Vi fann 2204 artiklar i dette arkivet.
I går tok Fjellgruppa i Surnadal Pensjonistlag turen til Amtlihammaren og Bæverfjordsetra. – Turen til det forjettede fjell gikk oppover skikkeleg bratte bakka forbi ein kraftstasjon som sikkert held straumprisene nede for utbyggaren, kan Kristian Ranes i Fjellgruppa fortelje.
Surnadal kommune opplyser at siste frist for å bestille husnummerskilt via kommunen snart går ut. Alle 4884 adresseverdige bygg i kommunen har no fått tildelt husnummer (adressenummer). Huseigar eller festar har ansvaret for å sette opp nummerskilt på eige(ne) bygg eller eigedom. Mange har bestilt våre skilt med svarte tal på kvit refleksbakgrunn, godkjent av Kartverket.
Frå september vil det bli arrangert ICDP-foreldregruppe for foreldre som har elevar på ungdomstrinnet i Surnadal kommune. Da inviterer helsesjukepleiar Heidi E. Fiske og ungdomskontakt Kristin Børset til foreldregruppe, som går over 8 veker på torsdagar. Oppstart blir torsdag 22. eller 29. september, men dette vil bli kunngjort til deltakarane i god tid før oppstart.
Stavganggruppa i Surnadal Pensjonistlag inviterer til stavgangtur til Holtasetra i Søyådalen torsdag 25. August. Parkerer ved brua, så går turen derifrå og opp til setra. Oppmøte klokka 11:00.
Laurdag den 27. august inviterer Turgruppa i Gamle Stangvik, med støtte frå Stangvik Historielag, «Årnesdagen». Oppmøte klokka 11:00. Det er mogleg å parkere ved Jørristu-fjøset eller ved grendahuset på Årnes. Dagen startar med ein kort tur opp til Musters-husa (Trøinn).
Neste helg, 26. – 28. august, inviterer kvinneutvaget i Surnadal Jeger og Fiskerforening (SJFF) til NJFF Jentehelt 2022 i Surnadal. Det er framleis ledige plassar, så har du lyst til å vere med, så er det berre å melde seg på. NJFF Jentehelg 2022 er eit tilbod til alle friluftsinteresserte jenter i alle aldrar, og ein treng ikkje ein gong å være medlem i SJFF for å kunne vere med!
Tysdag 23. august inviterer Fjellgruppa i Surnadal Pensjonistlag ny fjelltur, og denne gongen går turen til Øverkjerka i Bæverdalen. Oppmøte på parkeringsplassen nedanfor Øye kyrkje klokka 10:30 for samkøyring til Saga i Bæverdalen.
Søndag 21. august klokka 11:00, inviterer Todalen sokneråd til utegudsteneste i Svinviks arboret. Dersom det blir dårleg ver blir gudstenesta flytta til Todalen kyrkje, til same tid. Eventuell flytting vil bli annonsert her på Todalen.no, så følg med!
Fjellgruppa i Surnadal Pensjonistlag skulle eigentleg på tur til Innerdalen og Renndølsetra tysdag, men vêrmeldingane på yr.no meldte mykje nedbør, så turen vart utsett til i går. Og da skein sola på oss!, seier ein fornøgd Kristian Ranes i Fjellgruppa!
Svein Tjelle, i Stavganggruppa i Surnadal pensjonistlag, har sendt oss ein liten rapport frå dagens stavgangtur, som i dag gjekk til Vindøladalen. – Fin tur med stavgangsgrupps til Vindøldalen i dag, kan han fortelje.
Laurdag 20. august frå klokka 12:00 – 16:00 inviterer Surnadal Jeger og Fiskerforening (SJFF) til aktivitetsdag for alle i Svartvassområdet. Store og små er velkomne til samling i det flotte nærområdet der. SJFF legg til rette for aktivitetar dei har lyst til å dele med dei som kjem, alt relatert til jakt-, fiske- og friluftsaktivitetar og med spesielt fokus på moglegheiter i sentrum.
Torsdag 18. august tek Stavgangargruppa i Surnadal Pensjonistlag stavgangturen sin til Vinddøldalen. Oppmøte klokka 11:00 ved bommen på Holtamoen og samkøyring innover.