Langtids 2 på Surnadal sjukeheim tok seg ein todalstur i finvêret på fredag. Dei vart nok litt overraska når dei kom til eit tett tåkehav, der dei knappast klarte å orientere seg. Men dei visste råd og tok turen til Kårvatn, og da kom dei over den tjukke tåkebanken. Her kjørte dei innover til Plassen, for å ta Nauståfossen i nærare augesyn.
På Kårvatn kom ovafor tåka og kunne nyte den fine haustdagen. Foto: Jon Olav Ørsal
Der trefte dei imidlertid Terje Nordvik som var på hytta ein tur, og dermed vart det kaffelag i hyttetunet for både pasientar og hjelparar. Etter kvart letta tåka og forsvann slik at det vart utsikt og høve til å sjå seg rundt i bygda på turen heimatt til Surnadal.