Vi fann 1042 artiklar i dette arkivet.
Todalen sanitetsforening har i mange år sendt julegåver til Estland. Dette skjer i samarbeid med Estlandsforeninga i Midt-Noreg. Dei har alt sendt ein bil med gåver til Estland, og neste transport blir 14. november.
Omsorgsberedskapsgruppa i Todalen sanitetsforening inviterer folk i bygda til middag torsdag 8. november kl. 14.00 i Sanitetshuset. Dei vil servere skinkesteik og kjøttkaker med godt tilbehør. Kaffe og dessert etter hovudretten. Pris 200 kroner.
Hurra for den som fyller sitt år, ja ho vil vi gratulere! Hipp, hurra for Jenny som fyller 97 år i dag! Sjølv om ho ventar kaffegjester utover dagen, stilte ho på Kløverrusletur og gjekk heile runden om bustadfeltet før det vart pause i solveggen.
Todalen sanitetsforening inviterer til KløverRUSLEtur måndag 15. oktober. Denne dagen blir det base ved Sanitetshuset, og så kan ein gå tur i byggefeltet, utover til Småbåthamna eller opp til Løfta.
Måndag 8. oktober blir det Kløvertur utover Haltbakkvegen. Her er det fin grusveg og ikkje bratt.
Denne veka blir det strikkekaffe på fredag, altså 5. oktober! Alle er velkomne til strikkekaffe i Todalen sanitetshus. Det er ope hus frå kl.13.00 til 16.00.
Etter ei helg med regn og ruskver var det både opphaldsver og litt sol da kløverturgjengen la ut på tur første dagen i oktober. Med minstemann, Ingrid, i barnevogna til bestemor var det 15 personar som starta oppover skogsvegen frå Bruset.
Sanitetsforeninga inviterer til Kløvertur måndag 1. oktober. Oppmøte på Hals kl. 11.00, samkjøring til Bruset. Derifrå går turen etter fin og fast skogsveg, og det er ikkje bratt. På Kleiva, eit lite stykke ovanfor Haugligardane, er det bord og fin utsikt utover bygda. Alle er velkomne til å bli med på trim og tur!
Torsdag kveld inviterte Surnadal Heimbygdlag til temakveld om markaslått ved Mo oppvekstsenter. Der møtte det over 100 interesserte personar! Det var over all forventning, slo programleiar Svein Sæther fast. Dei frammøtte gledde seg til å sjå den nye DVD-en om markaslått som Heimbygdlaget har produsert.
For første gongen i historia arrangerte Sanitetsforeninga basar på ein kvardagskveld, og dei var spente på korleis det vart teke i mot av bygdefolket. Men oppmøtet vart riktig bra, og det kom inn meir pengar på basaren i år enn i fjor!
Todalen sanitetsforening minner om at det basar i Sanitetshuset i kveld, tysdag 25.09. Basaren startar kl. 17.00 og det er trekking ca. kl. 19.30. Det er stort basarbord, barnebord, dagens bord og åresalg. Mange fine gevinstar!
Sanitetsforeninga inviterer til Rusletur måndag 24. september. Denne gongen blir det base ved Sanitetshuset, og så kan ein gå tur i byggefeltet, utover til Småbåthamna eller opp til Løfta.