Forfattararkiv for

Strekninga Åsbøen-Svinvik på FV614, er som kjent bevilga ny asfalt denne sommaren. I den forbindelse planlegg Mesta no å skifte ut ein del stikkrenner før ferien. -Vi planlegg å ta nokre av desse på natt. Derfor blir vegen delvis stengt natt til torsdag 27.juni og natt til fredag 28.juni, fortel prosjektleiar Kjetil Rønning i Mesta.   Utrykningskjøretøy og […]

No er det nedteljing til Todalsdagen, og Anders Gjeldnes som held i alle trådar før årets happening kan fortelje om rimeleg god kontroll i dei fleste komitear.  Banekomiteen har blant anna så god kontroll at dugnaden som var tiltenkt på onsdag ikkje er nødvendig.

Søndag kveld klokka 18 blir det stort felles St Hansbål i Gunnøya. Det blir enkelt opplegg der alle tek med seg mat og drikke sjølv som ein kan kose seg med rundt gapahuken etterpå. Anledning til å varme både pølser og anna høveleg grillmat på bålet.

I dag kom årets nyheit i Todalen rullande inn ved badeplassen i småbåthamna. Todalen Grendalag har ordna med ei enkel sanitærløysing til alle som ferdast i området, da med særleg tanke på dei som brukar badeplassen. Dette har vore eit savn over lengre tid, sidan einaste «tilbudet» tidlegare har vore å gjere frå seg i nærområdet for den med prekære behov.

På bakgrunn av gårsdagens kommunestyremøte har det vorte reaksjonar på forslag om samanslåing av barnehagane ved Todalen og Stangvik Oppvekstsenter. Bjørn Gunnar Ansnes har i eit leserinnlegg nokre refleksjonar rundt dette. Todalen.no har lagt seg på ei linje utan lesarinnlegg, men gjer eit unntak for dette som også beskriv mykje positivt rundt busetjing som er på gang i Todalen for tida.

I morgon er siste gong med lagseriestemne før ferien. Denne er flytta til Tjønnmyra kor det blir høve til å både springe, klarte og leike seg for store og små. Det blir også anledning til å grille om nokon ønsker det.

Nok eit skuleår går mot slutten, og i går kveld vart dette markert ved Todalen Oppvekstsenter. FAU stilte med varme grillar slik at den som ville, kunne ta ein sein middag. Etterpå var det litt underhaldning av elevane i 1.-4. klasse. Rundt om i gymsalen var det utstillingar frå mange ulike prosjekt som elevane hadde gjennomført i løpet av skuleåret. 

Bærekraft, konkurransekraft og verdiskapning står i fokus når juryen til Byggenæringens Innovasjonspris var samlet i forrige uke for å velge ut åtte finalister til Byggenæringens Innovasjonspris 2019. Og blant kandidatene finner vi nå Talgø MøreTre AS med Concise Collection®

Todalen og Stangvik historielag hadde og i år samarbeid om felles busstur for medlemmer og andre. I år skulle turen gå innom Torjulvågen og vidare til Frei, og det var litt over 30 stk som tok 9-ferja frå Kvanne laurdag den 15. juni, med Øystein Moe som stødig sjåfør på bussen – i sol frå mesta skyfri himmel. Det var Stangvik historielag som stod for hovedansvaret for turen i år, med Lars Gudmund Røen som tilretteleggar og leiar for turen.

I helga har over 400 sanitetskvinner vore samla på Quality Hotel Expo på Fornebu. 5 av desse representerte ei lita, men veldig aktiv forening på landsbasis; Todalen sanitetsforening. Dei ønsker fortsatt å vere ei aktiv forening, og da krevest det både fagleg påfyll og nye impulsar. -For å få til dette ønsker vi derfor stille på dei arrangementa som er tilrettelagt for oss, seier leiar Maren Ansnes.

Førstkommand emåndag er det sommaravslutning for Todalen oppvekstsenter. Da blir den årlege markeringa av at nok eit skule- og barnehageår er på hell og sommaren står for tur. Vi har fått invitasjon frå Oppvekstsenteret til ungar, foreldre, foresette og andre interesserte.

Todalen.no jubilerer i august, og no byrjar programmet for jubileumsfesten den 10. august å ta form. Jubilanten ønsker å gi noko tilbake til bygda, og har landa på god servering, humor og kjente tonar til slutt. Styret ved leiar Stig Husby tykkjer derfor at det er ekstra stas at Tone Søyset Døving har takka ja til å halde ein minikonsert denne kvelden. -Dette blir årets fest i Ungdomshuset som du ikkje må gå glipp av, meiner han.