Vi fann 2472 artiklar i dette arkivet.
Nils Magne Røen og Hallvard Kvande, frå arrangørklubben Surnadal Golfklubb, sikra seg seieren i årets «Svorka Mini Maraton». Vinnarlaget fekk 61 poeng, medan heile fire lag kom like bak med 60 poeng kvar.
Sidan vêrgudane ikkje ser ut til å varte opp med noko serleg godt vêr på tysdag 5. september, så da inviterer Fjellgruppa i Surnadal Pensjonistlag heller til tur i den nye kavlvegen på Eidet, i staden for fjelltur.
Tysdag 5. september klokka 19:30 er det «strikkekino» på Surnadal kino. Så er du av dei som likar å strikka samstundes som du ser film, så er Surnadal kino rette plassen på tysdag. Da blir det dempa belysning, slik at ein også kan strikke, når dei viser filmen «Book Club – The Next Chapter».
I går gjekk Stavganggruppa i Surnadal Pensjonistlag sin tur til Sjøasetervatnet. Seksten stavgangarar var med på gårsdagens stavgangtur, og det vart ein skikkeleg finvêrstur for turfølget opp til vatnet.
Stangvik Grendalag inviterer til «Kafékonsert» laurdag 2. september klokka 20:30. Da kjem Ila strykeband på besøk til Bondehuset i Stangvik, og det er fri inngang. Dei har for anledninga med gjesteartistane Sigrid Vetleseter Bøe, Trygve Brøske, Nina Jori Pedersen, Øyvind Engen og Jo Inge Nes.
I går gjekk Fjellgruppa i Surnadal Pensjonistlag sin fjelltur til Snøfjellet i Kvenndalen. – Så skulle vi få enda ein fin turdag med opphaldsver innimellom alle regndagane vi har for tida!, seier Anne V. Einum i Fjellgruppa.
Stavganggruppa i Surnadal Pensjonistlag inviterer til stavgangtur til Sjøasetervatnet torsdag 31. august. – Vi samkjører frå bommen ved Sjøasetra, så møt opp til til klokka 11:00, seier Svein Tjelle i Stavganggruppa.
I kveld var det eit skikkeleg lokaloppgjer i fotball på Bordholmen stadion, da Søya/Todalen G 11 spela heimekamp mot sine gode naboar Surnadal G 11. Vêrgudane var ikkje heilt i «god lune», men det var i alle fall opphaldsvêr, men litt kald trekk. Men kamp vart det, og mange hadde teke turen for å sjå lokaloppgjeret.
I dag hadde Todalen Idrettslag invitert til aktivitetsdag, og sjølv om vêrmeldingane ikkje var dei aller beste for, så vart vêret og oppmøtet på arrangementet ganske bra. Tretti ungar og ungdommar var med på lagseriestemnet, der det var lengde med og utan tilløp, kast av liten ball, sprang 60 meter og 400 meter.
Tysdag 29. august spelar Søya/Todalen sitt G 11-lag heimekamp på Bordholmen stadion klokka 18:00. Da kjem Surnadal G 11 på besøk, så da er det duka for eit skikkeleg lokaloppgjer! Båe lag har fleire todalingar på laget.
Den etter kvart så tradisjonsrike Søyacupen vart arrangert på Søyabanen i dag, og IL Søya kan notere nok ein vellykka cup i si historiebok. 69 lag spela 103 kampar, og rundt 400 ivrige fotballspelarar fekk ein fin fotballdag, der dei fekk med seg både gode fotballminne og premie heimatt.
Ville du likt at ein lokal politikar las dikt medan du åt lunsjen din? Vel, da kan Surnadal bibliotek vere plassen onsdag 30. august klokka 12:00. Da kjem nemleg representantar frå sju parti og les dikt på biblioteket i lunsjen din. .