Vi fann 7179 artiklar i dette arkivet.
Den første bussen med deltakarar er forlengst komen til Todalen og dei første deltakarane er på veg opp lia i retning Ålvundeid. Eit stort trettital starta iløpet av den første halvtimen, men starten går heilt fram til kl 11. Leiar i Todalen I.L. Steinar Frøystad lika dårleg regnbygene i dag tidleg, men trøsta seg med at det var meldt likare vêr utover dagen.
I august 1966 var 1953-kullet dei aller første til å flytte inn på nybygde Stangvik skule som ligg ved det gamle Melhuskrysset. Skulen var så uferdig enno, at dei måtte balansere gjennom gangen på plankar for å kome seg inn på klasserommet. Laurdag var 18 av dei 26 elevane i klassen tilbake for å feire at det er gått 50 år sia dei starta på sitt 7. og siste år på barneskulen.
Søndag står Trollheimsmarsjen på plakaten, med start frå kl 8.30 og utover til kl 11. Trollheimsmarsjen går frå Bordholmen i Todalen og over fjellet til Alvundeid – med målgang på Leikvoll stadion innan kl 17. Påmelding skjer på Bordholmen før start, og det er sett opp bussar frå Ålvudeid 7.45, 8.45 0g 9.45 med start frå Leikvoll.
Førstkomande tysdag, 6. september kl.18.00, blir det føstehjelpskurs på Bordholmen. Det er beredskapsgruppa i Todalen sanitetsforening som er arrangør, og dei oppfordrar alle brukarar av Bordholmen, samt bygdafolk elles til å bli med på kurset.
Måndag hadde vi ei sak om første fjøset (les ridehallen) som var produsert på Talgøs elementfabrikk i Todalen. 3 semitraller sette da kursen nordover til Bardu i Troms for å levere seinast torsdag morgon. Transporten gikk etter plana, og entreprenøren Borgen Bygg As kunne starta monteringa av veggelementa straks dei var lossa.
Målet for dagens utflukt for Stavganggruppa i pensjonistlaget var Todalshytta. Det var nærast fullparkert på parkeringsplassen, og heile 34 deltakarar la ut på tur frå Todalshytta og innover Ramsøydalan mot Hallanesset. At det regna litt innimellom, gjorde ingen ting for alle sammen var godt kledd for uteliv.
Måndag var det ein merkedag på Talgø – det første bygget frå den nye elementfabrikken vart lasta opp på 3 semitraller, og starta på turen oppover til mottakaren som held til i Bardu. På Eggen Gard i Bardu står stålkonstruksjonane klare til å ta i mot veggelementa som skal bli ein ridehall på rundt 1400 m2.
Det er ikkje noko nytt å ha utestand for Bernt Jørgensen. Alt før 85-åringen vart pensjonist, starta han med tresløyd på hobbybasis. Den gongen var det såpass stor produksjon, at han måtte ut i verden for å omsette produkta han laga. Dei første åra deltok Bernt på mange salgsmesser og ymse slag arrangement med sine tresløydprodukt. Etter […]
Reguleringsplana for Øygarden bustad på Nordvik er no lagt ut for offentleg ettersyn på heimesida til Surnadal kommune. Planforslaget viser eit nytt bustadområde på Nordvik. Det er også planlagt eige område for hytter, rorbuer/naust, samt småbåtanlegg og badeplass.
Bli med på Trollheimsmarsjen, oppfordrar I.L. Ulvungen og Todalen I.L. Trollheimsmarsjen er eit samarbeidsprosjekt mellom dei to laga, og marsjen har start på Bordholmen stadion i Todalen, og går over fjellet til Ålvundeid og har målgang på Leikvoll stadion – tilsaman rundt 13 km frå start til mål.
Det siste året har det vore stor byggeaktivitet – bustadhus og landbruksbygg har nærast «poppa opp». I dag har det vore stor aktivitet med mørtelbil hos naboen i Jostua på Husby. Her pågår det både renoveringsarbeid og tilbygg, og i løpet av nokre timar i føremiddag er grunnmurane til tilbygget støypt.
Denne veka gikk stavgangturen til Ranessetra. Turen gikk via bomvegen til Skeisnebba, og vidare etter stien innover til Ranessetra. På Ranessetra serverte Nils Mogstad kaffe frå svartkjelen og fyrstekake som tilbehør til kaffen.