fortsette dei opp til Soggnebba. Dei fekk løn for strevet ved å få oppleva ei fantastisk utsikt frå toppen av Nebba.
Fredag ettermiddag var banekomiteen i full gang med merking av fotballbanen på Bordholmen. Laurdag er det cupfotball frå morgon til kveld, og det kjem til å bli aktivitet på 5 banar gjennom heile dagen.
I juli blir det langope kvar onsdag i Svinviks arboret. Første kvelden med langope er onsdag 1. juli, og da inviterer quizmaster Ida på konkurranse i quiz i kafèen, med spørsmål frå fjern og nær. Aroretet er ope frå kl 11 – 20 på onsdagar i juli og 11 – 16 frå torsdag – søndag som vanleg.