Vi fann 2471 artiklar i dette arkivet.
Surnadal Pensjonistlag inviterer til trivselkveld på Thon Hotel Surnadal onsdag 20. oktober klokka 19:00. Det blir varmrett og dessert i restauranten, før dei flyttar seg til Gladlaksen for kaffe. Trond Larsens trio spelar til dans. Pris kr 250,- pr. person for medlemmer, og kroner 350,- pr. person for ikkje medlemmer.
Laurdag 16. oktober mellom klokka 12:00 og 16:00 inviterer Indre Nordmøre Forsvarsforening til open dag ved krigsminnesamlinga på Åsen. Krigsminnesamlinga på Åsen inneheld våpen, militærutstyr og uniformer frå andre verdenskrig (1940 – 45), med lokal tilknyting til krigshistoria frå Surnadal kommune.
Torsdag 7. oktober klokka 18:00 er det duka, for det som ser ut til å bli sesongens siste fotballkamp på Bordholmen stadion for i år. Da er det lokaloppgjer mellom Søya/Todalen G9 og Surnadal G9. Her er det lokale spelarar, både på heime- og bortelaget.
Da medlemskontingenten for Todalen Idrettslag for 2021 vart utsent tidlegare i haust, oppstod det ein liten feil. Feilen er at forfallet vart sett til 14.11.2021, nesten tre månader fram i tid. Dette skulle ha vore 14.09.2021. Difor oppfordrar Todalen Idrettslag sine medlemmer til å snarast betale kontingenten for 2021, sjølv om forfallsdatoen framleis er om over ein månad.
Laurdag var det offisiell opning av trimappen «På tur i Todalen ved gapahuken i Båthølen. Appen blir levert av Turpoeng, og kan lastast ned både på iPhone og Android. Knapr 40 trimmarar hadde teke turen for å vere med på den offisielle lanseringa, sjølv om turmåla opna for registrering frå fredag, og allereie var teke i bruk av fleire turgåarar.
I går kveld var Søya/Todalen G9 i Ålvundfjorden og spela kamp mot Kvass/Ulvungen. Kampen vart spela innandørs i fotballhallen til Kvass/Ulvungen på Ålvundfjord stadion, noko som passa bra på ein kveld med mykje vind. Kampen vart, som ofte lokaloppgjer blir, ein jamn kamp der laga skifta på å ha føringa i målprotokollen. Rapportane fortel om […]
Frå 1.oktober blir trimpostane til Trimgruppa i Todalen Idrettslag, som tidlegare nemnt, opna for digital registrering gjennom appen Turpoeng. Frå neste veke vil: «http://www.trimpoeng.no/i/paa-tur-i-todalen/», bli «levande» og registreringa kan ta til. Her finn du alt av informasjon og rettleiing du treng for å kunne bli med på den digitale registreringa av trimturane dine. Her kan du ôg laste ned Trimpoeng-appen. Når det blir opna for å registrere seg i appen på telefonen, vil alle registrerte bli synlege. Samstundes vil turane med besøk, i samtid, bli synlege.
Torsdag kveld inviterte Todalen Sanitetsforening til helsekveld i Todalen ungomshus, og mange møtte fram for å få med seg Kari Løvendahl Mogstad fortelje om demens, og Tonje Bjørnås, Helga Bele og Solveig Haglund fortelje om tilbodet «Inn på tunet».
I strålende vær var det 33 personer som gjekk til Bøkeskogen i dag. Endelig en dag hvor regnkledene kunne være hjemme. Da vi startet var det 15 varmegrader, og da vi satte oss til bords på Svissholmen var temperaturen kommet til 19 grader. Med andre ord en strålende høstdag. Vi gjekk snarveien om prestegården, og da var det lett motbakke hele veien fram til Bøkeskogen som tok ca. 40 min.
I går kveld ettermiddag var 17 barn og unge, i alderen 4 – 14 år, samla til sesongens siste friidrettskveld på Bordholmen stadion. Der sto lengde (med og utan tilløp), kast av liten ball, 60-meter og 400-meter på programmet.
Laurdag 9.oktober klokka 18:00 inviterer Todalen sokneråd til jubileumsfest i Todalen ungdomshus, saman med årets 50-årsjubilantar. Årets jubilantar vart konfirmert i Todalen kyrkje våren 1971. Det blir festmiddag med påfølgjande kaffe. Det blir ôg litt underhaldning, quiz og loddsal.
Siri Skjerve er ei, av i alt 45, kunstnarar som er plukka ut til å vere med på Årsutstillinga 2021 ved Sørlandets Kunstmuseum i Kristiansand no i haust. Utstillinga opnar laurdag 2. oktober klokka 14:00. Norske Kunsthåndverkeres Årsutstilling er den største årlege mønstringa av norsk samtidskunsthandverk. Årsutstillinga har open innsendingsrett og det er NKs nasjonale jury som plukkar ut verka som får vere med på utstillinga. Det var i år innsendt 898 verk frå 379 søkjarar, og Siri var ei av dei 45 som altså slapp gjennom nålauget, med kunstverket «Jakob Hunter».