Forfattararkiv for

Dagens Kjerringdilt gjekk av stabelen på Skihytta i strålande påskesol i dag. Vel 50 mann møtte opp på dette årlege arrangementet til skihytte komiteèn og Trimgruppa. Folk kom både utafrå, innafrå og nedafrå for å prøve å hente heim den gjeve pokalen. Ingen kunne skylde på veret, men føret var kanskje litt kleinare, i allefall i nedoverbakk.

I og med at påska er så sein i år, verkar det som om påskeutfarten ikkje er like stor som tidlegare år av di det byrjar å bli smått og trått snømessig. Mange oppheld seg derfor mykjegodt nede i bygda og treng kanskje litt alternative utflukter. Rundt om bygda er det sett opp mange fine gapahukar, deriblandt ein i Gunnøya. Denne ligg heilt nedve elva og har plass til mange gjestar ved surt ver, som i dag tildømes. I dag treftest eit par puljer uavhengig av kvarandre her, og hadde det reint så triveleg.

I dag var Per Gjeldnes atter ein gong utkalla til å ta litt forefallande arbeid på vegen mot Kårvatn. Denne gongen var det ei stikkrenne nerast innmed Kårvatn gard som hadde godt i stykker som måtte utskiftast. Av dette hadde det vorte eit hol som var utruleg djupt etter kvart som grusen hadde forsvunne i den øydelagte røyra.

Start 4H arrangerer i desse tider LAN på Bordholmen. Dei starta i 18 tida i går kveld, og skal etter plana halde fram til 14 i dag. Då er det data som står i høgsetet stort sett heile tida, med minimalt med pausar bort frå maskinene. Eit LAN er eit datatreff der dei koblar seg opp på same nettverksadresse og blandt anna spelar spel mot kvarandre.

Da er fotballsesongen for nokre av dei yngre spelarane godt i gang. I andre serierunde klarte unguttene på Søya/Todalen/Kvass/Ulvungen å kjempe til seg ett poeng mot Træff på Øye stadion torsdag kveld. I følge Søya sine nettsider, med stor involvering av to todalsgutar; Brage Hauglann Talgø og Kristoffer Nordvik.

Både gymsal og klasserom var dekorert til fest då Todalen skule og barnehage, feira sine runde tal i går. Barnehagen sine 20 og skulen sine 90. Rundt om heile 1. etasje var det utsillingar frå ulike tidsepokar. I gymsalen var det blandt anna ein heil vegg med gamle skulebilete, der mange brukte tida godt for å sjå etter kjentfolk.

Også i år var det stor oppslutning rundt Todalen Sanitetsforening sin innsamling til Estland. Folk set tydeleg pris på å kunne gi bort klede og anna utstyr til folk som kanskje treng det meir enn oss her til lands. Frå Kvanne kom det til og med ein fullasta drosje. Her var det Anna Svorken som hadde ordna skyss innover til seg og «ryddelasset». Og drosjesjåfør Dag Arne Nordvik bar behjelpeleg inn. Det skal også nemnast at same Anna strikka 50 ullsokkar som Todalen Sanitetsforening fekk for å lage julegåver som og skulle sendast til Estland.

Frå Surnadal Velværesenter, som er medlem hos todalen.no har vi fått ei oppdatering på kva som skjer utover våren. Dei melder om ulike kampanjar og «gulrøtter» for å få fart på sommar forma. I april månad gis det mellom anna rabattar og premier til nye medlemmer. Kvar torsdag er det naprapat på huset, og heilt nytt frå sist i mars er moglegheiter for akupunktur.

Todalen Sanitetsforening vil også i år arrangere klesinnsaamling til Estland. Datoen for dette har no vorte satt til laurdag 9. april frå klokka 10 og utover. I år er det 4. året saniteten arrangerer dette, og vil som før gå i samarbeid med Estlandsforeninga.

Både Driva og Trollheimsporten har i løpet av helga orientert om at Gammelskulen i Todalen no er bestemt seld til ”Gammalskulen lokalhistoriske og fleirkulturelle senter». Som tidlegare nemt hadde dei lagt inn bud på skulen til 1 krone, og fekk no dette innvilga på siste komunestyremøte, med frist for å realisere prosjektet innan 1. september.

Erik Kårvatn ved målestasjonen for Norsk institutt for luftforskning (NILU) på Kårvatn fortel i dag at det har vore rekord i nedbørsmengden den siste perioden. Frå den 21. til den 28. mars vart det registrert 100 mm nedbør. Noko som i følge han er lenge sia sist. Snødybda er no oppe i heile 145 cm.

 I helga som var hadde Søya/Todalen/Kvass/Ulvungen og Surnadal besøk av trønderlaget Utleira for spel av treningskampar. Dette var eit lag dei stifta bekjenntskap etter cupspel før jula i fjor. Gjestane måtte sjå seg slått av begge heimelaga, men hadde eit bra opphold for det i følge rapportane. Her kan du lese heile saka på IL […]