Vi fann 2363 artiklar i dette arkivet.
Fredag 23.april klokka 19:00 kjem Namsos Allstar til Surnadal kulturhus med «The Hits of Bruce Springsteen». Namsos Allstar er det ein kan kalle eit «overskuddsprosjekt», og består av artistar frå DDE, Sambandet, Terje Tysland Band, Grannes samt Thoma, minsteblad, Brøndbo. For å kunne atterskape den kjente og magiske lyden til The E-street Band, har dei teke med seg saksofonisten Egil Furre i rollen som Clarence Clemons.
På grunn av innreisekarantene, må Svorka utsette det varsla linjeettersynet med lågt-flygande helikopter, som eigentleg skulle ha starta i dag, til neste veke. Det er den svenske fotografen, som skal fotografere linjenettet, som er sett i innreisekarantene på Værnes. Dette betyr at heile linjeettersynet vil bli gjennomført frå og med tysdag 27.april og ei stor veke framover, til i byrjinga på mai. Linjeettersynet vil òg gå føre seg helga 1-2.mai.
Surnadal kommune ønskjer å presisere reglane vedrørande bandtvang. Bakgrunnen for dette, er at dei i det siste, har fått fleire tilbakemeldingar frå folk om at bandtvangen ikkje blir respektert av alle hundeeigarar. Kommunen ønskjer difor å presisere at bandtvangen er absolutt og gjeld i perioden 1.april – 31.oktober i Surnadal kommune.
Styret i Todalen Idrettslag kallar no inn til det utsette årsmøtet sitt. Årsmøtet blir torsdag 29.april. kl. 19:00 i Todalen ungdomshus. Årsmøtet var opphaveleg fastsett til torsdag den 25.mars, men måtte utsettast på grunn av smittevernreglane. Med nye smittevernreglar blir det mogleg å gjennomføre årsmøtet.
Som ein direkte konsekvens av koronasituasjonen, blir årets 17.maifeiringa i Todalen slik som i fjor. Det vil seie biltog frå Matkroken Todalen klokka 11:00 – oppover til Gammelfabrikken – og nedatt på sørsida til Matkroken. Feiringa blir avslutta med 17.maigudsteneste i Todalen kyrkje klokka 14:00.
I ei pressemelding frå Svorka i dag, blir det orientert om at dei, frå onsdag 21.april og ei lita veke framover, vil gjennomføre ettersyn av linjenettet sitt med lågt flygande helikpoter. Svorka vil i år ettersjå heile høgspentlinjenettet sitt ved å bruke helikopter.
I eit orienteringsbrev frå Miljøverndirektoratet 15.jaunuar 2021, blir 75 av landets kommunar orientert om at direktoratet har igangsett ei fagleg vurdering av om det er områder der det kan vere aktuelle å utvide dagens landskapsverneområder. Vurderinga inneheld òg ei eventuell omgjering av delar av dagens landskapsverneområder til nasjonalparkar. Surnadal kommune, er ein av dei 75 kommunane som har motteke orienteringsbrevet. For Todalen vil den skisserte utvidinga av Trollheimen landskapsverneområde bety at grensa til landskapsverneområdet kjem nesten heilt ned til husa på Kårvatn.
Todalen Idrettslag held no på med oppdatering av medlemsbasen sin for å kunne sende ut medlemskontingenten for 2021. I samband med dette registrerer dei epostadressa til medlemmene sine. Dette gjer at mange, no i helga, har fått ein epost frå Norges Idrettsforbund. Denne eposten ser slik ut:
I ei pressemelding frå Nordmøre Mållag no i dag, vart vinnarane av Målprisen 2020 offentleggjort. Under årsmøtet til Nordmøre Mållag laurdag 17. april, vart det klart at Kjellaug Handegard Brørs og Styrkår Brørs frå Surnadal har vorte tildelt Målprisen 2020.
SpareBank1 SMN vil i år, som i fjor, gje lønstilskot på 7.000 kroner per sommarjobb for ungdom til bedrifter i Midt-Norge. Lønstilskotet blir gjeve til bedrifter som tilbyr ungdommar i alderen 16 – 25 sommarjobb i minst tre veker. I fjor vart det gjeve lønstilskot til 500 sommarjobbar for ungdom. I år håper SpareBank1 SMN å kunne gje dette tilbodet til 600 ungdommar. Eit skikkeleg prisverdig tiltak, spesielt i ei tid der det kan vere vanskeleg for ungdommar å finne sommarjobb på grunn av koronasituasjonen.
Fredag 23.april klokka 19:00 kjem Namsos Allstar til Surnadal kulturhus med «The Hits of Bruce Springsteen». Namsos Allstar er det ein kan kalle eit «overskuddsprosjekt», og består av artistar frå DDE, Sambandet, Terje Tysland Band, Grannes samt Thoma, minsteblad, Brøndbo. For å kunne atterskape den kjente og magiske lyden til The E-street Band, har dei teke med seg saksofonisten Egil Furre i rollen som Clarence Clemons.
I ei pressemelding i går ettermiddag, informerer kulturavdelinga i Surnadal kommune om at søknadsfristen for kulturmidlar 2021 er 30.april. Same frist gjeld for å søkje om leige av idrettshallen, gymnastikksalar ved skulane og symjehallen, for skuleåret 2021/22. I tillegg informerer dei om at Surnadal kino opnar dørene att frå og med fredag 16.april.