Vi har motteke ei lita sak frå gårsdagens treningsøkt for damene i bygda, frå ein av dei tidlegare redaktørene våre. For å ivareta treningsiveren vart det krav om full anonymitet for deltakere som tok mot til seg og dukka opp på tidlegare annonsert dametrim i Idrettslagets regi.
Dametrimmen i gang. Foto: Elinor Bolme
Som de ser var det full aktivitet på dei frammøtte. Sågar ein mann av ypperste kvalitet hadde forvilla seg i flokken. Også han ønska også full anonymitet. Han var til inspirasjon for damene, som lett fulgte anbefalingene hans for både mage og armøvingar.
Varierte øvingar på dametrimmen. Foto: Elinor Bolme
Trimrommet på Heitt og Sveitt er godt utrusta for ei god og variert treningsøkt. Her er mange apparat å velgje mellom både for kondisjon og styrke. Og er ein fleire i lag, så blir det enda artigare og inspirerande samtykka dei frammøtte om. Desse kveldane er heilt uorganiserte, men med hensikt til å hjelpe kvarandre til å bli betre til å bruke utstyret, og ikkje minst halde kroppen ved like.
Berre faglitteratur om trening og helse på kaffebordet. Foto: Elinor Bolme
Angra du på at du ikkje drista deg i veg denne onsdagen har du no ei veke til å manne deg opp. Mellom ca 18-19.30 onsdager framover vil det garantert være fleire damer i lokalet som treng både litt sosialisering og oppstramming. Men det er inga servering. Kun faglitteratur er å finne på kafébordet desse kveldane.
Neste dametrim er onsdag 3. november klokka 18:00 på same stad!