Vi fann 2368 artiklar i dette arkivet.
Laurdag 22. juli, mellom klokka 11:00 – 13:00, inviterer Lia gard til «sommarope» bakeriutsal. Så da blir det mogleg å sikre seg både grovbakst og noko til kaffekosen no i ferien. Har du problem med å rekke innom i opningstida, er det berre å ta kontakt med Lia gard for å avtale henting av varer.
For å kunne røyste ved haustens kommunestyre og fylkestingsval må ein stå i manntalet. Manntalet er no lagt ut til offentleg ettersyn, slik at alle kan sjekke om namnet deira står der.
Sjølv om det er sommarferie, så er det mykje som går føre seg på kulturhuset. Der er det nemleg kunstutstilling, bibliotek og nokre forrykande filmar! Så finn du ikkje på noko anna å gjere no i sommarferien, så er det berre å ta turen innom kulturhuset.
Sønndag 16. juli klokka 11:00 inviterer Todalen Sokneråd til gudsteneste i Todalen kyrkje. Liturg er Bjørn Hovde og organist er Magnhild Frydenlund Brøske.
I haust er det kommune- og flkestingsval, og Surnadal kommune kjem no med litt inforasjon om førehandsrøysting og anna informasjon i samband med valet 11. september. I perioden frå 10. august til og med 8. september kan du førehandsrøyste i Surnadal kommune. Førehandsrøystinga foregår på Surnadal kulturhus. På sjølve valdagen, 11. september kan du sjølv velje kvar du vil røyste, altså sjølv velje det røystelokalet du sjølv vil i kommunen.
Da har vi lagt inn ReMidt sin tømmekalender for glass- og metallavfall, restavfall, papir og papp, plast- og matavfall, for juli og august 2023 inn i aktivitetskalenderen vår her på Todalen.no. Tømmekalenderen for september og oktober, vil bli lagt inn i starten av september månad.
I morgon, søndag 9. juli klokka 12:00 – 16:00, er det igjen open kafe hos Slettneset steinovnsbakeri. Her blir det sal av kaffe og nystekt bakst, så da er det berre å ta turen til Slettneset for å ta søndags-kaffen saman med andre.
I dag er det akkurat ein veke sidan Todalsdagen 2023 og fotballturneringa TodalsCupen vart arrangert på Bordholmen stadion. Arets utgåve av TodalsCupen samla 28 lag med spelarar i alderen 6 – 11 år til vennskapeleg kamp om ballen og måla.
Tysdag kveld var representantar frå idrettslag, historielag og bøgdalag inviterte til eit idemyldringsmøte på Todalshytta for det vidare arbeidet med gjenbruk av den nedlagte skulebygninga. Møtet var initiert av kommunen ved kommunedirektør Knut Haugen og ordførar Margrete Svinvik, som eit ledd av prosessen som starta etter fellesmøtet på mai i fjor. For dei som treng ei oppfriskning vart det her bestemt at bygda, kommunen og andre interessenter fekk tre år på seg til å finne gode alternativ til gjenbruk, før ein tok den endelege avgjerda vidare for byggningane på den nedlagte skulen.
Alt er no klart til Stangvik historielag og Todalen historielag sin busstur laurdag 8. juli. Turen i år går til Bud i Romsdalen. Her blir det omvising på Kystfortet og guiden vår vil fortelje oss litt ekstra «Bud-historie».
I morgon er «Ræta opp!» lagt inn i Todalen Idrettslag sin Trimpoeng app.
I dag gjekk starten på fjelløpet Xreid, som var er 135 kilometer og med ein total høgdeforskjell på 5400 meter i Storlidalen. Xreid Trollheimen hadde start klokka 12:00 og målgang på Oppdal ut på morgonkvisten i morgon. Litt før 15:30 passerte dei første løparane Kårvatn check point. Det er 233 startande pluss 15 lag (minimum 2 som spring saman).