Vi fann 2363 artiklar i dette arkivet.
Fredag 8.jaunuar kl. 19:00 kjem TrondheimSolistane til Surnadal kulturhus for å halde, sin etter kvart, tradisjonelle nyttårskonsert. I år har dei med seg sopranen Eir Inderhaug som solist. Elevar frå kulturskulane i Surnadal og Sunndal, under leiing av Synnøve Hammervold, vil opne konserten i samspel med TrondheimSolistane.
Førstkomande laurdag, den 12.desember, mellom klokka 11:00 og 15:00 vil medlemmer frå Start 4H ha stand med kornbandsal utanfor Matkroken Todalen. Kornbanda kostar 100,- kroner. Sjølv om det så langt ikkje er snø og difor god tilgang på mat for småfuglane, så kan det likevel vere ein god ide å sette opp kornband slik at […]
Frå prosjektleiar for Kavlvegen tursti, Anne Lise With Wullum, har vi fått ein rapport som fortel om arbeidet med å bygge ei lafta kvilebu på Åsen bygdemuseum. Dette var eit prosjekt byggteknikklinja ved Surnadal videregåande skule, saman med faglærar Johan Almås og tradisjonshandverkar Torgeir Leivdal, skulle gjennomføre og ferdigstille våren 2020. Men så kom Koronaen og prosjektet kunne ikkje fullførast på grunn av at samfunnet vart stengt ned frå midten av mars. Difor er det Åsen bygdemuseum, der lærebedrifta Husasnotra ved Geitbåtmuseet Nordmøre Museum som har teke over arbeidet med å fullføre kvilebua. Onsdag var byggteknikklinja ved Surnadal vgs. på Åsen for å sjå på framdrifta i prosjektet, så om dei ikkje fekk fullføre prosjektet så følger dei ivrig med på arbeidet som blir gjort. Tømmeret til kvilebua kjem frå Svinvika.
I førre veke vart 4 vaktheimlar for veterinærar i Surnadal og Heim kommunar tildelt. Ein av dei som fekk vaktheimel trekte seg, og i dag vart det kjent at Silje Mogstad Finstad frå Rendalen i Innlandet fylke, får den ledige vaktheimelen. Silje er oppvaksen på gard med mjølkeproduksjon. Ho har vore med som «budeie» på heimsetra om somrane og arbeidd som avløysar i ungdomsåra. Ho er difor godt kjent med mjølkeproduksjon og storfe, og ser på landbruket som sin «lidenskap» og si faglege styrke.
Som for så mange andre, blir òg Surnadal Kunstforening si verksemd råka av Koronasituasjonen. Med bakgrunn i dette har kunstforeninga starta eit digitalt lotteri dei har kalla «Haustlys-LOTTERI 2020». Det er mogleg å kjøpe lodd via Vipps fram til 31.desember. Trekninga skjer i løpet av veke 1 i 2021.
Det brenn akkurat no på Ørmo i Ørsalbukta. Bebuarane er teke hand om og flytte til eit nabohus. Det lokale brannvesenet var raskt på staden og fekk etter kvart forsterkningar frå Surnadal Brannvesen. Brannen vart fort sløkt, men blussa opp att etter ei lita stund. Brannen er no sløkt, men ettersløkking pågår.
Todalen Idrettslag sender i desse dagar ut Medlemsinfo til sine medlemmer. Dette kjem i postkassen i løpet av helga. Her ber idrettslaget alle medlemmer om å sende inn epostadressa si. Dette for å lette arbeidet med å sende ut medlemsinformasjon og medlemskontingent. Så idrettslaget håper på god respons frå sine medlemmer på dette! Medlemmer som bor utanfor bygda blir spesielt oppfordra om å registrere epostadressa si!
Knut Bergli i Barne- og Ungdomsgruppa i Todalen Idrettslag informerer om at det frå klokka 14:00 i ettermiddag blir mogleg å gå på skeiser på Todalen Idrettslag sin skeisebane på Bordholmen stadion.
På søndag er det lysmesse i Todalen kyrkje klokka 19:00. Opprinneleg var det meininga at det skulle vere konsert med: P17-koret, Bjørn Vevang og orgelreparatør Espen Selbæk, etter lysmessa. men dette let seg dessverre ikkje gjennomføre på grunn av smittevernreglane i samband med Covid-19.
Todalen Grendalag si, etter kvart, tradisjonelle julegate, mellom Talgø og Matkroken, vart tend i ettermiddag. På grunn av Koronasituasjonen så vart det ikkje noko arrangement i samband med tenninga av julegata i år, slik det har vore åra før. Men knapt tretti hadde likevel teke turen for å sjå at julegata vart tend. Todalen Grendalag […]
Adventstida nærmar seg, og førstkomande søndag er det første søndag i advent. Med tanke på at dette har vore eit spesielt år, på grunn av Koronasituasjonen store delar av året, vil det vere viktigare enn på lenge å lyse litt opp i dagane fram mot julehøgtida.
Teatret Vårt kjem til Surnadal kulturhus med «Virvelvind» torsdag 29. april neste år og tilbyr i samband med dette «Black Friday»-prisar på billettar i dag, fredag 27.november. Her kan det vere eit mogleg julegåvetips?