Vi fann 2363 artiklar i dette arkivet.
Måndag 10.mai klokka 18:00 blir det arrangert dugnad i Toåa tursti ved Båthølen. Per E. Gjeldnes Maskin har levert eit gruslass som mellom anna skal brukast for å betre tilkomsten til platten for rullestolbrukarar. Resten av gruslasset skal brukast på forskjellege områder rundt gapahuken i Båthølen. Det skal og takast ned nokre tre langs turstitraseen.
Ingenting endrar seg så fort som fergerutene på rute 46: Kvanne – Rykkjem akkurat no. Frå i dag er det nok ein gong endringar i rutenetidene over Stangvikfjorden. Denne gongen som eit resultat av påtrykk frå Surnadal og Sunndal kommunar. No blir overfartstida redusert frå 18 minutt til 15 minutt, noko som gjev rom for fleire avgangar gjennom dagen.
Søndag ettermiddag fann Gudmund I. Kvendset denne, noko vi trur er ei sveiv til ein båthengar. Gudmund fann den i Sandstadkrysset på Kvennset søndag ettermiddag, så er det nokon som har køyrt gjennom Sandstadkrysset med båthengar i helga, kan det vere lurt å sjekke om dette kan vere sveiva di?
I kveld var det dugnad på kyrkjegarden ved Todalen kyrkje. Over 50 hadde møtt opp, så dugnaden vart unnagjort på ein stor time. Kyrkjegarden vart raka, kyrkja vaska utvendig og somme gravsteinar, som hadde blitt skeive på grunn av tælen gjennom vinteren, vart retta opp att.
Måndag kveld hadde både Søya/Todalen J9/10 og G9 trening på Bordholmen stadion. Det er Jens Nervik og Ole Martin Øyen som er Trenarar for J9/10 laget, medan Jostein Kvendset er trenar for G9/10. Båe laga har hatt fleire treningar, og neste veke tek kampane til.
Fjellgruppa i pensjonistlaget er glad for å kunne invitere til tur att! Tysdag 11.mai går turen frå Kallset til Kvalnesvika. Alle som vil vere med møter på parkeringsplassen nedanfor Øye kyrkje klokka 10:00, for å organisere samkøyring til Kallset. Stien frå Kallset til Kvalnesvika går litt opp og ned, men er grei å gå, og fri for snø.
Todalen Grendalag kallar inn til årsmøte onsdag 16.juni klokka 19:00 i Todalen ungdomshus. Vanlege årsmøtesaker. Frist for å sende inn saker ein ønskjer å ta opp er på årsmøtet, må sendast til bgansnes@online.no innan måndag 31.mai. Frist for å seie frå seg verv er 10.mai, og skal sendast til ragnar.halle@gmail.com
Start 4H kallar inn til årsmøte tysdag 18.mai klokka 18:00 i Skulstuå. Vanlege årsmøtesaker. Sitjande styre oppmodar alle medlemmene om å tenke gjennom kva prosjekt dei ønskjer å ha som prosjektoppgåve i 2021!
Redaktør Knut Brevik i blada Villmarksliv, Jakt og Alt om fiske, har laga ein podcast med Gudmund Kårvatn. Her fortel Gudmund om målestasjonen for luft og vatn på Kårvatn, som vart etablert i 1976 av NIVA. Bakgrunnen for etableringa var at vatna og lufta er dei reinaste i Nord-Europa, og blir brukt som eit såkalla «nullpunkt» og dermed er eit referansepunkt for andre målingar som blir gjort.
På Adressa.no kunne vi laurdag 1.mai lese om utflytta todaling Kåre Olav Mossing (42), som er «kongen» av Airbnb i Trondheim. Kåre Olav leiger ut rom i si eiga leilegheit, samstundes som han bur der sjølv. Som vi ser, så har Kåre Olav pynta opp leilegheita si med levande blomster, planter og lys litt over snittet, og det er blomster og planter i alle rom. Dette ser ut til å gå heim hjå dei som ønskjer å leige rom i Trondheim for ei natt, eller ein kortare periode. Tal frå Airbnb syner at Kåre Olav er den med flest utleigedøgn i Trondheim, som er formidla gjennom Airbnb sitt booking system.
Ved midnatt i kveld går Surnadal Sparebank ut av historia og blir til Sparebank1 Nordmøre. Dette som eit resultat av at Surnadal Sparebank og Sparebank1 Nordvest går saman og blir til Sparebank1 Nordmøre. Målet med samanslåinga er å skape ein ny og enda meir attraktiv og slagkraftig lokal sparebank.
I ei sak som er lagt ut på regjeringa sine heimesider i dag, om royalbehandla trekledning, får vi opplyst at royalbehandla kledning no kan få midlertidig bruksløyve dersom sikkerheitskrava i TEK17 elles er oppfylt. Dette blir gjort ved ei forskriftsendring, der ein ikkje lempar på krava til sikkerheit, men tek bort den absolutte koblingsregelen mellom Byggteknisk forskrift (TEK17) og Forskrift om dokumentasjon av byggevarer, som har vore gjeldande fram til i dag.