Vi fann 2473 artiklar i dette arkivet.
Surnadal kommune inviterer også denne våren til kurs for småbarnsforeldre i barseltida. – Det er heilt normalt å vere litt usikker som småbarnsforelder. Dette kurset er for alle, seier kurshaldarane Ingunn Brekke og Rita Aarnes.
Kirkens Nødhjelp (KN) sin aksjon er eit årvisst innslag i fastetida. Tysdag 28. mars kjem konfirmantar og andre bøsseberarar på døra. Sokna i Surnadal og Rindal hadde strategimøte torsdag. KN-samordnar Gro Hauge Venås og soknekontaktane drøfta årets gjennomføring og fordelte bøsser og anna materiell.
FRAM Møre og Romsdal melder at fergestrekninga Kvanne – Rykkjem no skal elektrifiserast for fullt. Ladeanlegget på Rykkjem skal difor ferdigstillast, noko som i perioden 27. februar til og med 16. mars, vil bety nokre små justeringar i ferge- og bussrutene i denne perioden.
Søndag 19. februar klokka 16:00 inviterer Todalen historielag til ettermiddagskaffe i Todalen ungdomshus. Servering av bakels med graut og kaffe.
Kyrkja i Surnadal inviterer til «Felles middag» på kyrkjelydshuset onsdag 22. februar klokka 16:00. Store og små i alle aldrar er da velkomne til kyrkjelydshuset på Skei, der det frå klokka 16:00 blir servert middag med påfølgande ettermiddagskaffe/te.
Surnadal JFF inviterer til jakt- og fiskeskule 1. halvår 2023. Så har du lyst til å lære om aktivitetar knytta til jakt, fiske og friluftsliv?, og samtidig er i aldersgruppa 10 – 13, da kan dette vere noko for deg!
Neste veke er de vinterferie på skulane over store delar av landet, inkludert i Surnadal kommune. Svømmehalden er open tysdag, onsdag og torsdag i vinterferieveka, slik at dei som brukar svømmehallen til vanleg, også kan nytte seg av tilbodet når skulane held vinterferiestengt.
Det har ei stund vore planer om å skifte ut den gamle komfyren i Todalen ungdomshus med ein ny. Så da idrettslaget kom over ein nær ubrukt gasskomfyr, vart det fort bestemt at den skulle kjøpast og installerast i ungdomhuset.
Laurdag 18. februar, mellom klokka 12:00 – 15:00, er alle velkomne til kaffeslabberas i Skulstuå. Da inviterer «Venner av Skulstuå» til sosialt samvær med sal av kaffi og gode kaker, samt at dei serverer kakao til dei yngste i leikekroken.
Torsdag 16. februar klokka 18:00 opnar årets «Vintersyn» i galleri Finstuå på Surnadal kulturhus. I år er det Kristian Finborud frå Voss, der han har eige galleri. Bileta hans, som er stemningsfulle vinter- og skibilete har gjerne humoristiske titlar, og har blitt særs populære. Alex Trio vil stå for det musikalske innslaget under opninga torsdag. Så her kan ein forvente fengande rytmar, samt flotte og stemningsfulle bilete.
Det er hektiske tider i nominasjonskomiteane rundt om i dei politiske partia før kommunevalet til hausten. Surnadal SV presenterte si liste no i dag, og her er Karina Kalvik kumulert på toppen av lista.
Miljøpartiet de grønne (MDG) i Surnadal presenterte i går kveld lista si for kommunestyreprioden 2023 – 2027. Todalingen Kjell Gunnar Polden toppar lista og er dermed partiet sin ordførarkandidat framfor haustens kommneval i Surnadal. Kjell Gunnar er saman med Kjell Johan Larsen komulert på toppen av lista.