Forfattararkiv for

Fredag 26. januar, mellom klokka 12:00 – 17:00,  inviterer Lia gard til årets første bakeriutsal. Dette markerer dei med «nyttårstilbod» på grovbrød. Da får du grovbrød til kr. 45,- per brød.  

Kyrkja i Surnadal inviterer til «Felles middag» på kyrkjelydshuset onsdag 24. januar klokka 16:00. Store og små i alle aldrar er da velkomne til kyrkjelydshuset på Skei, der det blir servert middag med påfølgande ettermiddagskaffe/te.

Mange gode kort på Surnadal kino no, og Seniorfilmklubben tek det første stikket. For det er klassikaren frå 1973, med Robert Redford og Paul Newman, som er sett øvst på plakaten i filmklubben denne vinteren. Onsdag 24. januar klokka 12:00 blir det ragtimemusikk og «høk-over-høk» (eller «skurk-lurar-skurk», som kanskje er meir forståeleg i dag). «The Entertainer», musikken frå «Stikket», vil dei fleste kjenne att.

Tysdagar etter skuletid samlar Torbjørn Brøske og Bernt G. Bøe årets konfirmantar i Todalen, Stangvik og Åsskard kyrkjer til konfirmantundervisning, ei av dei av tre kyrkjene. Før konfirmantundervisninga tek til, serverer sokneråda mat og drikke. Bernt G. Bøe har sendt oss ein rapport om kva konfirmantane får lære gjennom konfirmantopplæringa. 

I går ettermiddag inviterte Barne- og ungdomsgruppa i Todalen Idrettslag til Pop-up «barn i løypa» i lysløypa på Tjønnmyra. – Det var kjempefine løyper og verkeleg fine forhold for å gå på ski, sjølv om det var mange kuldegrader, fortel leiar i Barne- og ungdomsgruppa, Anders Gjeldnes. 

I ei pressemelding frå Vårsøghelga no i kveld, får vi vite at TrondheimSolistane avsluttar vårsøghelga 2024 med konsert i Storstuå på Surnadal kulturhus søndag 26. mai klokka 19:00. Her vil TrondheimSolistene framføre Vivaldis «Dei fire årstider», der orkesteret sin eigen leiar, Geir Inge Lotsberg som er solist. TrondheimSolistene har turnert verda rundt med Vivaldi sine årstider, med mellom anna Anne-Sophie Mutter, Joshua Bell og Marianne Thorsen som solistar. men denne gongen er det altså lotsberg som er solist. 

Surnadal Jeger og Fiskerforening (SJFF) kallar inn sine medlemmar til årsmøte 29. februar klokka 18:30 i klubbhuset på Tellesbø, Nordsida 198. Vanlege årsmøtesaker.

Barne- og ungdomsgruppa i Todalen Idrettslag inviterer til «barn i løypa» i lysløypa på Tjønnmyra onsdag 17. januar klokka 17:30. – Det er kort varsel, så det blir meir som eit «pop-up» arrangement, men det er fine forhold for å gå på ski no, så da må vi berre kome i gang, seier Anders Gjeldnes, leiar i Barne- og ungdomsgruppa. 

Styret i Nordmøre forsvarsforening kallar inn sine medlemmar til årsmøte fredag 16. februar klokka 13:00 på Fjordkroa på Aspøya, Straumsnes. Vanlege årsmøtesaker. Det blir også vist bileta frå den forsvarshistoriske turen til Kvalvik fort i 2023, frå ein tur på Ringebufjellet, til eit gamalt tysk flyvrak frå krigen og frå 8. mai-markeringa. 

«Årshjulet» til Todalen Idrettslag viser at at det er mykje som skjer framover, og i tillegg til det som allereie er datofesta, så blir det heilt sikkert «Barn i løypa» i lysløypa på Tjønnmyra og lagseriestemne på Bordholmen. Årets Todalsdag blir laurdag 29. juni, der det blir både fotballturnering og «Ræta opp!». 

Styret i Todalen Idrettslag kallar inn sine medlemmar til årsmøte i Todalen ungdomshus torsdag 7. mars klokka 19:00. Den som vil seie frå seg tillitsverv i idrettslaget må gjere dette skriftleg til valnemnda innan laurdag 10. februar. 

Frå 1. januar i år er det gjort nokre justeringar i straumstøtteordninga, som staten gjev til hushaldningar, når straumprisen, inkludert mva. er høgare enn 91,25 øre per kilowatt. Straumstøtta vil no basere seg på prisen frå time til time, og ikkje gjennomsnittsprisen for ein heil månad, som tidlegare. Straumstøtta vil framleis vere på 90 prosent […]